تجميع بيانات اوكتافيا a4 بالتفصيل

**amrelsaqqa** · 20-08-2013 10:37 AM

اكيد لو دخل مش هيتأخر ان شاء الله

**Moratoz** · 20-08-2013 04:32 PM

المشاركة الأصلية كتبت بواسطة msspower

شكرا ليك وربنا يبارك فيك يا استاذ عمرو طيب وبالنسبة للزيت انا سمعت ان فيه زيت شل احمر واصفر مين الافضل؟؟؟ معلش لاني جديد في موضوع العربيات

انا يعتذر جداً جداً لعدم تواجدي بالموضوع بالشكل اللائق خلال الفترة الماضيه فأرجو تقبل مروري
اول حاجه انتا لازم تعمل غسيل لدوره التبريد علشان تنضف من مكونات المياه الخضراء وتجيب علبه مياه حمراء اسمها هيبوا بحوالي ٤٥ وخمس او ست زجاجات ميه مقطرة من البنزينه علشان تكمل بيهم المياه الحمراء
حط زيت كاسترول احسن من شيل في الوقت الحالي وممكن تجرب في زيت ٥٠٠٠ ك وتنضف بيه بالمرة الماتور ونشوف بعد كده نحط زيت ١٠٠٠٠ ك ولا ٥٠٠٠ ك
ارجو تقبل تحياتي والف مبروك علي السيارة مره اخري ولو في اي حاجه انا تحت امرك

**msspower** · 27-08-2013 03:43 PM

غيرت زيت 3000 كم شيل الجركن 4 لتر ب 116ج طبعا حطيت 4.5 لتر فطبعا اشترينا جركنين

وده صورة الاستيكر الملزوق تحت الكبوت والنوع الموصي به طبعا مش عارف النوع ده موجود ولا لا

اشتريت فلتر زيت ب 40ج
فلتر بنزين ب 55 ج من عندي السنوسي في ارض المحلج " بني سويف"
دورت علي ميكانيكي لقيت واحد في محي الدين اسمه عمرو بيشتغل في العربيات الحديثة بس وطبعا من الورشة ونظامها وتجهبزها تحس انه ميكانيكي كويس ومنظم ونضيف. شاف السيور وقالي كويسة ونضف فلتر الهواء
اخد 20 ج مصنعية

بعدها رحنا عملنا ترصيص وظبط زوايا ب 55 ج في المركز الالماني

وهارفعلكم صور للعربية من تحت صورتها واحنا بنظبط زوايا وليه استفسارات ولو حد ليه ملحوظة يقول عليها

**msspower** · 27-08-2013 03:52 PM

**msspower** · 27-08-2013 03:57 PM

ودي العجلة الخلفية يمين

**msspower** · 27-08-2013 04:23 PM

ودي من المطبات

وهل غسيل العربية من تحت وغسيل الشاسية بالجاز كويس وبيشيل الصدأ ولا مضر للعربية؟

**msspower** · 28-08-2013 11:16 AM

ياريت يا جماعة حد يفيدني في الاجزاء المحددة في الصور هل ده طبيعي ولا لا؟

**amrelsaqqa** · 28-08-2013 11:27 AM

اللى ناحية العجلة الشمال واضح انها برومة بس تقريبا ده جزء من العفشة الخلفية مش في الشاسيه ، زي ما هو باين من الصورة ، فما تقلقش ، حاول تعالجها بأي طريقة عشان ما تسرحش على الشاسيه نفسه

والجزء اللى بتسأل ده لحام ولا لا ، دى شكلها كانت خبطة ، وعملت مكانها بوادر برومة برضه

يعنى الملاحظات كلها في الدونجل الخلفى (العفشة الخلفية) ودى كلها ممكن تغييرها ومنطقى حدوث البرومة فيها لان عليها احمال
المهم يكون الشاسيه نفسه ما وصلوش البرومة دى ولازم تلحق الموضوع ..

بالنسبة للسوكت الكهربا ، ده عشان لو ركبت مقطورة صغيرة ، توصلها الفيشة دى في الفوانيس الخلفية بتاعتها بحيث تنور مع اضاءة العربية والفرملة برضه
يعنى السوكت ده بيطلع كهربا 12 فولت للفرامل والنور (فيشة الفانوس)

**msspower** · 28-08-2013 12:02 PM

المشاركة الأصلية كتبت بواسطة amrelsaqqa

اللى ناحية العجلة الشمال واضح انها برومة بس تقريبا ده جزء من العفشة الخلفية مش في الشاسيه ، زي ما هو باين من الصورة ، فما تقلقش ، حاول تعالجها بأي طريقة عشان ما تسرحش على الشاسيه نفسه

والجزء اللى بتسأل ده لحام ولا لا ، دى شكلها كانت خبطة ، وعملت مكانها بوادر برومة برضه

يعنى الملاحظات كلها في الدونجل الخلفى (العفشة الخلفية) ودى كلها ممكن تغييرها ومنطقى حدوث البرومة فيها لان عليها احمال
المهم يكون الشاسيه نفسه ما وصلوش البرومة دى ولازم تلحق الموضوع ..

بالنسبة للسوكت الكهربا ، ده عشان لو ركبت مقطورة صغيرة ، توصلها الفيشة دى في الفوانيس الخلفية بتاعتها بحيث تنور مع اضاءة العربية والفرملة برضه
يعنى السوكت ده بيطلع كهربا 12 فولت للفرامل والنور (فيشة الفانوس)

ربنا يبارك فيك يا عمرو باشا ويجعله في ميزان حسناتك.
يعني اروح لعفشجي ولا اروح لمين؟؟ لان الولد بتاع ظبط الزوايا قالنا روح لعفشجي يغسلك العربية بالجاز من تحت. هل ده يبن لو في حاجة فيها بارومة ومش باينة

-

الموضوع: تجميع بيانات اوكتافيا a4 بالتفصيل

LinkBack

أدوات الموضوع

عرض

-

-

-

-

-

-

المواضيع المتشابهه

تجديد رخصة القيادة الخاصة بالتفصيل.ز.واستخراج شهادة بيانات

تقريرى الشامل عن عربيتى اوكتافيا a5 بالتفصيل ..

فيديو لتصنيع السكودا اوكتافيا بالتفصيل

الباسات 2006 تجميع مصري ولا تجميع الماني

الكلمات الدلالية لهذا الموضوع

المفضلات

المفضلات

ضوابط المشاركة