الموضوع: هو فى حاجه فى البنزين اليومين دول؟

على فكره انا بدأت اكون متأكد من الغش و الكارثه انه واضح ان الغش ده مش من شركه معينه أو محطه معينه و لكن من مصافى البترول الرئيسيه لأنى من نفس المحطه مره يكون البنزين كويس و مره لأ و نفس الكلام لما بجرب محطات تانيه و مفيش مثلا انضف من محطه الامارات اللى حطيت منها بنزين و كان ممتاز و استهلاك العربيه معاه كان ممتاز و لما فولت منها تانى مره كان البنزين بيستهلك بسرعه رهيبه و على فكره الموضوع اكبر من كونه فرق استخدام من مره للتانيه لانه فرق ملحوظ جدا و كل الناس اللى سألتهم فعلا حاسينه. و فيه موضوع هنا فى المنتدى لاقيته بيتكلم عن موضوع غش البنزين و ناس كتير اشتكت نفس الشكوى.(بجد حرااااام مش كفايه غلو البنزين كمان بيغشوه بجد حرااااااااااام و بجد من قلبى وانا صايم بقول حسبى الله و نعم الوكيل) ده انا بقيت بوفر حاجات كتير محتاجها عشان اقدر اغطى تكلفه البنزين بعد ما غلى و تانى بقول حسبى الله و نعم الوكيل فى كل اللى بيغشونا و بيسرقونا.

هقولكم مثال لتوضيح ملاحظتى اكتر لاسلوب الغش الجديد!!!!!
ليا واحد صاحبى معاه يارس و العربيه ده مشهوره جدا بتوفير البنزين جااامد جدا و كمان هى مانوال و عملرها فى البلد فى اسوأ الظروف بالتكييف ما بتقل عن 250 كم/الصفيحه و اخر مره فول فيها بيقولى البنزين مقعدش فى العربيه و حسب الاستهلاك لقاه 100كم فقط فى الصفيحه..... و لما فول من بنزينه تانيه بعد ما خلص التنك رجع الاستهلاك كويس تانى و انا فى عربيتى مره يكون كويس و مره يكون وحش جدا و مش و ملاحظ ان الموضوع ده متذبذب من وقت للتانى بصرف النظر عن المحطه (يعنى على ما أعتقد ان المحطات الرئيسيه مره تطلع انتج كويس و مره مغشوش و انت و حظك و طبعا دول محترفين نصب فاستحاله يغشوه علطول)