الام 11 اعادو انتاجها

**M I D O** · 13-08-2013 04:00 PM

المشاركة الأصلية كتبت بواسطة hemaa_82

السلام عليكم ...

كل العربيات في مصر مبالغ في سعرها .... بس بالنسبة لاسعار السوق الام 11 تستاهل حتي لحد ال 85...

ببساطة شديدة احنا لو قارناها مش هنقارنها ب1500 سيسي يعني لرة المقارنة الافيو واللانوس و الامجراند

تقارنها بفيرنا و لوجان و ابترا و هكذا

الا لو بتقارن فلوس بس يبقي بتتكلم في رينج من 80 الي 85 ... برضه هتلاقيها اعلي متور و اعلي اداء

انما برضه واجب علي توحة انه يعملها ضمان 5 سنين زي غبور علشان ياكل السوق

انما لو قارنا بين امجراند 7 و ام11

دي شيك و دي شيك
الامجراند اوسع اعتقد ... بس الام مش صغيرة
الامجراند 1500 ...الام 11 1600 ...
الامجراند فيها حبة دلع اكتر "حساسات خلفي و طارة ملتي و اير باجز " - انا ضد الاير باجز عامة -
الامجراند ضمان 5 سنين بس لسة في مرحلة اكتشاف الاعطال ... الام 11 ضمان 3 سنين بس معدش ليها خبايا

اكيد قطع غيار الام11 بقت اكتر انتشارا و ارخص بحكم الزمن بس من التعامل مع عربيات غبور برضه قطع غيارها بتبدر السوق في السريع البني

اعتقد ال2 نفس السعر

ال2 صيني .. ال2 توكيلاتهم مش صغيرة

صحيح جيلي عربياتها مش واخدة سمعة كويسة في حين ان شيري حالها احسن بس اعتقد غبور هيعرف يظبط

.....

اختيار صعب .....

بس اعتقد اللي هيحكمة اتجاة المشتري .... لو عيلة و كبيرة و كده اكيد الاوسع الجيلي..

لو شاب و جري و حركات انا مجرب و عارف ان مكنة الاسبيرانزا فحيتة وده بعد 4 سنين معايا اهه...

غير ان طبعا الجنط الاكبر محلي الام11 عن الامجراند غير ان الابواب الخلفي اشيك في الام 11 ..

من الاخر انا نفسي محتار ...
عامة وجود اختيارات كتير في نفس الرينج في الاخر بيصب في مصلحة المشتري ... و ربنا يصلح لنا الحال

تصدق انك حيرتني اكتر

طيب بحكم انك معاك الام 11 اية رايك انا هسافر 4 ايام في الاسبوع المسافة رايح جاي 230 كيلو يعني كل يوم 230 الام 11 هتستحمل السفر الكتير وطبعا معا التكييف واجي علي نفسي في ضيق الكنبة الخلفية ولا اشوف الاميجراند عشان واسعة وياتري هتستحمل هية السفر ولا لا خصوصا ان المحرك اصغر 1500 و العربية تقيلة

**hemaa_82** · 14-08-2013 04:41 PM

المشاركة الأصلية كتبت بواسطة m i d o

طيب يا باشا تقريبا كدة انا اطول واحد عندي في البيت 176 دة لو ركب ورا هيكون متضايق ولا القعدة هتبقي مظبوطة

يا عم انا 185 و لما بسوق وحد ورايا ببقي عادي بس انا بحب البراح علشان كده برجع الكرسي ....

الام 11 مش ضيقة يا اخوانا اوسع من الفورد فوكس و اوسع من الفيرنا والاكسنت ....و خدوا بالكو ان مساحات الرجلين للكراسي الامامي رائعة و الكراسي مريحة جدي هوه بس التابلوه كبييييييييير و ده بيحسس الي بيبص ان الفراغ ضيق انما هيه مش ضيقة يعني

**M I D O** · 14-08-2013 04:44 PM

المشاركة الأصلية كتبت بواسطة hemaa_82

بص ...

الحساب بيقول ان المتور الاكبر مع البودي الاصغر يعيش اكتر ....

انا عامل 4 سنين ومخلص ضمان و معنديش مشكلة...

فانا اكيد ان الام11 مش هتقول لا ابدا.... بس مش معني كده ان التانيه هتقول لا ....

بس اللي مخليني احتار ان الامجراند ضمان 5 سنين مش 3 ....

انا لو كنت بشتري النهاردة كنت خدت الامجراند ...ضمانها اطول ...و ده كان هيفرق معايا...

بس بعد ما جربت الام 11 مش عارف اقولك امجراند لاني واثق من الام11 و التانية هيبقي البحر يكدب الغطاس

ضمان الاميجراند 5 سنين علي المحرك و الفتيس بس وباقي العربية الدهان سنة و الكاسيت 6 شهور تقريبا و البودي ضد الصدء سنة ومش فاكر الباقي يعني 5 سنين دي كدبة من غبور

**M I D O** · 15-08-2013 08:39 PM

المشاركة الأصلية كتبت بواسطة hemaa_82

يا عم انا 185 و لما بسوق وحد ورايا ببقي عادي بس انا بحب البراح علشان كده برجع الكرسي ....

الام 11 مش ضيقة يا اخوانا اوسع من الفورد فوكس و اوسع من الفيرنا والاكسنت ....و خدوا بالكو ان مساحات الرجلين للكراسي الامامي رائعة و الكراسي مريحة جدي هوه بس التابلوه كبييييييييير و ده بيحسس الي بيبص ان الفراغ ضيق انما هيه مش ضيقة يعني

الف شكر طمنتني يا باشا