هي فعلا عربيات منصور بتتفكك بسرعة؟

**mostaf_aly** · 01-09-2008 02:12 PM

السلام عليكم وكل عام وانتم طيبين،
الموضوع ببساطة إني بقارن بين الاوبترا والالنترا عشان ناوي اشتري واحدة على اخرالسنة ان شاء الله. اللي عملته اني سقت الاوبترا الأول، بصراحة مكنتش متوقع كدة, على الرغم من علمي انها كوري ولكن بالفعل فيها طعم الأمريكاني خصوصا اني كنت لسة في امريكا وكنت بسوق هناك فورد موستانج. اللي عجبني في الاوبترا كمان التسارع بتاعها كان تحفة والثبات هايل واحساس القوة فيها عالي. هي على فكرة موديل 2007 أوتوماتيك. عشان ماطولش من يومين سقت الالنترا 2008 اوتوماتيك. انبهرت بالفخامة والتكييف الفريزير والانعزال التام عند غلق النوافذ ولكن لم اقتنع بالتسارع بالمرة ومحستش بالقوة اللي حسيتها في الاوبترا.
قلت خلاص كدة يبقى اوبترا خصوصا انها ارخص، اتفاجئت بناس أثق فيهم بيقولوا ان سيارات منصور مشهورة انها بتتفكك بسرعة ولازم تروح تربط العفشة كتير في الصيانة.
أولا هل هذا الكلام صحيح؟ ثانيا عالسريع كدة هل انطباعاتي بالنسبة للسيارتين صحيحة أم انها مجرد ميول شخصية؟
وجزاكم الله خيرا وآسف على الإطالة

**Moh** · 02-09-2008 09:27 AM

يا سيدي الفاضل ، منصور مش هو المصمم ولا المخترع لهذه السيارة ، الأوبترا جايه من كوريا ، فهل السيارات الكوري بتفك بسرعة ؟!!!

السيارات اللي بيجمعها هو ، أغلبها النقل والنص نقل ، فهل دول بيفكوا بسرعة ؟!!!

يبقى مفيش غير الأفيو ، ولم نسمع أي شكوى عامة عن تفكك عفشتها بسرعة ، والحمد لله العربية معايا وانا مقتنع بيها .

**Adham** · 02-09-2008 02:03 PM

المشاركة الأصلية كتبت بواسطة mostaf_aly

، اتفاجئت بناس أثق فيهم بيقولوا ان سيارات منصور مشهورة انها بتتفكك بسرعة ولازم تروح تربط العفشة كتير في الصيانة.

صباح الفتاوي

**mostaf_aly** · 02-09-2008 03:29 PM

شكرا يا جماعة على الرد وانا برضه كنت حاسس إنها معلومة مش أكيدة على الرغم من ثقتي في اللي قالها. بس الغريب اني لاقيت ناس في المنتدى هنا بتحلف إن الاوبترا كوري وناس تانية بتحلف إنها مصري. انا معلوماتي ان الأفيو هي اللي مصري وفي ناس اشتكت من الموديلات الأولى لكن لو الاوبترا كمان اتجمعت هنا حتبقى مشكلة.

**Hosam_Optrawy** · 03-09-2008 03:55 AM

الاوبترا كورى 100 %

**mostaf_aly** · 03-09-2008 02:27 PM

شكرا على الردود وسؤال أخير معلش،
بالنسبة لاستهلاك البنزين أخباره ايه؟ ويا سلام لو حد يقول بتستهلك تقريبا كام داخل البلد وكام على الطرق اسريعة؟

**Hosam_Optrawy** · 03-09-2008 09:03 PM

ده كان تعليقى على الاوبترا فى احد المواضيع الاخرى

انا هاتكلم عن الاوبترا من خلال تجربتى
وطبعا لو قلت ان مفيهاش اى عيب اللى هيقرا هيقول انى متحيز لعربيتى
بس فعلا انا مش شايف فيها اى عيب
جايز عشان لسه جديده مكملتش 2000 كيلو لسه
بس عموما انا مش شايف فيها اى عيب غير حاجه واحده
وهى متعتبرش عيب تعتبر حاجه ناقصه
ان مفيهاش abs
غير كدا الباقى كله مميزات
سعر مناسب بالنسبه لبقية الاسعار فى فئتها - سعر جيد عند اعادة البيع - توافر قطع غيارها وسعرها مناسب - توكيل وضمان - اداء وثبات - ارتفاع عن الارض ( بجد ميزه مهمه اوى فى بلدنا ) - واسعه من جوا ( الصالون والشنطه ) - التابلوه شيك ولايق مع الصالون والانوار اللى جوه بتاعت العدادات وتقفيلها من جوه عامة نضيف اوى - التنك 60 لتر فمتحتجش تمون كل شويه .
بيتهيألى انا كدا منسيتش حاجه حتى التنك اتكلمت عنه :)
وياريت يكون كلامى افادك
وبالنسبه لموضوع الاستهلاك بيبقى على حسب مشغل التكييف ولا لأ وطرق سؤيعه ولا جوه البلد وبتجرى جامد ولا لأ عموما المتوسط 10 لتر لكل 100 كيلو