مشكله كبيره ومدااايق اوي من المكيف

**gomgom3** · 24-07-2013 10:46 AM

كل سنه وانتوا طيبين يارجاله ورمضان كريم عليكوا كلكوا بس انقذوني من المكيف
دلوقتي انا زمان من سنيتن كدة اما كنت بشغل المكيف عندي في العربيه فيكترا B 98 كائني مشغلتوش وكان بيسقع حلو جدا والحراره كانت مظبوطه 90 في عز الحر
السنه ديه حاجه غريبه جدا اولا اشغل المكيف العربيه ترعش الاقي RPM نزل من 9 لحد 4 ويطلع تاني يقف عندي 8 مثلا
الحراره لتعلي جدا ممكن لو سبت المكيف في الظهر كدة عادي ممكن توصل ل 100 وعمرها ماعملتها
ابطل المكيف من هنا الاقيها نزلت طلقه لحد 80
معلمومه الديسك والاسطوانه والفتيس متغيرين جديد لان السحب عندي في المكيف بيقل شويه بس في الغيار التاني بس الكمبورسير جديد والشجره جديده والتلاجه جبتها استيراد السنه الي فاتت ومغير طرمبه ميه من 6 شهور topran الماني وميه الدراينر خضراء

في واحد بيقولي ممكن يكون في هواء في دوره التبريد

عايز كمان اعرف ايه موضوع سرعات المرواح دة لان والدي بيقولي انت مظبط السرعات علي كام ! بصراحه انا مفهمتش بس المراوح عندي صوتها مش عالي بس شغاله زي الفل بس في عربيهواحد صاحبي اوبل كورسا سيدان بلافيها صوتها عالي جدا وحلوه فهل ممكن هو مزود سرعتها ؟؟

وهل ينفع اظبط مروحه المكيف تشتغل اوتومتيك مع المكيف ولا غلط

**mhbcas** · 24-07-2013 11:07 AM

متابع

**mhbcas** · 24-07-2013 11:24 AM

ياباشا انا زيك واكتر كانت الحراره بتوصل معايا لنص الاحمر
انا بقالى فى الحوار ده سنه واكتر وخد عندك بقى
غيرت طرمبه مايه
غيرت ريداتير
شيلت ترموستات الكوعه
اتاكدت ان الدوره سالكه ونضفت دوره
غيرت ساعه الريداتير اللى فوق وجبتها سرعات اقل من الطبيعى بتاع الاوبل
اكدت على الشكمان كله وغيرت العلبه اللى فى النص واتاكدت ان حساس الشكمان سليم
بحط مايه خضرا على طول
اتاكدت ان المراوح شغاله بسرعاتها
اتاكدت من الارضى وعملت ارضى تانى
واخيرا عملت وصله بين المراوح اى اشاره تشغل المروحتين مع بعض وعلى اعلى سرعه (طبعا حاتهلك المراوح والبطاريه )
والحراره بتوصل معايا ل 98 :)

**gomgom3** · 24-07-2013 06:09 PM

انا الشكمان عندي حلو جدا بس موضوع الترموستات دة مفتحتش فيه قبل كدة خالص

**tananybasha** · 25-07-2013 01:12 AM

فيه كده ترموستات مش شغال عندك

**wama00** · 25-07-2013 05:38 AM

طيب حاجة حصلت معايا ممكن تكون حل للمشكلة اللى بتقول عليها,,,
انا فضلت سنة كاملة امشى بالعربية وهى على الاحمر بجد مش هزار,,, غيرت طرمبة وترموستات وشيكت على دورة التبريد وكله تمام لحد ما جت اللحظة الفارقة,,, لسبب ما روحت عند بتاع ردياتير ولاحظ سخونة العربية الغير طبيعية قالى دور وهاتلى العربية وشها للمحل وغطا الموتور وجاب خرطوم ميه وكيس بريل وغسل الردياتير غسلة محترمة,,,, بجد نزل بلاوى وبعدها الحرارة اخرها 92

جرب تغسل الردياتير ومش هتخسر حاجة يمكن تكون هى ديه المشكلة.