تمام كدا. مبروك علي المشكلة.
وعلي فكرة إنت مش محتاج تجيب واحدة استيراد نضيفة. طالما اللي عندك شغالة دلوقتي والعربية بتدور معاك زي الأول ومش بتغيب زي ما حصل وقت المشكلة.
لإن هيا الطرمبة زي مانت شوفت عبارة عن فبرة بلاستك (جسم الطرمبة) راكب فيه المؤشر بتاع البنزين علي جنبها وجواها الموتور اللي بيضخ البنزين لموتور العربية.
لما بتعطل بتحتاج تغير الموتور الكهرباء بس.
لكن لو اشتريت حاجة استيراد هيبقي عشان الفبرة البلاستيك والمؤشر لو عندك مشكلة فيهم.
لأن معظم الاستيراد الموتور بتاعه بيكون تعبان من الركنة والرطوبة بتبوظة.
فا دلوقتي أنت عرفت طريقة علاجها عشان لو حصل مشكلة تانية فيها. والأستيراد مالهاش لازمة إلا لو عندك عيب في مؤشر البنزين او كسر في فبر جسم الطرمبة, ولو جبت طرمبة استيراد هتغير لها موتور كمان لانك متعرفش حالته وطريقة تخزينة كانت عاملة ازاي.
أخر حاجة عشان تحافظ عاللي عندك دلوقتي وعشان تعرف السبب في بوظان طرمبة البنزين عمتاً هوا قلة البنزين في التانك.
ودا اللي حرق لي موتور الطرمبة عندي قبل كدا,
إن سبب وضع موتور طرمبة البنزين في قلب التانك مش برة, إن موتور طرمبة البنزين ضغطة عالي وبيسخن جداً ولازم له وسط بارد عشان يبرده. فعشان كدا اتحط في قلب التانك عشان البنزين بطبيعته ساقع جداً في اي وقت فهيبرد الموتور طول فترة التشغيل.
مع ان الموتور لو اتحط برة التانك سواء فوقه او عند الموتور هيشفط بنزين برضه وهوا ويوصلة لموتور العربية.
بس هيتحرق في وقت قليل جداً ومش هيعيش ل ٧٠ و ١٠٠ الف كيلو.
نصيحتي ليك,
حافظ دايماً علي مستوي البنزين جوا التانك ما بين ال Full تفويلة كاملة لحد توصل للتص وتفول تاني, متنزلش عن كدا أبداً.
انا كنت زمان بعمل العكس, وبفول نص تفويلة عشان تبقي العرببة خفيفة لما أجري بيها, وافول صفيحة او نص تفويلة قبل ما اللمبة تنور عشان تفضل العربية خفيفة.
بس دا بهدل موتور الطرمبة لاني كنت لما بدوس بنزين جامد, ببيقي بحرق عليها ومفيش سائل حواليها يبردها.
المفضلات