الموضوع: التكييف بيسرب مياه داخل السيارة

المشاركة الأصلية كتبت بواسطة Ahmed Samy

لا لا خليه شويه

دا اصحابي بقوا بيركبوا معايا مخصوص بشباشب علشان يغسلوا رجليهم

هوا ملف شمال كويس و الدش يشتغل على طول ههههههههه

و مية نظيفة و ساقعة ;)

:D:D:D
دة احنا نيجى نصيف عندك فى العربية بقى :D
هوا ساقع ومية ساقعة ولا تقولى الساحل ولا الكلام الفاضى دة بس عيزين فتحة سقف بقى علشان الشمس

المشاركة الأصلية كتبت بواسطة abdelaziz-waleed

امبارح طيرت بالعربية في زيارة سريعة لديافيا اللي في اول جسر السويس كوبر القبة
وقلتلهم على المشكلة.
جابو خرطوم هواء. وقامو ضربينو في ماسورة الفايز بتاع التكييف. والحمد لله الصرف بعد كدة بقى بينزل تحت العربية عادي جدا ومافيش نقطة مياه بتدخل جوة الصالون.
وحتى مارضيوش يخدو فلوس خالص.
انا حاولت اشوف مكان الفايظ بس بصراحة ماعرفتش اشوفه بعيني خالص. حتى العامل هناك قاللي صعب جدا تشوفه. وهو حافظ مكانه وبيدخل ايده بخرطوم الهواء لغاية جوة.

والتكييف لغاية دلوقتي شغال زي الفل من ساعة ما شحنته من 5 اسابيع. على الرغم ان في التوكيل بتاع مقار قاللولي ان الكومبريسور بيسرب والخرطوم بيسرب والسربنتينة مملحة.

مبروك...انت ممكن تشوف الخرطوم من الكابوت انما من جوة صعب

اهلا يا جماعه انا جديد فى السايت ده واحب ابعت سلامى لكل ال اوبلاويه فى مصر
فى البدايه ان بحب العربياة ال المانى وتوجت حبى ده بانى اشتريت من شهرين عربيه اوبل فيكترا ايه (الشكل القديم ) وهى حلتها نضيفه بس اعطلها تعبانى شويه او بمعنى اخر مفيش حد بره التوكيل بيعرف يظبط العربيه كلو بيجتهد
ولما قررت اروح التوكيل لايت ال اسعار خرافيه بالنسبه لقطع الغيار لان مش كل قطع غيار ال اوبل موجوده بره ياعنى البوجيهات ال جى ام بره ب 90 جنيه
وفلتر البنزين بره ب 70 جنيه
انا عربيتى 2000سس اوتمتك
وانا ماشى فى مره لاتها مبتنقلش ولمبت ال اسبورت دريف بتنور وبتطفى والموضوع ده مبيحصلش الا لم العربيه بتسخن بس ؟؟؟؟؟
فى ناس الولى ده حساس فتيس ,,,,, وناس الولى ده الفتيس طار ياعنى باظ وانى محتاج فتيس تانى ولم كلمت الوكيل الى ان الفتيس بتاع الموديل ده مش موجود عنده بس ممكن يجبهولى سبيشيل اوردر اى استيراد خاص من المنيا !!!!!
ولما سالتو الموضوع ده هيتكلف كام الى 53 الف جنيه
فى ناس الولى فى ناس بره بتجيبو اوبيكون موجود عندهم جديد ارخص من كدا
وناس الولى ريح دماغك واشتريلك واحد استيراد (مستعمل) من الحرفين ب 1500 جنيه وناس الولى ان فى ناس بتصلح الفتيس ال اوتمتك بس ان ملاتش حد فيهم لحد دلواتى :(
وكنت عاوز منكم خدمه ؟؟؟؟
الى يعرف حد بيصلح الفتيس ال اوتو او بيبيعه بسعر معقول يبعتلى
وكنت عاوز رايكم فى موضوع الفتيس المستعمل ده
واسف على ال اطاله وارجو المساعده