حاجه حصلتلى ف اللادا وخايف منها

**MUSTFA** · 01-08-2013 09:30 AM

كنت ماشى ع التالت وعايز اعدى عربيه .. بدل م اجيب الغيار الرابع جيب التانى .. اول لما صوت الماتور ابتدى يعلى لحقت نفسى ودوست دبرياج .. طبعا سرعة العربية هديت شويه وبعدين جبت التالت وكملت ومحستش بحاجه غريبة حصلت ف الماتور او الفتيس
العربية موديل 94 2105 .. 1200 cc
بس خايف م اللى حصل ده ياثر ع الموتور بعدين .. عايز رايكم

**aymanshebl** · 01-08-2013 12:18 PM

ما دام ما فيش حاجة ملحوظة حصلت يبقى الحمد لله ما فيش مشكلة انا ساعات بعمل كده بس من الرابع الى التالت بدل من الخامس يعنى اكنى بسقط نقلة طبعا صوت الموتور بيعلى و العربية بتتسحب لورا اكنى فرملت بس برجع الحق نفسى ما فيش مشكلة

**Magoda** · 01-08-2013 12:42 PM

مفيش مشكلة على الماتور
هو تأثير بيبقى كله على الفتيس بس بيأثر مع تكرار الحركة ديه كتير والحركة ديه اصلا بتستخدم لما لاقدر الله تلاقى مفيش فرامل وعايز تهدى العربيه تقوم مسقط غيار زى ما عملت هتلاقى العربيه هديت معاك
ومدام محصلش حاجه مش تقلق نفسك

**mahgoup** · 01-08-2013 03:39 PM

ما تقلقش ان شاء الله ما فيش حاجه زى ما قالك الاخوة بدال ما ظهرش حاجه تبقى عدت على خير ..وانا عن نفسى حصلت معايا اكتر من مره وربنا بيستر

**mohammed dodda** · 01-08-2013 05:50 PM

عادى ياباشا كتير حصلت معايا وانا بنقل من الرابع للخامس اقوم ناقل للتالت...وزى ما قال الاستاذ الفاضل الحركة دى بتستخدم اساسا فى حالة الطوارئ لو مفيش فرامل...بس ده مينكرش ان تكرارها غلط طبعا على غوايش الفتيس