الموضوع: فتره تثبيت الموتور ع الرخصه؟!!

من الافضل يخلص الورق بتاعه ويبعهالك خالصه

الموضوع سهل باخد حوالى اسبوع لو ورق الموتور معاه و معاه رقم الصادر بتاع بور سعيد اما لو ورق الموتور مش معاه ولسة هبعملة ياخد من شهر لشهر و نص

المشاركة الأصلية كتبت بواسطة maregypt

عشان الرخصة منتهية. فهيعمل شهادة بيانات بحوالى 35 جنيه.
هيطلع بيها شهادة مخالفات. وممكن يبيع لك بيها العربيه فى الشهر العقارى.
بعد كدا الترخيص والفحص الفنى واثبات الموتور. (الترخيص هيبقى فيه غرامية تلت ضريبة "4 شهور" زيادة عشان الرخصة منتهية)

شهادة البيانات هتطلع برقم الموتور القديم المثبوت فى الرخصة المنتهية.

المشكلة ان ممكن اثبات الموتور الجديد يظهر فيه مشكلة.

لو هو بيكلمك ان الرخصة الجديدة تطلع بأسمك والموتور يتثبت بأسمك. فدا كلام مش منطقى. لان عشان تطلع الرخصة بأسمك لازم يسجل عقد البيع الاول فى الشهر العقارى. وهو مش هيعمل كدا الا بعد ما يخد فلوسة كامله.

فأنا لو مكانك هختار حاجه من اتنين...
1) يرخص بالكامل ونزود 2000 جنيه تكاليف ترخيص على السعر المتفق علية.
2) نروح المرور بورق الموتور ونتأكد ان الورق سليم ومفهوش مشاكل. بعد كدا يطلع شهادة بيانات ونعمل عقد بيع ونسجلة وياخد فلوسة. وابقى مبلغ حوالى 5000 جنيه بايصال و ياخد المبلغ الباقى بعد ما ارخص واثبت الموتور الجديد بدون مشاكل.

لكن تقديرى الشخصى ان هو عايز ياخد عربون. عشان مش بعد ما يرخص البيع ما يتمش ويبقى هو خسر مبلغ الترخيص بدون فائدة.
لو دا اللى فى دماغة. هيوافق على الحل التانى. قوله هنبقى 5000 تاخدها بعد اثبات الموتور.

شكرا لحضرتك ع الرد
بس هو طالب 2000 جينه بس في الاول من تمن العربيه
علشان يثبت الموتور ع الرخصه و بعد كده
هيعملي عقد بيع و نكمل اجراءات نقل الملكيه عادي فاهمني؟!!

المشاركة الأصلية كتبت بواسطة maregypt

انا مريت بموقف زى دا فعشان كدا الاجراءات لسه فى دماغى

عشان يثبت الموتور يبقى لازم يعمل فحص
وعشان يعمل فحص يبقى لازم يرخص ويدفع الضريبة والتأمين
وعشان الرخصة منتهية فيدفع تلت ضريبة غرامة
وعشان يرخص لازم يجيب شهادة مخالفات الاول
وعشان الرخصة منتهية فمش هينفع يعمل بيها شهادة مخالفات فلازم يعمل شهادة بيانات
شهادة البيانات دى ممكن يبيع بيها فى الشهر العقارى

التسلسل من الاول:
شهادة بيانات
شهادة مخالفات
ضريبة + الغرامة (تلت ضريبة) + التأمين
فحص واثبات الموتور الجديد
استلام الرخصة


هو عايز ياخد عربون قبل ما يرخص
لو انت واثق فى الراجل ومعرفة هتدفع له 2000 جنية وتعمل عقد بيع ابتدائى مع اتنين شهود عند محامى من طرفك وتاخد منه صورة البطاقة وصورة رحصة العربية تخليهم معاك.

لو مش واثق فيه قوله طلع شهادة بيانات وشهادة مخالفات ويسجل لك العربية ويعمل لك توكيل للعربية وياخد فلوسه وتبقى 5000 جنية أو اكثر انت وشطارتك (يبقى مبلغ بتمن الموتور عشان لو حصلت مشاكل وما اتثبتش)، تتفق معاه انه هيخد الباقى اول ما تستلم رخصة العربية فى ايديك مثبوت فيها الموتور وممكن يبقى المبلغ المتبقى بند مكتوب فى عقد البيع يصيغة المحامى عشان يضمن حقة وتضمن حقك.



لو فى اى تفاصيل تانى فى الموضوع حضرتك وضحها

لا تسلم ايدك ع الاخير والله :)
بس هو اخير سوال ؟
فتره الموضوع بتاع التثبيت ده هياخد قد ايه في الامرور بالظبط لو اديتله 2000 جنيه؟!
اسبوع مثلا؟

رأيى
لو أنا مكانك أبعد عن العربية دى من الأساس