<<<<اوتوماتك جين 2 2008 >>>>

**mahamedaraby** · 02-09-2008 03:10 AM

ياجماعه والله انا مش متعصب ولاحاجه

انا اولا معنديش نيسان صنى

انا عربيتى نيسان تيدا واعتقد انها خارجه من المنافسه فى الفئه دى

ثانيا مشاكل العربيه النيسان صنى يادوب تتعد على الصوابع يعنى وبالنسبه للعدد الموجود فى المنتدى فده معدل طبيعى والتوكيل عمل الواجب مع الناس اللى حصلت عندها المشاكل بس

والصراحه العربيه دى من احسن العريبات اللى اتجمعت فى مصر

انا بس اللى خلانى افتح الموضوع المشاركه دى

ياراجل مع احترامي وتقديري !
نيسااااان صني ايه
احنا بنقول جين2
جين 2
انا عن نفسي معايا جين 2 2008 لسه جايبهاااا
ومكيفاني واتوماتيك على فكره

محسنسى انى هركب عربيه تفرق عن النيسان صنى بمراحل اكن دى فئه ودى فئه تانيه ويقول انت هتركب جين 2 ماشى يعنى هركب مثلا بيجو ولا فورد ولا ايه

وانا حسيت اننا فى المنتدى ده العربيه دى واخده اكتر من حقها مع انها لسه مكملتش سنتين

على العموم ربنا يسعد اللى معاه العربيه دى وانا مش بشكك فيها ولا حاجه وفيه هنا ناس انا بحترمها وقالت رايها فى العربيه دى وانا باخد الصراحه برايها

ياريت تكون رسالتى وصلت

**amir** · 02-09-2008 03:47 AM

المشاركة الأصلية كتبت بواسطة densfog

ممكن اسال يا د/امير عن سبب بيعك للصنى بسرعه كده بالرغم انك لسه شاريها قريبوليه عايز تشترى الجين 2 بالذات؟؟؟؟؟

اقولك
انا كنت بعت الفليشيا و كنت مستعجل جدا لشراء سياره, انا جبتها عامله 25 الف كيلو و حاليا داخل علي ال 30الف كيلو في حوالي اسبوعين
مش مستريح قوي من الصني و انا كانت عيني علي الجين بس واحد انا بحترمه جدا جدا و عزيز عليا كمان قلقني من الاوتوماتك بتاعها و استجابته
المهم لو جابت سعر كويس و انا لسه هعمل اعلان في الوسيط هابيه محصلش خليها سنه اتنين و بعدين تكون حتي الفيس لفت جت , مع اني مش معترض علي الحاليه

**amir** · 02-09-2008 03:50 AM

المشاركة الأصلية كتبت بواسطة tweety26980

ياراجل مع احترامي وتقديري !
نيسااااان صني ايه
احنا بنقول جين2
جين 2
انا عن نفسي معايا جين 2 2008 لسه جايبهاااا
ومكيفاني واتوماتيك على فكره

انا عايز اعتب عليك في نقطه واحده, انت مقرتش البوست بتاعي كله, علشان انا عايز مقارنه بين استجابه الجير بوكس الاوتوماتك في دي و دي مش طالب مقارنه بين العربيتين, متخليش زعيم المنتدي سبعاوي باشا يزعل مني خصوصا انه شاف عربيتي و جربها بنفسه و عجبته ده كفايه بركه ركوبه العربيه

**amir** · 02-09-2008 03:54 AM

المشاركة الأصلية كتبت بواسطة ahmedsiyam

الاخ الفاضل هو انا ليا تعقيب واحد بس على كلامك
انت بتتكلم على ثبات العربية و اتزانها طبعا حكمك فى غير محله خالص لان اكتر حاجة بتميز العربية دى هو ثباتها و انك تقدر تتحرك من حارة للتانية او تعمل مناورة بالعربية لتفادى موقف معين و انا باكلمك ان الكلام ده بيتعمل على سرعات عالية
معلش يا اخى بس كل الناس اللى عندهم خبرة كافية للحكم على سيارة اجمعوا على ان الجين 2 ثبات ممتاز لا ترقى اليه عربيات كتير فى فئتها

اخي العزيز احمد باشا
انا اسف اني مكلمتكش زي ما اتفقنا قبل ما ارسي علي عربيه, محبتش ازعجك معايا اكتر من كده و الموضوع مشي بسرعه, المهم كل سنه و انت طيب و رمضان كريم و يا تري انت شخصيا شايف ايه لو هنقارن الاوتو بتاع الصني بالاوتو بتاع الجين؟

**amir** · 06-09-2008 04:13 PM

لتاني مره جربت الاوتوماتك بتاع الجين 2, بس المره دي انا متعود علي سواقه الاوتوماتك و ادي النتيجه و هي مقارنه بين الاوتوماتك بتاع النيسان صني و الجين 2:

للاسف الاوتوماتك بتاع الجين ابطأ في التحرك من السكون
بطء الجين بيزداد مع تشغيل التكييف
بس بمجرد اكتساب العربيه للحركه الموضوع لا يلاحظه الا واحد بيدور عليه
يشفع لبطء الاوتوماتك في الجين احساسك انها عايزه تجري من تحت رجلك, بس العربيه اللي جربتها كانت لسه 200 كيلو و شويه, فبأذن الله اول ما تكمل تليين موضوع السحب يتحسن شويه عن كده ( ولا ايه يا ابو صيام؟ )
ليا سؤال لاهل الخبره, هو فين الزرار اللي بيفك التعشيق في الجين لما البطاريه تعطل مثلا او اي مشكله و محتاجين نزق؟؟