مدافع فى شكمان الفيرنا والسحب مخنوق

**wael6** · 22-07-2013 03:30 AM

السلام عليكم ورحمة الله
عربيتي فيرنا
السحب وحش وساعات بيكون كويس
هى غاز وبنزين
بعد التشغيل بدقايق السحب مخنوق ودواسة البنزين مفيش منها استجابة
وفى مدافع فى الشكمان بس صوتها مش عالى اوى لكن واضحه صوت التقطيعه والعربيه بارده
ولما بدوس ع البنزين مفيش سحب وتنتيش ولما بحول الى الغاز كل ده بيروح ؟
متابع للاهميه
وشكرا

**scorpovet** · 23-07-2013 03:03 AM

عندي مشكلتك بالظبط في اكسارا 2 اتوماتيك
ولقيت نقص في الميه شويه وزياده استهلاك البنزين وبرجله في العربيه
وطبعا متلته يعني على تلاته بوجيه بس وتلاقي رعشه شديده في الشكمان زي الموتوسيكل
المشكله دي جوان وش السلندر للأسف
لازم تكشف عليها وتتأكد وبعدين تغيره

**wael6** · 23-07-2013 03:50 AM

المشاركة الأصلية كتبت بواسطة scorpovet

عندي مشكلتك بالظبط في اكسارا 2 اتوماتيك
ولقيت نقص في الميه شويه وزياده استهلاك البنزين وبرجله في العربيه
وطبعا متلته يعني على تلاته بوجيه بس وتلاقي رعشه شديده في الشكمان زي الموتوسيكل
المشكله دي جوان وش السلندر للأسف
لازم تكشف عليها وتتأكد وبعدين تغيره

بس انا معنديش نقص فى الميه ولا تتليت فى العربيه
اللى بيحصل بس مدافع فى الشكمان وهى بارده بس

ناس قالتلى ده حساس الفالف ؟

متابع
وشكرا

**chiko** · 23-07-2013 04:24 AM

هو عيب الغاز كده مع الوقت بيسلخ البساتم و بيعمل كربنه علي الصباب و مع السخونه بيشتغل كويس ..
هوصفلك علاج ممتاز .. غير البوجيه و هات دانسون 3 شامعه .. و اشتغل بنزين بس يومين تلاته . و روح لميكانيكي ينظف الانجيكشن و ياريت ينظفه ببنزين مش منظف .. طبعأ و هي مبطله .. و بمجرد ما يرشه من جوه بنزين دور العربيه و دوسة سنه بنزين هتلقيها متلته و بطلع دخنه من الشكمان و في خلال ثواني هتظبط و اول ما تظبط تشيل رجلك من علي كفة البنزين .. و بعده غير البوجيهات..
ملحوظه متغيرش البوجيهات قبل ما تنظف الانجيكشن ..لانها هتبوظ .. غيرها بعد ما تنظف .. و متخفش الحكايه ده بعملها في باجيرو و عربيات عاليه و النتيجه ممتازه .. و السبب اللي مخاليني بقولك ابعد عن المنظف لان فيه ماده كاويه و بتتسب في مشاكل مع الايدال و الرشاشات .. لان المنظفات الموجوده في مصر مواصفتها مش قد كده .. و متصدقش اي ميكانيكي يقولك اصل المنظف ده امريكي .. الكلام ده مش مظبوط