اية هى قطع الغيار الى ممكن تتغير قى الضمان

**shshtawy** · 22-07-2013 10:13 AM

الحمد لله العربية عملت 2500 كيلو حاليا ومفروض اروح التوكيل بس عمال احسبها اخلينى فى التوكيل ويفضل الضمان ماشى ولا اكبر دماغى من مشاوير التوكيل وفلوسة الكتير وسمعت ان كدا كدا معظم الحاجات بتتغير بفلوس فايبقى اية لازمتة الضمان
لوحد تكرم ويقدر يفيدنى فى الموضوع دا لانى عاوز اخد قرارا ومش عارف ايه مميزات وعيوب الضمان .........وكل سنة وحضارتكم طيببن

**Land_Cruiser** · 22-07-2013 11:44 AM

الضمان لأي عربيه بيغطي عيوب الصناعه و ليس سوء الاستخدام و يشمل الاجزاء الغير استهلاكيه في العربيه و من أمثله الحاجات الاستهلاكية اللي ما تبقاش داخل الضمان مثلا تيل الفرامل و الكاوتش و الزجاج و كاوتش التراب بتاع المساعدين و ده علي اعتبار ان عمرهم الافتراضي متوقف علي طريقه الاستخدام و ان كان لو ظهر فيهم مشاكل و العربيه لسه جديده هناك بعض التوكيلات ممكن تغيرهم داخل الضمان علي اساس ان تلفهم و العربيه لسه جديده يعتبر عيب صناعه و ليس سوء استخدام. لو أخدنا مثال لعربيه زيرو زي عربيتك هتلاقي ان مصاريف صيانتها بالذات في الصيانات الأولي تعتبر بسيطه جدا أمام التأمين اللي بيوفره عيوب الصناعه في حاله لو كانت هناك لاقدر الله مشكله كبيره في الموتور او الفتيس او اي حاجه غاليه في العربيه - و ده وارد يحصل في ظل غياب الرقابه علي الاستيراد - فحضرتك هتدفع مبلغ صيانه قليل و علي الجهه الأخري هتبقي مطمئن ان التوكيل شايل عيوب الصناعه لكن لو خرجت العربيه بره الضمان هتبقي. عامل زي اللي بيشتري مستعمل هو المسئول عن كل حاجه فيها و كل قطع الغيار اسعارها غاليه فهتلاقي ثمن الصيانه ارخص و كمان في ناس كتير لما تيجي تشتري منك حتي بعد كده بيفرق معاها العربيه كانت بتعمل صيانه في التوكيل و لا لأ و بيفرق كمان في حاله العربيه بعد فتره من الاستخدام و كمان بتضمن ان جميع اجراءات الصيانه هتتم لان بره التوكيل ممكن يتم نسيان بعض الحاجات اثناء عمل الصيانه و نقطه تانيه مهمه هي جوده قطع الغيار و ضمان انها اصليه لما تعمل الصيانه عن طريق الوكيل أما بره فده مش شرط و ده برضه بيفرق في حاله السياره بعد ما تعمل عداد كيلومتر كبير. الخلاصه ان الصيانه في التوكيل اكيد أغلي من بره و ده طبيعي لكن الموضوع له مزاياه المتعدده مقابل زياده السعر و خساره ان العربيه تخرج بره الضمان اللي المفروض ان حضرتك دافع ثمنه مقدما من ضمن ثمن السياره لانك مشتريها وكيل و إلا اشتريها خليجي هتبقي ارخص او علي الاقل بمواصفات و كماليات اعلي من بتاعه الوكيل و اعمل الصيانات تبع الوكيل لحد ما الضمان ينتهي و بعد كده ابقي قرر هل هتكمل مع الوكيل بعد الضمان ما خلص و لا لأ حسب التجربه خلال فتره الضمان و برضه خبرتك اللي هتكون اكتسبتها من خلال امتلاكك للعربيه .

**shshtawy** · 22-07-2013 11:53 AM

المشاركة الأصلية كتبت بواسطة land_cruiser

الضمان لأي عربيه بيغطي عيوب الصناعه و ليس سوء الاستخدام و يشمل الاجزاء الغير استهلاكيه في العربيه و من أمثله الحاجات الاستهلاكية اللي ما تبقاش داخل الضمان مثلا تيل الفرامل و الكاوتش و الزجاج و كاوتش التراب بتاع المساعدين و ده علي اعتبار ان عمرهم الافتراضي متوقف علي طريقه الاستخدام و ان كان لو ظهر فيهم مشاكل و العربيه لسه جديده هناك بعض التوكيلات ممكن تغيرهم داخل الضمان علي اساس ان تلفهم و العربيه لسه جديده يعتبر عيب صناعه و ليس سوء استخدام. لو أخدنا مثال لعربيه زيرو زي عربيتك هتلاقي ان مصاريف صيانتها بالذات في الصيانات الأولي تعتبر بسيطه جدا أمام التأمين اللي بيوفره عيوب الصناعه في حاله لو كانت هناك لاقدر الله مشكله كبيره في الموتور او الفتيس او اي حاجه غاليه في العربيه - و ده وارد يحصل في ظل غياب الرقابه علي الاستيراد - فحضرتك هتدفع مبلغ صيانه قليل و علي الجهه الأخري هتبقي مطمئن ان التوكيل شايل عيوب الصناعه لكن لو خرجت العربيه بره الضمان هتبقي. عامل زي اللي بيشتري مستعمل هو المسئول عن كل حاجه فيها و كل قطع الغيار اسعارها غاليه فهتلاقي ثمن الصيانه ارخص و كمان في ناس كتير لما تيجي تشتري منك حتي بعد كده بيفرق معاها العربيه كانت بتعمل صيانه في التوكيل و لا لأ و بيفرق كمان في حاله العربيه بعد فتره من الاستخدام و كمان بتضمن ان جميع اجراءات الصيانه هتتم لان بره التوكيل ممكن يتم نسيان بعض الحاجات اثناء عمل الصيانه و نقطه تانيه مهمه هي جوده قطع الغيار و ضمان انها اصليه لما تعمل الصيانه عن طريق الوكيل أما بره فده مش شرط و ده برضه بيفرق في حاله السياره بعد ما تعمل عداد كيلومتر كبير. الخلاصه ان الصيانه في التوكيل اكيد أغلي من بره و ده طبيعي لكن الموضوع له مزاياه المتعدده مقابل زياده السعر و خساره ان العربيه تخرج بره الضمان اللي المفروض ان حضرتك دافع ثمنه مقدما من ضمن ثمن السياره لانك مشتريها وكيل و إلا اشتريها خليجي هتبقي ارخص او علي الاقل بمواصفات و كماليات اعلي من بتاعه الوكيل و اعمل الصيانات تبع الوكيل لحد ما الضمان ينتهي و بعد كده ابقي قرر هل هتكمل مع الوكيل بعد الضمان ما خلص و لا لأ حسب التجربه خلال فتره الضمان و برضه خبرتك اللي هتكون اكتسبتها من خلال امتلاكك للعربيه .

الف الف شكر لحضرتك ومش عارف اقول لحضرتك اية وفعلا كلام حضرتك مقنع جدا وربنا يجعلك دائما فى عون اعضاء منتدنا المحترم زى حضرتك