عاجل للمهندس طارق والزملاء -الفيتيس الأوتومايك

**مصراوي جدا** · 01-09-2008 02:17 PM

أستاذ ابراهيم هو موضوع لمبة الفتيس ده ملهوش علاقة بالمحرك والاسبراتير

والمهندس عبد الجليل بيعتذر انه ما اخدش باله منه علشان كده مجاش ذكره في الرد ، وهو بيقول الآتي :

1- حضرتك لما تركن العربية هتفصل كابل البطارية لمدة خمس دقائق وبعدين تركبه تاني ، لو مشكلة لمبة N اتحلت يبقى خير وبركه.

2- لو المشكة ما اتحلتش يبقى هتحتاج العربية للكشف عليها بوحدة تحليل الأعطال (كشف الكمبيوتر) وده تكلفته 150 جنيه وهو يا اما يعمل ريسيت للمبة لو الموضوع اعادة ظبط فقط أو الكشف هيقول ان فيه حساس (سنسور) من الاتنين حساس اللي في الفتيس الأوتوماتيك تالف ومحتاج يتغير

يعني حضرتك لو تجربة كابل البطارية ما نجحتش يبقى لازم تيجي لنا التوكيل لعمل الكشف بالكمبيوتر في اي يوم الساعة 8.30 ص

**ibraheem123** · 01-09-2008 02:24 PM

مشكور يا افندم على الرد

ولكن أنا ما عنديش خبرة كبيرة ذي حضراتكم في الموضايع دي و كل خبرتي من الحوارات اللي في المنتدى والحمد لله مفيدة جدا بالنسبة لي .

ولكن انا سالت على موضوع الحساسات دي ، وبعض الناس قالت لي ان عربيتك كربراتير ومش انجكشن ، وغالبا ما فيهاش حساسات .

المهم:

العربية واقفة تحت البيت ذي ما هي ، وأول خطوة ان شاء الله هروح اضبط كهربة الموتور والاشتعال عن ميكانيكي كويس .

وبعدين انا حجزت في مركز قليوب احتياطي لاي سبب من الاسباب (لا قدر الله) .

كل من لديه خبره أو نصيحة ياريت يبعتها لي لأاني في أمس الحاجة لذلك.

شكرا

**S H @ F T** · 01-09-2008 02:46 PM

المشاركة الأصلية كتبت بواسطة ibraheem123

مشكور يا افندم على الرد

ولكن أنا ما عنديش خبرة كبيرة ذي حضراتكم في الموضايع دي و كل خبرتي من الحوارات اللي في المنتدى والحمد لله مفيدة جدا بالنسبة لي .

ولكن انا سالت على موضوع الحساسات دي ، وبعض الناس قالت لي ان عربيتك كربراتير ومش انجكشن ، وغالبا ما فيهاش حساسات .

المهم:

العربية واقفة تحت البيت ذي ما هي ، وأول خطوة ان شاء الله هروح اضبط كهربة الموتور والاشتعال عن ميكانيكي كويس .

وبعدين انا حجزت في مركز قليوب احتياطي لاي سبب من الاسباب (لا قدر الله) .

كل من لديه خبره أو نصيحة ياريت يبعتها لي لأاني في أمس الحاجة لذلك.

شكرا

اكشف على الفتيس الأول هو اللي أهم
وممكن تكشف في أي مركز خدمة عنده سكانر وهم هيظبكولك الموتور بالمرة

وبالنسبة لموضوع الحساسات
هي عربيتك فعلا مافيهاش حساسات للموتور ولكن ليها حساسات للفتيس
2 على الفتيس من فوق و1 على الكاربراتير

**ibraheem123** · 09-09-2008 11:24 AM

السلام عليكم ورحمة الله وبركاته
عزيزي م/طارق
الأخوة زملاء المنتدى
الحمد لله خلصت تصليح العربية وكله تمام والحمد لله ، اكتشفت ان مشكلة الللمبة والرجة اللى كانت في العربية انها مشكلة فيوزات ولما غيرت الفيوزات العربية رجعت تاني ذي الفل ، وأنا شخصيا أرجح ان حد من الصنايعية لعب في الفيوزات .

بالمناسبة : الميكانيكي بتاعي قال لي ان سخان الكربراتير مش شغال والمفروض اغير الكربراتير كله ، يا تري رايكم اية؟ مع العلم ان العربية بتكون مكتومة شوية وبحس انها هتبطل لما اكون لسة طالع بيها (يعني العداد من 0 الى 20كم) وبعد كدة بتسحب ذي الفل.

المهم:-
أود أن أشكر كل من ساهم في مشكلتي وعلى رأسهم المهندس / طارق زويل
وان شاء الله نتجمع في الفطار في الربوة

شكرا

**mohamedway** · 09-09-2008 11:57 AM

مفيش حاجه اسمها تغير الكربراتير كله عشان سخان الا لو حاله الكربراتير فى الضياع و موضوع السخان ده ممكن يتظبط.

**مصراوي جدا** · 09-09-2008 01:14 PM

مبروك اصلاح العربية يا استاذ ابراهيم

وبخصوص الكربراتير شوف حضرتك الموضوع ده هو طويل شوية انما هيفيدك جدا

http://www.nilemotors.net/Nile/showthread.php?t=25804