بحبها لكن كل شهر بموال

**besokate** · 31-07-2013 12:39 AM

يادوبك صحيت ورحت مشوار طفيت العربيه 5 دقايق جيت اشغلها لاقيت صوت فى الموتور فهمت انه الزفت شداد الكتينه مع انى لسه مغيرة من شهرين روحت اشتريت شداد ورحت لميكانيكى يركبهولى
بعد ما ركبه وقفل تمام جاى اشغل لقيتنفس الصوت موجود قالى كدة فيه حته من الشداد واقعه من تحت خالص ومش هنعرف نجيبها غير لما نفك الجزء القدمانى خالص ونطلعها وطبعا لقيت البيه مش فاضى عشان عندة عربيه تانيه وانا مش عارف اعمل ايه سبتها وقرفان مش مليش نفس اعملها

**mohammed dodda** · 31-07-2013 02:38 AM

معلش استحملها ياباشا زى ما بتشيلنا فى مشاويرنا.. والله العظيم العربية اللادا دى نعمة كبيرة فى البلد دى...بخصوص الشداد نصيحة من أخوك أشترى البلف والشداد الاصلى أو الايطالى وركبهم مع بعض هتريح بالك.. الاتنين بتباعوا اصلى جديد فى دمشق ب 110 جنيه ومش صنايعى معفن اللى يكرهك فى العربية....اما مواويل اللادا فأكتبلها جدول صيانة كل 10000 كم وان شاء الله مش هتفاجئك أبدا...والحمد لله على نعمة اللادا

**mahgoup** · 31-07-2013 04:32 PM

اللادا دى العسل المر

**besokate** · 02-08-2013 04:36 AM

وانا ماشي بيها انهاردة راحت وقفت خالص عرفت ان السير بتاع الكتينه اتقطع
وياريت علي كدة وبس اتغير سير الكاتينه والبلف والاتنين شداد

**mohammed dodda** · 02-08-2013 04:40 PM

المشاركة الأصلية كتبت بواسطة besokate

وانا ماشي بيها انهاردة راحت وقفت خالص عرفت ان السير بتاع الكتينه اتقطع
وياريت علي كدة وبس اتغير سير الكاتينه والبلف والاتنين شداد

......قدر الله وماشاء فعل..هوه الكاتينة عندك جلد ولا جنزير؟؟....عموما أسعار دمشق دلوقتى : ترس وكاتينة جنزير روسى اصلى لادا 2107 ب160 جنيه...بلف وشداد روسى اصلى ب110 جنيه..يعنى توتال 270 ج