الموضوع: سكودا فليشيا محتار و مش عارف اخد قرار فى الشراء

المشاركة الأصلية كتبت بواسطة gayar

سلام عليكم كل عاو وانتم طيبين ديه او مشاركه ليه و كنت عاوز مساعده منكم انا محتار اشترى سكودا فليشيا 97 او 96 ولا بولو 99 او 98 مع العلم ان كان معايه سكودا فليشيا زيرو اعدت مع العيله سنه واحده بس و اكيد مكنش فى اى عيوب عشان زيرو و انا كنت بحب العربيه ديه اوى بس دلوقتى ناس كتير خوفتنى و خصوصا المكانيكى بتاعى كل كلامه ابعد عن الشيكى يا استاذ عشان العربيه ديه موتورها لغبطه و انا الصراحه برده متعلق اوى بيها بس خايف اجيب واحده يطلع كلام الراجل ده صح فممكن نصيحه بالنسبه ماتور العربيه الفليشيا بخصوص الصيانه و عموما صيانه العربيه و لو حد يعرف ميكانيكى كويس نحيه حلميه الزيتون او المطريه و الفليشيا ولا بولو جزاكم الله خيرا

انا شايف ان حضرتك تشترى حاجة وسط بين الفليشيا والبولو اشترى جولف2 طبعا الفليشيا عربية مفيش اختلاف عليها بس انا باتكلم معاك فى نقطتين
اولا موتور الفليشيا 1300 و1600 بس وال 1600 مفيش اى قطع غيار ليه بالنسبة للجولف بيركب ليها اى موتور جولف وبولو اى موديل حديث مفيش مشكلة وممكن تحدث العفشة بتاعتها خلفى وتركب عفشة رياضية لاى موديل سكاكين مش طبل ودى بتزود كفائة الفرامل الخلاصة الجولف عربية ممكن تطور فيها وتعدل وقطع غيارها لاى موديل بيركب عليها بخلاف الفليشيا
طبعا الجولف صاجها اقوى من البولو واضعف من الفليشيا وتقريبا نفس قوة العفشة واحد والثبات على الأرض مع تكييف قوى
انصحك تشترى جولف2 افضل حسب امكانياتك المادية لانها طبعا اغلى من الفليشيا كسعر وقطع غيار تحياتى ومبروك على العربية الجديدة !!

المشاركة الأصلية كتبت بواسطة islamagdi

سلام عليكم
اولا ربنا يوفقك لما فيه خيرا
انا هقولك تجربتي
انا شاري العربية من شهر 11 السنة اللي فاتت اتعلمت عليها السواقة ومشيت بيها حوالي 15000 كيلو حتى الان
المشاكل اللي قبلتني تقريبا كلها ف الموتور .. سعات الاقي الموتور بيسخن وبعدين تطلع حاجة بسيطة يعني ظبط سلانسيه وهوا ( عايزة ميكانيكي بيفهم) مش هتصدق انا من اول الصيف وانا ناوي انضف الردياتير او اغيره لانه ممكن يكون سبب ف السخونية والله مكسل والعربية مستحملة وما قلتش لا (حمالة اسية) . كل ما اقول اشوف عربية تانية الاقي ميزة ف العربية يعني مثلا ف الزحمة اتوبيس 26 لزق ف العربية من الجمب لقيت البوية بتاعتو طلعت عندي وانا مفيش اي حاجة . الطريق الدائري الله المستعان متبهدل وباكل مطبات والعفشة ما شاء الله حتى مش محتاجة تتربط حتى . و ممكن تمشي بيها بسرعة عالية .و استهلكها كويس جدا عموما لو فيها عيب ممكن يكون الموتور بس لو ميكانيكي بيفهم تنسى العربية دي..

خلى بالك ياستاذ اسلام العربيات دى ماينفعش تكسل عن صيانة دورة التبريد والرادياتير خصوصا انصحك تجرى تنظفها او تغير الرادياتير علشان انا جوان وش السلندر ضرب عندى امس بسبب الرادياتير القديم كنت مكسل علية و غيرته فعلا من شهر وكان ريشة مطبقة ومكنش بيبرد كويس وادينى حوديها للميكانيكى انا حذرتك وبراحتك !!