سخونيه في فليشيا 95

**mostafa hassan** · 27-07-2013 06:03 PM

السلام عليكم
انا عندي مشكله سخونيه في فليشيا 95 بتاعه حد اعرفه.
وطبعا انا شوفت كل اللي اتكتب في المشاركات الخاصه بالسخونيه.
مشكلتي دلوقتي ان في فرق بين درجه الحراره في الطابلوه( انا غيرت صباع الحراره ) وموعد تشغيل مروحه الردياتير ( انا ركبت ترموستات 68/82) المروحه بتشتغل بعد ال 90 درجه
وكان في مشكله في طلمبه المياه بتنقط فغيرتها بواحده جديده صيني ب 130 جنيه (عاده مش تكييف)
فهل حد عنده اي اقتراحات ؟
وشكرا

**المنسي** · 27-07-2013 07:43 PM

هل سحبت الهوا من دورة النبريد بعد الشغل اللى اتعما وهل الردياتير صينى الومنيوم ولا نوع تانى

**aw2100** · 28-07-2013 12:51 AM

المشاركة الأصلية كتبت بواسطة mostafa hassan

السلام عليكم
انا عندي مشكله سخونيه في فليشيا 95 بتاعه حد اعرفه.
وطبعا انا شوفت كل اللي اتكتب في المشاركات الخاصه بالسخونيه.
مشكلتي دلوقتي ان في فرق بين درجه الحراره في الطابلوه( انا غيرت صباع الحراره ) وموعد تشغيل مروحه الردياتير ( انا ركبت ترموستات 68/82) المروحه بتشتغل بعد ال 90 درجه
وكان في مشكله في طلمبه المياه بتنقط فغيرتها بواحده جديده صيني ب 130 جنيه (عاده مش تكييف)
فهل حد عنده اي اقتراحات ؟
وشكرا

كام سؤال للتوضيح
غيرت رادياتير العربية ولاهو الاصلى؟
الخراطيم عندك اللى واصلة للرادياتير والقربة لما العربية بتسخن بتحس انها منفوخة قوى ولما تفتح غطاء الرادياتير بتطلع ضغط هواء كتير ؟
بتحط مية حنفية ولامية خضراء ؟
المروحة بتفصل عند درجة حرارة كام؟

**المنسي** · 28-07-2013 01:38 PM

بما انك جاوبت على الاسئلة اللى فى مشاركة الاستاذ وليد يبقى اولا ولابد من تغيير الردياتير بواحد صينى الومنيوم ومعاه ترموستات 82/68 وكمان مية خضرا تركيز 40% وساعتها الدنيا هتتظبط ومن كلامك واضح ان دورة التبريد داخلها هوا فهتعمل حل مؤقت لغاية ماتغير الحاجات دى هتسحب الهوا اللى فى دورة التبريد بانك تفك الخرطوم الرفيع اللى راجع على القربة وطبعا هتكون العربية سخنة وخلى بالك علشان ايدك ما تتحرقش وتشد سلك البنزين من الاكسلاتير لغاية ما تحظ ان اندفاع المية الخارج من الخرطوم بقى قوى هترجع تقفل وتزود مية مكان المية اللى نزلت

**المنسي** · 28-07-2013 04:25 PM

الاكسلاتير هو الجزء الواصل بيه سلك البنزين وده بنستخدمه اكننا دايسين على دواسة البنزين والردياتير الامونيوم الصينى عندك ابو الحسن فى بين السرايات وعندك عمرو ناجح وفتح الباب ونور الامير وعابد فى شارع فيصل

**aw2100** · 29-07-2013 12:49 AM

اضافة لكلام ا /محمد منسى
طالما حضرتك مركب ترموستات 68/82 والمروحة بتشتغل بعد ال90 وبتفصل قبل ال 90 بشوية
المفروض مع الترموستات دى المروحة تشتغل قبل ال90 وتفصل قبل ال70 بشوية الحل ؟
اولا تتاكد من نوعية الترموستات على الوصف ده دى نوعها 90/80 مش 68/82
لو اتاكدت انها 90/80 يبقى اشترى واحده ايطالى 68/82 ولو هى فعلا 68/82 يبقى لازم
اولا تغير الرادياتير بواحد جديد علشان الرادياتير الأصلى لية عمر افتراضى وبعدين بيبوظ نتيجة سدد داخلى وخصوصا مع استعمال مية الحنفية اللى بتبوظ دايرة التبريد مش الرادياتير بس او تطبيق شرايح الألومنيوم اللى فى وش الرادياتير فده بيقلل من دخول الهواء وبالتالى بيقلل التبريد
وطبعا حتحط مية حمراء بعد غسيل دورة التبريد كويس علشان تنزل الأملاح والصداء بسبب مية الحنفية
وتاخد هواء كويس من دورة التبريد وطمنا على درجة الحرارة عندك
سؤال المروحة عندك نوعها اية 4ريشة بالقميص الصغير ولا 6 ريشة بالقميص الكبير ؟
يايريت ماتكتبش باللون الأحمر علشان ده لون خاص بالأدارة فمتتعرضش للوقف تحياتى