العجل الامامى بيسخن جامد

**youssef_elgbaly** · 18-07-2013 12:52 AM

السلام عليكم عندى مشكلة فى لادا 2105
العجل الامامى بيسخن جامد لدرجة فكيت العجلة لاقيت التيل من كتر السخنية اتحمص وفرده منه اللزق واقع والفردة التانية من التيل قرب يخلص بسسب القفشان

على فكرة لسه مغير سيرفو جديد قريب وتمام الفرامل كويس جدا بس البساتم بتاعت الاجهزة المفروش لما اسيب دواسة الفرامل ترد لورا
انا حاسس ان بساتم الاجهزة مابتردش لورا كويس وبكدا بيحدث العجل يقفش ويسخن جامد وبياثر على التيل ويوقع اللزق منه يعنى تلاقى حديدة التيل فى حته والتيل نفسه مفصول والتيل بيخلص بسرعة جدا
هو ده ممكن يكون ماستر الفرامل العمومى اللى عند السيرفو يخلى الفرامل تقفش ولا مالهوش دعوة بالقفشان للعلم مافيش تسريب اى زيت والفرامل الحمد لله كويسة ومافيش هوا
حد يعرف ايه الحل

**aw2100** · 18-07-2013 01:16 AM

روح للميكانيكى يفك اجهزة الفرامل امامى ويلين البساتم ويغير الأويل سيلات اللى فيها ممكن تكون فية صداء فى البساتم وخللى بالك ده بياكل الطنابير كمان !!

**aw2100** · 18-07-2013 01:50 AM

المشاركة الأصلية كتبت بواسطة youssef_elgbaly

تمام يعنى ده مش مشكلة ماستر ؟
بالنسبة للوسيلات ديه قصدك اللى فى العجلة نفسها اسمها السره رومان بلى العجل ولا جهاز الفرامل اللى على شكل بستمين دول فيهم اوسيل؟ انا النهاردة فكيت العجل واقعد احاول ارجع البستم بمفك كبير لاقيه جامد قمت مهويله الصامولة العلوية اللى فى الماستر العمومى ودوست على البستم لورا رجع علطول جيبت تيل جديد وركبته واخد هوا من اللكور الللى تحت جمب البستم مباشرة وكله تمام بس فى سخونية برده فى العجلتين مش عجلة واحدة

طالما هويت على الماستر والبستم رجع يبقى المشكلة من الماستر العمومى نفسة او من عمة السيرفو كانك دايس فرامل خفيف روح لواحد متخصص فى الفرامل يضبطهالك !!

**youssef_elgbaly** · 18-07-2013 03:10 AM

المشاركة الأصلية كتبت بواسطة aw2100

طالما هويت على الماستر والبستم رجع يبقى المشكلة من الماستر العمومى نفسة او من عمة السيرفو كانك دايس فرامل خفيف روح لواحد متخصص فى الفرامل يضبطهالك !!

تمام ان شاء الله تسلم هاروح للميكانيكى واشوف الدنيا ايه واكتب اللى عملته ان شاء الله

**Mohamed ELOoL** · 18-07-2013 06:01 AM

دة سيرفو يا باشا

**youssef_elgbaly** · 18-07-2013 06:21 AM

المشاركة الأصلية كتبت بواسطة Mohamed ELOoL

دة سيرفو يا باشا

السيرف مغيره قريب وعندى القديم فى البيت سمعت انه ممكن يتصلح بس انا جبت واحد جاهز من فترة

انا اللى اعرفه مشاكل السيرفو= تسمع صوت فس او هوا لما تدوس على الفرامل وبرجلة فى السلانسيه

وكمان بيحجر الفرامل يعنى تدوس تلاقى الدواسة مرة محجرة ومرة لا لازم تدوس جامد علشان تمسك

ماعتقدش سيرفو

**youssef_elgbaly** · 18-07-2013 06:24 AM

السيرفو مساعد فرملة ياخد هواء من الماتور عن طريق الخرطوم اللى واصل بيه ويساعدها تمسك بسرعة
انا عندى بساتم الاجهزة بتقفل على الطنبور جامد يعنى مثلا ارفع العجلة اللى قدام واوس فرامل واجى الف العجلة بايدى القيها تقيلة ماتفكش الا بعد كام لفة وبتبقى مش سريعة اوى