الموضوع: هتفضلى تقولى يا تويوتا ايجيبت تقولى 142 حصان برده

يا جماعه انا اول لما قربت اعلان تويوتا فى الجورنال عن الكورولا الجديده 142حصان قلت ده مش حقيقى هو فيه 1600 ويبقى كدا اكيد افتكــــــــاسه زى 140 بتوع الهوندا دا كمان زودوا 2 حصان عن الهوندا والناس قعدت تقول اقوى من الهوندا سيفيك ب 2 حصان الحقيقه هى طلعت 124 حصان
بس الصراحه الموتور دا اقوى موتور 1600 شفته بعينى واقوى من الهوندا سيفيك عن تجربه
بس حكاية اللانترا 121 حصان مش داخله دماغى
والبيجو 307 والستروين c4 110 حصان مش داخله دماغى حاسس انهم 100 حصان بس
الماذدا 3 105 حصان مش داخله دماغى حاسس انها 120 حصان مش 105 حصان بس

معلوماتي المتواضعة و لو غلط يا ريت حد يصححلي إن المحرك اللي بيطلع 10 حصان بيطلع 10 حصان لو لوحده أو راكب في بسكليتة أو راكب في عربية أو حتى راكب في تريلا ... مفيش حاجة إسمها عند العجل و عند الكرنك و عند الكبالن و عند الشكمان..
و ده لإن ببساطة عمركوا مهتسمعوا حد بيقول العربية دى 100 حصان.. الصح هو محرك العربية دي 100 حصان.. العربية يا جماعة مبتطلعش حصنة..
و أنا شايف إن اللي بتعمله تويوتا و هوندا في مصر ده نصب علني ... بكل بساطة موقع تويوتا في جنوب أفريقيا اللي مصنع العربية اللي بيتجي عندنا بيقول العربية الكورولا الـ 1600 محركها 1600cc بينتج 91 كيلووات عند 6000 دورة في الدقيقة... يعني بحسبة بسيطة 122.03301 قدرة حصانية ميكانيكية Mechanical Horse Power أو 123.72557 قدرة حصانية مترية Metric Horse Power و دي بس القدرات الحصانية اللي أنا أعرفها .. معرفش بقى الـ Net و الـ Gross دول بصراحة و لا الطريقة الألماني و الطريق الياباني و الطريقة الكوري!!!
http://www.toyota.co.za/models/features.aspx?id=1

و برضه ده رأيي و لو غلط يا ريت تصححولي.

المشاركة الأصلية كتبت بواسطة wawoo

يا شباب بس ياريت نهدى كدة , ابو عبد الله قال رأية و هوة وضح انة لا يمثل توكيل تويوتا ولا هو بيدافع عنهم , ولا هوة متفق معاهم فى اعلانهم .
لكن مش عوزين الموضوع يتحول من هجوم على تويوتا لهجوم على ابو عبد الله .

.

يا باشا أنا مقدرش اهاجم أبو عبدالله
كل مافى الموضوع إختلاف فى جهات النظر

أبو عبدالله نفسه عارف مدى معزتى و حبى له
و ياريت يبطل طناش و يجى فطار المنتدى لإنه بجد واحشنى

المشاركة الأصلية كتبت بواسطة sharky

[COLOR=navy]
أبو عبدالله نفسه عارف مدى معزتى و حبى له
و ياريت يبطل طناش و يجى فطار المنتدى لإنه بجد واحشنى

تمام يا شاركى باشا , و كل عام و انتم بخير

السؤال الان , هل يترى ممكن حد ينزل يشترى التويوتا على اساسا انها فعلا 142 حصان , يعنى اقصد ان طبعا كل واحد بيعمل بحث قد كدة قبل شراء سيارة جديدة , هل تفتكرو اللى بيشترى الكورولا ممكن يكون صدق موضوع ال142 حصان دة , لان اعتقد فى فرق كبير بين ال 124 و بين ال142 يعنى لو كانت السيارة فيها هذة القدرة قعلا , اعتقد كانت اكتسحت السوق , و كان ظهر فرق واضح فى التيست دريف .

وانا بالرغم انى غير متفق مع اسلوب الدعاية المخادع بتاع تويوتا دة, لكن انا اعول على ذكاء المستهلك المصرى , اللى بيعمل شبة تحريات قبل شراء اى شىء و خصوصا لو كانت سيارة حيحط فيها مبلغ محترم , اكيد كتير من اللى بيشترى عارف المعلومات الصحيحة ,
ولا تفتكرو فعلا ان ممكن ناس تنخدع بالاسلوب دة .