العربية بتهرب كهربا

**morelove0** · 19-07-2013 02:23 AM

السلام عليكم ياشباب كل سنة وانتوا طيبين انا عندى مشكلة ان العربية لو سبتها يومين بالظبط من غير ما اخرج بيها الاقى البطارية نامت مع ان البطارية لسه جديدة وبرضه كشفت عليها عن بتاع بطاريات قالى سليمة وكشفت على الدينمو بيشحن كويس جداا المشكلة ممكن تكون ايه؟؟؟؟

**dmostafa** · 20-07-2013 03:30 PM

نفس المشكلة عندي

والزيادة الكهربائي خلاني اجيب دينمو استيراد

ودلوقتي مع اني خرجت بيها امبارح انهرده مش عايزة تدور

وانا زهقت من العربية

**akmm** · 21-07-2013 01:27 PM

هل من الممكن يكون التهريب من الارضى .... او فعلا الدينامو مش بيشحن او البطاريه مش قابله شحن ..........

**morelove0** · 22-07-2013 09:28 AM

لا انا عندى الدينامو شغال والبطارية بتتشحن عادى يعنى لما بخرج كل يوم بيها مش بتنام منى لكن بتنام لو سبتها يومين

**أحمد جودة** · 22-09-2013 12:17 PM

تمام الكلام عندك تسريب كهربا ....... شوف الكاسيت ....... لو عندك ساعة فى العربية ....... أى حجاة بتشتغل بالكهربا .......... وعلشان تحكم بشكل نهائي لما تيج تركن العربية فك طرف من البطارية أعتقد السالب وسيب العربية يومين وبعدين وصل الطرف تاني لو دارت يبقيث عندك تسريب والبطارية سليمة

**dmostafa** · 08-11-2013 09:18 AM

المشاركة الأصلية كتبت بواسطة morelove0

الف شكر يا استاذ احمد هى كده فعلا مشكلة تسريب تفتكر بقى دى حلها هيكون ايه؟؟

نفس المشكلة عندي لو فكيت الاواطيش تدور لو مفكتهاش تنام
ودتها لكذا كهربائي محدش عارف يوصل للمشكلة
ومش عارف اعمل اي !

**NightmarE84** · 10-11-2013 11:11 PM

متابع

**ayam7** · 10-11-2013 11:32 PM

أكيد عندك حاجة واصل لها طرف موجب بعد غلق الكونتاك والكلام دة بيحصل بعد اللعب فى ضفيرة العربية بواسطة بعض الكهربائية تقوم حضرتك تجيب لمبة 12 فولت وتوصل عليها سلكين وتفصل طرف البطارية السالب وتوصل احد اطراف اللمبة بجسم السيارة والتانى فى سالب البطارية لو اللمبة نورت يبقى فيه تسريب فى الارضى طيب ندور على الحل بأننا نفك فيوزات العربية واحد واحد مع إجراء نفس التجربة لحد ماتوصل لان اللمبة تطفى يبقى العيب فى الحاجة اللى راكبة على الفيوز دة او الضفيرة بتاعتها ملامسة جسم العربية طب لو موصلتش يبقى فيه توصيلة بلدى برة دائرة الفيوزات ممكن يكون كتاوت نور او كلاكس او إربة زجاج المشكلة مش بسيطة ومحتاج تجارب كثير لحد ماتوصل والكهربائية مش فاضيين للكلام دة دة غير إن اى أمبير مسحوب من البطارية ولو بسيط هتنام خلال يومين

**ayam7** · 10-11-2013 11:41 PM

انا عاوز اوضح ان اى توصيل مباشر فى الارضى هيعمل قفلة وممكن يولع الضفيرة وهنا دة ميكونش تسريب التسريب دايما بيبقى ناتج عن لود حاجة شغالة او مش شرط شغالة لانها مش واصل لها الفولت الكامل بس هى واخدة طرف موجب والتانى ردىء التوصيل بالارضى وهنا يبقى تسريب