هتفضلى تقولى يا تويوتا ايجيبت تقولى 142 حصان برده

**ahmedfd** · 04-09-2008 08:02 AM

المشاركة الأصلية كتبت بواسطة NoNaMe

خرج المحرك على عامود الكرنك - يعنى انت حطيت الموتور على ال dyno وبتقيس من على عامود الكرنك - الباور اللى هتسجلة دة brake power غير لما تحط العربية كلها وتقيس ودة طبيعى لأن فى مفاقيد كتير غير لما تقيس القدرة الناتجة من الاختراق داخل المحرك indicated power لنفس السبب وجود فقد فى القدرة
خرج المحرك ثابت مش هيتغير تحت نفس ظروف التشغيل بس اللى هيفرق ان فى فقد فى القدرة losses

مثال:
لية لما بتنقل سائل او غاز داخل مواسير لمسافة كبيرة بتضطر كل مسافة معينة (محسوبة حسب التصميم) تحط طلمبة ... لأن فية فقد فى الطاقة نتيجة حركة السائل داخل الاسطوانة واحتكاكة بالجدران وبالتالى ضغطة بيقل
نفس الكلام فى الموتور لما تقيس من عند الكلتش غير لما تحط coupling وتقيس غير لما تحط وصلة زيادة وتقيس بعدها

معظم الشركات دلوقتى داخلة فى سباق حصنة من ساعة لما مصرية نزلت الانسر البومة وعملت بروباجاندا على ال 122 حصان وكلة داخل مزاد دلوقتى

انا عندى 2 بروشور لهوندا سيفيك واحد 2007 والتانى 2008 اظن
2007 مكتوب القدرة 140 حصان
2008 مكتوب net power 125@6500
gross power 140@6500
حسوا بغلتطهم ولا لقو شكلهم وحش وعلشان ميكدبش نفسة حطلك net & gross طيب اية معنى انى اكتبلك gross power فى البروشور هو انت رايح تشترى موتور!!!

شكراً على ردك بس إسمحلي أعلق تعليق بسيط... موضوع الداينو ده ملوش علاقة بالعلم و الحسابات الهندسية عامة.. ده مجرد طريقة indicative بتبين حالة أو وضع العربية و قدرتها و الرقم بيقل مع عمر العربية و كمان علشان يعرفوا الفروق لما يعملوا للعربية charging أو supercharging عكس القدرة الحصانية الحسابية الي هيا سمة مميزة للمحرك و ملهاش دعوة بالعربية محملة ولا قديمة و لا مفوتة.

و الدليل في رأيي مثلا معروف إن محرك الإلنترا الجيل السابق كلنا عارفين إنه هوا نفسة الي موجود في الفيرنا و الماتريكس و الجيتز ... ليه حضرتك بقى معروف للكل إنه 106 حصان في االإلنترا و 106 في الفيرنا و 106 في الماتريكس و 106 في الجيتز رغم إختلاف الوزن و إختلاف التعليق؟؟؟!!
لإن ببساطة القدرة الحصانية للمحرك دي حاجة مميزة للمحرك بس ...
الفرق إن في الجيتز علشان خفيفة ممكن تكون أسرع شوية و الماتريكس أتقل شوية و هكذا.. لكن المحرك هوا المحرك و الـ 106 حصان هما الـ 106 حصان.

يعني عكس ما الناس بتقول .. برضه في رأيي لو حطينا الكورولا الجديدة اللي هيا 122 حصان على الداينو .. هيطلع رقم أقل من كدة مش العكس لكن الأساس هوا قدرة المحرك و هي 122 أو 123 زي متكون..

و مثال تاني.. خد عندك أي عربية و لتكن الباسات لإن في إخوة بيقولوا إن الطريقة الألماني هي اللي مفيهاش نصب لإنهم مبيضحكوش على الناس و بيقيسوا عند العجل . معروف إن العربية الأوتوماتيك الكاملة (full option) بتكون أتقل بنسبة مش قليلة عن المانيوال الفاضية و بالتالي بهذا المنطق قدرة العربية عند العجل هتختلف حتى لو إختلاف بسيط.. ليه بقة مبنقولش إن الباسات المانيوال الفاضية الهورس باور بتعاها أكتر من الأوتوماتيك الكاملة..؟؟!!

أرجو إني أكون عرفت أوصل رأيي و شكراً.

**Ahmed Samy** · 04-09-2008 03:37 PM

كلام مقنع جدا

أشكرك

**ENG\AHMED** · 04-09-2008 04:41 PM

شكراً على ردك بس إسمحلي أعلق تعليق بسيط... موضوع الداينو ده ملوش علاقة بالعلم و الحسابات الهندسية عامة.. ده مجرد طريقة indicative بتبين حالة أو وضع العربية و قدرتها و الرقم بيقل مع عمر العربية و كمان علشان يعرفوا الفروق لما يعملوا للعربية charging أو supercharging عكس القدرة الحصانية الحسابية الي هيا سمة مميزة للمحرك و ملهاش دعوة بالعربية محملة ولا قديمة و لا مفوتة.

الداينو فى منة انواع اللى العربية بتقف علية دة نوع منهم ممكن الموتور لوحدة تعملة داينو اومال هتعرف قدرة المحرك actual ازاى
على فكرة الموتور بدون اى حمل علية تعتبر باور=0 لأن مفيش حمل , فكرة الداينو انة بيعمل حمل على الموتور لحد ميوقفة علشان يشوف اعلى باور وعزم ممكن يوصلة كام وعند كام لفة
وطبيعى جدا ان قدرة اى محرك هتقل مع عمرة يعنى مينفعش مثلا اجيب الفيرنا الزيرو 107 حصان وجنبها عربية فيرنا مفوتة بنفس الموتور واقول 107 بردو لا الحسابات ولا المنطق ولا الفعل يقولو كدة
يعنى الرقم اللى فى الكتالوج دة والعربية زيرو مينفعش اقول بعد 20 سنة استخدام انها لسة بنفس الباور علشان مكتوب فى الكتالوج !!

و الدليل في رأيي مثلا معروف إن محرك الإلنترا الجيل السابق كلنا عارفين إنه هوا نفسة الي موجود في الفيرنا و الماتريكس و الجيتز ... ليه حضرتك بقى معروف للكل إنه 106 حصان في االإلنترا و 106 في الفيرنا و 106 في الماتريكس و 106 في الجيتز رغم إختلاف الوزن و إختلاف التعليق؟؟؟!!
لإن ببساطة القدرة الحصانية للمحرك دي حاجة مميزة للمحرك بس ...
الفرق إن في الجيتز علشان خفيفة ممكن تكون أسرع شوية و الماتريكس أتقل شوية و هكذا.. لكن المحرك هوا المحرك و الـ 106 حصان هما الـ 106 حصان

دة طبيعى لأن الباور دى brake power القدرة من على عامود الكرنك مش هتفرق بقى راكبة فى اية
فى سؤال كنت مستغربلة زمان , لو لاحظت كل العربيات الالمانى ارقام الباور فى الكتالوجات كلها من 100 الى 115 فى ال 316 بالرغم من ارقام اليابانى والكورى كلها عالية (انا بقارن ارقام مش بقارن مين احسن ومين اوحش والكلام دة) وبعدين ساعات فروق كبيرة يعنى الالمان مش عارفين يعملو عربيات باور عالى !!
, موضوع ان فى ناس بتقيس net power وناس brake power اللى قلهولى مهندس سيارات كان شغال فى توكيل اوبل وحاليا هوندا , ان الالمان بيقيسوا والعربية محملة ومفحوتة شغل وياخد المتوسط اليابان بيقيسوا خرج موتور على عامود الكرنك ودة اللى بيفرق فى الارقام , فى الاول مكنتش مقتنع لأن المفروض دى حاجة ستاندرد بس لما فكرت ملقتش غير التفسير دة !

و مثال تاني.. خد عندك أي عربية و لتكن الباسات لإن في إخوة بيقولوا إن الطريقة الألماني هي اللي مفيهاش نصب لإنهم مبيضحكوش على الناس و بيقيسوا عند العجل . معروف إن العربية الأوتوماتيك الكاملة (full option) بتكون أتقل بنسبة مش قليلة عن المانيوال الفاضية و بالتالي بهذا المنطق قدرة العربية عند العجل هتختلف حتى لو إختلاف بسيط.. ليه بقة مبنقولش إن الباسات المانيوال الفاضية الهورس باور بتعاها أكتر من الأوتوماتيك الكاملة..؟؟!!

فرق وزن الاوتو من المانيوال كام يعنى 100 كجم !! من طن ونص ولا حاجة وبعدين الوزن power/weight هيفرق performance
انما الاجزاء اللى بتدور وتحتك مع بعضها والمسافة اللى هيتنقل فيها القدرة (مثلا فقد القدرة على عامود الكردان غير الكوبلن) والخامات المتصنع منها الاجزاء دى ومدى دقة الصناعة كل دة هيعمل فقد القدرة الناتجة من المحرك
انت لو بصيت للكفاءة الحرارية للمحرك نفسة هتلاقى مفاقيد كتير .. الحرارة المفقودة لمية التبريد وللزيت والعادم نفسة فقد ...
وبعدين ملحوظة تانية قرايات القدرة دى متوسط مش على اد تجربة واحدة لأن لو هنتكلم فعليا يبقى المفروض معاك مجلد علشان تعرف منة انت شغال على كام حصان النهاردة ودة استحالة , نوع البنزين هيفرق ودرجة حرارة الجو هيفرق اى حاجة هتأثر على عملية الاحتراق هتأثر على الباور لأن الباور ناتجة منين ماهو من عملية الاحتراق

لو حد عنده اعتراض يقول لان انا شايف ناس كتير بتفتى دون علم!! مجرد انها فكرة فى دماغه و خلاص لانه اعتبر ان ده حل خدعة تويوتا من غير ما يدور و يشوف !!!وكان ده اقرب وااسهل حل عقله جابهلو فصدقو على طول !!!

ياريت بلاش الكلام اللى ملوش لازمة اللى مبيجبش غير المشاكل ووجع الدماغ

Pi=124/.87=142.5

و هو ده اللى تويوتا مصر عاملاه !!!

لو تويوتا اليابان نفسها عرفت تاخد من الموتور دة ال indicated power اللى هى 142 يبقى تويوتا ايجيبت تكتبها انما النظرى حاجة والفعلى حاجة تانية

و اما جيت اشوف الspecs تانى لقتهم كاتبين Maximum power !!

و كده هما صح بس برده غلط لأن العالم كله بيتعامل بالقدرة التانيه و ده اسلوب خداع و غش لاستغلال جهل بعض الشعب المصرى !!!

مش معنى max. power انها indicated power , القدرة والعزم منحنى مش خط مستقيم وكل واحدة من القدرات اللى بنتكلم عليها دى ليها المنحنى بتاعها والفرق بينهم بيبقى الفقد فى القدرة losses
يعنى كل منحنى لية ال max. بتاعة , يعنى مش معنى انى اقولك max. power=100 hp انها indicated واساسا مفيش حد بيتعامل indicated لأنها نظرى اللى صنع الموتور نفسة ميعرفش ياخدها خرج من الموتور
يبقى دة توكيل بيستعبط

**ewermido** · 04-09-2008 10:26 PM

طب يا جماعه محدش يعرف العربيه الجديده 2009 هتنزل امتى بالتحديد وهيكون سعرها كام وكمان الاستاذ اللى كاتب الموضوع قال انها مش هتنزل بى الفيتيس الحالى فا هل الفيتيس الجديد كويس ومتجرب فى عربيات تانيه ومفيهوش عيوب الفيتيس الحالى؟؟؟

**فادى** · 05-09-2008 04:53 PM

هصحح معلومة بس واضح انها عاملة مشكلة لكثير من الزملاء,
محدش بيقيس العربية على الداينو و الكلام الفاضى ده, العزم و القوة القصوى الشركات بتطلعهم من حسابات هندسية,
الداينو ده وسيلة بتستخدم لقياس خرج المحرك بعد اجراء تعديلات عليه(تزويد تربو مثلا) عشان تشوف الفرق الى عملته التعديلات, ده كل الموضوع, و الداينو بيديك النتيجة بعد خصم الفاقد نتيجة لنظام الدفع, يعنى مثلا الكورولا لو افترضنا انها 122 حصان,
هتحطها على الداينو هتديك 122*0.9 لأنها دفع امامى , يعنى هتديك 109 تقريبا حصان أو أقل.
هتقسم الرقم الى يطلعلك على الداينو على المعامل المتوقع فى الدفع الأمامى (فى الدفع الخلفى 0.85), هتديك ال122 حصان.