محتاج مساااعده يا اهل سكودا ^_^

**طارق _عبد السلام** · 24-07-2013 08:50 PM

المشاركة الأصلية كتبت بواسطة ahmed roziq

بص هو انا اول مره اركب المانى كمالك للسياره الصراحه فحاسس انى ................ فيه

انا الى عندى مش الاعلى فئه بس الى وراها ع طول فيها فتحه سقف فمش عارف فيها التلاجه ولا لأ

طيب بما انك شكلك فاهمهم كويس متعرفش فيها سماعات خلفيه ولا لأ ؟؟

يافندم حضرتك منور القسم وحنا هنا بنكمل بعض اهلا بيك

عربيتك ان شاء الله هاى لاين خليجى كاتوجرى b

دى بتبقى فتحه سقف و 2 تلاجه واحده فى الطابلوه وواحده فى مسند اليد والتلاجه بتشتغل مع التكييف وهتلاقى فى التابلوه (بكره تلفها يمين وشمال تتحكم فى درجه الحراره)
وفى مسند اليد بعد ماتفتحه هتلاقى شداد صغير اسحبه لفوق

والفئه اللى مع حضرتك بتنزل بدون مرايات ضم ولا زينون ومن غير سماعت الابواب الخلفيه وبالكاسيت الصغير ولكن هى من فئه الهاى لاين

**ايمن ابوالوفا** · 24-07-2013 09:54 PM

السلام عليكم و رحمة الله و بركاته. كل عام و حضراتكم بخير .
الحقيقة يا جماعة انا في حيرة شديدة . اشتريت عربية من السعودية اوكتافيا موديل 2013 على حسب ما قالي المستورد ودي اول مره اشتري عربية فمعنديش اي فكرة عن الاوكتافيا الخليجي لانها طبعا مش تبع التوكيل. وفيه كم من الاسئلة كبير . ربنا يعينكم على الاجابة عليها .
1. العربية صناعة شهر 11 2012 هل دي في عرف السوق تعتبر 2013
2. فيه واحد صديقي مشتري عربية فئة اولى توكيل و قالي انه التوكيل بينزل 3 فئات لكن بيقولي العربية بتاعتي مش زي اي فئة من التوكيل . فياريت حد يقولي العربية تعتبر من اي فئة من فئات التوكيل طبقا للمواصفات التالية .
العربية فتحة سقف . جنوط سبور 16 . فرش قماش . كاسيت شاشة عريضة زي التابليت . بدون زينون . بدون سماعات خلفية . حساسات خلفية فقط . تحكم يدوي في المقاعد. مرايات تعتيم.وطي المرايات اوتوماتيك
الملاحظات اللي انا لاحظتها على عربية صديقي علما بانها اول فئة توكيل . عنده في التابلوه بوكس بيتحكم في الايرباج وده مش موجود في عربيتي اللي هي المفروض اعلى من عربيته في الفئة. العربية مش موجود فيها نظام قياس ضبط اطارات السيارة .فبالتالي مش عارف اقيم سعر العربية اذا كان هو ده سعرها الحقيقي و لا اتخميت فيه . انا اشتريتها شهر 4 2013 ب 230000 في الوقت اللي كان فيه ثمن العربية في التوكيل الفئة الاولى 207000 جنيه

**ايمن ابوالوفا** · 24-07-2013 09:55 PM

العربية على فكرة بدون رشاشات فوانيس

**ايمن ابوالوفا** · 24-07-2013 09:57 PM

العربية دي تعتبر الفئة الكام . و اسم الفئة اي . وانا بشوف ردود في المنتدى بتقول a7 ????

**ايمن ابوالوفا** · 24-07-2013 10:01 PM

اما بالنسبة لسحب العربية فالحمد لله على كل حال . عداد الrpmبيرفع بصورة مبالغ فيها . يعني حاسس ان الموتور ضعيف على العربية و hp لو هو 102 فمتهيألي انه قليل على البادي بتاعها . ل!!!لو فيه اي غلط في كلامي يا ريت حد يصححه من اصحاب الاوكتافيا. و

**ايمن ابوالوفا** · 24-07-2013 10:03 PM

وايه حكاية الفتيس اللي كل الناس بتتكلم عليه و تقول انه مش كويس . انا اللي اعرفه ان الفتيس كان سيئ مع العربيات 1600 سواء في الجيتا او الباسات. لكن هل فيه حد بيشتكي منه في الباسات و الجيتا ال 1400

**ايمن ابوالوفا** · 24-07-2013 10:04 PM

لو مشكلة الفتيس اتحلت في الاوكتافيا 1400 الجديدة انا هبيع العربية و اجيب ال1400 حتى لو فئة اقل . سواء الشكل الجديد او القديم

**ايمن ابوالوفا** · 24-07-2013 10:06 PM

يا ريت حد يرد على الاسئلة دي يا جماعة لغاية ما اجمعلكم باقي الاسئلة و كفاية رغي كده النهارده

**طارق _عبد السلام** · 24-07-2013 10:13 PM

المشاركة الأصلية كتبت بواسطة ايمن ابوالوفا

السلام عليكم و رحمة الله و بركاته. كل عام و حضراتكم بخير .
الحقيقة يا جماعة انا في حيرة شديدة . اشتريت عربية من السعودية اوكتافيا موديل 2013 على حسب ما قالي المستورد ودي اول مره اشتري عربية فمعنديش اي فكرة عن الاوكتافيا الخليجي لانها طبعا مش تبع التوكيل. وفيه كم من الاسئلة كبير . ربنا يعينكم على الاجابة عليها .
1. العربية صناعة شهر 11 2012 هل دي في عرف السوق تعتبر 2013
2. فيه واحد صديقي مشتري عربية فئة اولى توكيل و قالي انه التوكيل بينزل 3 فئات لكن بيقولي العربية بتاعتي مش زي اي فئة من التوكيل . فياريت حد يقولي العربية تعتبر من اي فئة من فئات التوكيل طبقا للمواصفات التالية .
العربية فتحة سقف . جنوط سبور 16 . فرش قماش . كاسيت شاشة عريضة زي التابليت . بدون زينون . بدون سماعات خلفية . حساسات خلفية فقط . تحكم يدوي في المقاعد. مرايات تعتيم.وطي المرايات اوتوماتيك
الملاحظات اللي انا لاحظتها على عربية صديقي علما بانها اول فئة توكيل . عنده في التابلوه بوكس بيتحكم في الايرباج وده مش موجود في عربيتي اللي هي المفروض اعلى من عربيته في الفئة. العربية مش موجود فيها نظام قياس ضبط اطارات السيارة .فبالتالي مش عارف اقيم سعر العربية اذا كان هو ده سعرها الحقيقي و لا اتخميت فيه . انا اشتريتها شهر 4 2013 ب 230000 في الوقت اللي كان فيه ثمن العربية في التوكيل الفئة الاولى 207000 جنيه

دى بردوا هاى لاين خليجى كاتيجورى بى مواصفات الخليجى دايما بيجى فيها بعض الاختلافات لان بينزل عربيات مواصفات اوروبى وبعدين قياس ضبط الاطارات هو بيظهر لو عندك كاوتش نايم عن اخر ظبطه للكاوتش والعربيه كده موديل 2013 بس نهايه الانتاج 2012 لان بدايه انتاج 2013 نازله بفتيس dsg
وبعدين مفتاح الايرباج ده اصلا ملوش لازمه لانك بتقفل الايرباج للراكب بجوارك (انانيه طبعا ) :)
وبالنسبه للاسعار فعلا حصل قفزه فى اسعار الفئات كلها وعربيتك لو وكيل وقتها كان بيقولوا فيها من 250 الى 260

الفرق بين عربيتك وبين الوكيل مصفحه حديد وابانوس فى الطابلوه وفرش جلد كامل و4 ايرباج وزينون
مبروك عليك العربيه وربنا يعطيك خيرها ويكفيك شرورها