الموضوع: هتفضلى تقولى يا تويوتا ايجيبت تقولى 142 حصان برده

المشاركة الأصلية كتبت بواسطة hitsh88

يا جماعة الموتور بالعربية او من غيرها قدرته واحدة
و شوف على الwikipedia مكتوب الموتور ده 124HP

The Toyota 1ZR-FE is a DOHC, 16 valve, 1.6L (1598cc) engine equipped with Dual VVT-i. This engine is available with either manual gearbox or a "multi-mode" transmission. Output for this engine is rated at 124 hp (92 kW) at 6000 rpm and 116 lb·ft (157 N·m) of torque at 5200 rpm gross


,و برضه محدش رد عليا !!!!!!!!!!!!!!!!!!!!

هو مش المفروض شركة تويوتا تبقا مراقبة كل ده و يا ترى لو حد بعتلهم ايميل بده ردهم هيكون ايه ؟؟

الله ينور عليك يا باشااااااااا وصلت لوجهة نظري اللي بقالي مشاركتين بقول فيهم فين تويوتا من الكلام ده و التوكيل بيخادع الناس و عمال يقول 142 و هي 124 كمان ارحمنا يا رب

دا غش بصراحه
و معلش اختلف معاك يا ابو عبد الله
لان دا تلاعب بالالفاظ و لا يمت للتسويق بصله
انا دارس تسويق و عرف يعني ايه كلمه تسويق
غير شغلي في التسويق فتره من الزمن.
ما علينا
انا لما بروح اشتري عربيه بشتريها كلها علي بعضها
مش بشتري موتور لوحده و اركبه
لما ابقي اشتري موتور لوحده و اركبه كده لوحده من غير عربيه
يبقوا يقولوا الموتور دا 160 حصان زي ما هما عاوزين
انما العب بالالفاظ و استغل عدم معرفه الناس لاء طبعا

يا جماعة الموتور بالعربية او من غيرها قدرته واحدة
و شوف على الwikipedia مكتوب الموتور ده 124HP

The Toyota 1ZR-FE is a DOHC, 16 valve, 1.6L (1598cc) engine equipped with Dual VVT-i. This engine is available with either manual gearbox or a "multi-mode" transmission. Output for this engine is rated at 124 hp (92 kW) at 6000 rpm and 116 lb·ft (157 N·m) of torque at 5200 rpm gross

الموتور قدرتة واحدة بس لما تقيس القدرة داخل الاسطوانات indicated power غير لما تقيس القدرة على عامود الكرنك brake power نتيجة لمفاقيد الاحتكاك بين اجزاء الموتور
وبالمثل لما تقيس من عامود الكرنك غير لما تقيس على العجل net power نتيجة للفقد فى القدرة نتيجة الاحتكاك بين الاجزاء المتحركة والمسافة المنقول فيها القدرة (فقد القدرة فى الجر الخلفى اكبر من الامامى نتيجة لطول المسافة بين الموتور والعجل) , وهى دى القدرة الحقيقية اللى بتحس بيها فى العربية لأن انت راكب العربية ككل فى احتكاك وفى وزن العربية و....... مش راكب الموتور وماشى بية

اللي درس تشويق هيعرف ان التسويق بيعتمد على كده اعتماد كلي
لأنيه لو عاوز يسوق حاجه اكيد هيخبي الوحش ويظهرلك الحلو

التسويق هو انى اقولك مميزات البضاعة بتاعتى بصدق , عجبك خير وبركة مش عجبك فى غيرك هيعجبة انما مش التسويق انى اقولك نص الحقيقة او انى احاول العب معاك بلاالفاظ دة يبقى اسمة نصب وخداع انت نفسك لو اشتريت حاجة على اساس المميزات اللى قالهالك البائع واكتشفت بعدها العكس هيبقى اية تصرفك او على الاقل فكرتك عن البائع

ثانيا يا اخي الاعلان كان عبارة عن صورة كبيره للسيارة وتوضيح لها
ثم اجزاء صغيرة عبارة عن خانات كل خانه امامها صورة وتوضيح للي في الصورة
واكن من ضمنهم صورة للماتور وشرح جانبي بيوضح امكانيات الماتور
ولو كان الكلام عن العربيه ككل كان الأولى بالصورة انها تكون للعربيه

كون بقه ان انت ربطت الماتور بالعربيه فدي حاجه تانيه

ولكن الأعلان حاطط صورة للماتور لوحده وبيقول المحرك بيطلع كذا حصان
ولم يقل العربيه بتطلع كذا حصان

احنا بس اللي ساعات بتوه مننا حاجات كده

هو الاعلان دة معمول علشان الموتور الجديد ال 1.6 بتاع تويوتا ولا علشان التويوتا الكورولا الجديدة

طيب دة الاعلان وكانو جايبين صورة الموتور بس وبيتكلموا علية طيب فى البروشور بتاع العربية لما بيكتبوا ال 142 بتاعتهم بيبقى جنبها صورة الموتور بردو

العربية مش بتطلع حصنة الموتور هو اللى بيطلع يبقى لما اعمل اعلان عن عربية واتكلم على الموتور بتاعها يبقى اتكلم على صافى القدرة يعنى الموتور وهو راكب فى العربية ومحملة مش الموتور لواحدة فى الهوا

اي شركة بتحط في مواصفات العربية قوة المحرك اللي في العربية بغض النظر عن العربية نفسها

دي معلوماتي و لو غلط حد يفهمني

يعني لو موتور الياريس 1300 قوته 85 حصان و موتور الكورولا القديمة نفس الموتور ال 1300 هتكون مواصفاته برده 85 حصان بغض النظر ان دي كورولا و دي ياريس و ممكن يكون فيه فرقات بس طفيفة نتيجة لبعض التطويرات البسيطة

قوة المحرك كمواصفات مالهاش علاقة بالعربية اللي راكب عليها سواء تريلا او عربية حنطور

و عموما الأخوة اللي بيقولوا ال 142 حصان دي قوة المحرك الصافية بره العربية

يجيبولنا اثبات علي المعلومة دي :smile:

ان شاء الله من موقع تويوتا- مدغشقر

ان نفسي اعرف تويوتا - ايجبت حطت الرقم ده بناء علي ايه ؟؟؟؟؟؟؟؟؟؟؟؟؟؟

المشاركة الأصلية كتبت بواسطة mido777

بس عفوا ده مش اسلوب تسويق ده اسلوب خداع ومرواغه وممكن كمان تقول غش

كلام مظبوط و مافيش حد يقدر يقول غير كده يبقى بيدافع على غلط و بيتغاضى عن غش و تدليس من توكيل تويوتا فى مصر

المشاركة الأصلية كتبت بواسطة Nile_Storm

معاك لان المفروض الكلام يبقي علي الناتج الكلي مش الموتور لوحده
انا هاخد كام حصان من الاخر
تويوتا مش شركه قليله و لا شركه مش بتبيع علشان تعمل كده

فعلا لو كانو صريحين مش بيغشوا كانوا قالواصراحة فى الإعلان إن 142 حصان دى قوة الموتور فقط من غير العربية ة لما بتحد فى العربية يبقى 120 حصان

أنا مش فاهم هى تويوتا بقت قليلة فى السوق و مش عارفه تبيع فى مصر علشان تعمل الغش و الخداع دا

المشاركة الأصلية كتبت بواسطة أبو عبدالله

أنا مردتشي اشتغل في التسويق علشان كده

اللي درس تشويق هيعرف ان التسويق بيعتمد على كده اعتماد كلي
لأنيه لو عاوز يسوق حاجه اكيد هيخبي الوحش ويظهرلك الحلو

حتى لو انه مش واضح

دا إسمه فى دينا الإسلامى يا أبو عبدالله غش و تدليش و إخفاء الحقيقة على المشترىو لا كلامى غلط

المشاركة الأصلية كتبت بواسطة أبو عبدالله

ثانيا الاعلان واضح وانا والله فهمته لوحدي

الاعلان عبارة عن صورة الماتور منزوع من السيارة وبيانات له

كون بقه ان انت ربطت الماتور بالعربيه فدي حاجه تانيه

ولكن الأعلان حاطط صورة للماتور لوحده وبيقول المحرك بيطلع كذا حصان
ولم يقل العربيه بتطلع كذا حصان

احنا بس اللي ساعات بتوه مننا حاجات كده

وده ليس دفاع والله ولكن ده علشان احنا نفهم الكلام والنظام ماشي ازاي

واللي عاوز يتلاعب بالألفاظ او اي حاجه يبقى احنا عارفين

هو ده اللي انا اقصده

ولا المفروض اعمل ايه يعني مش عارف بجد
هو الواحد غلط انه وضح

أبو عبدالله يا حبيبى لو التوكيل دا صريح كان كتابها صراحة إن دى قدرة الموتور لوحده فقط مش سابها عايمة كده

طب ممكن تقولى ليه معمولش صورة الموتور برضه فى الياريس فى إعلان الياريس و لا علشان زوده 8 حصان فقط للياريس و لكن الكرولا الجديدة زوده يجى 20 حصان فحسوا إنهم كتير مثلا

المشاركة الأصلية كتبت بواسطة أبو عبدالله

وبعدين اننتم حسستوني انهم منزلين اعلان عن الماتور لوحده

يا جماعه الأعلان لو حد منكم كان شافه

كان عبارة عن كلام على العربيه ككل
وبعدين اجزاء مجزأة صغيرة كصور وبجوار كل صورة تعليق وشرح لها

يعني مثلا الشنطة كذا
والمفتاح بيعمل كذا وكذا

وكده يعني وهو اعتبر الماتور جزء لوحده واتكلم عليه

انا عارف ان ده تحوير بالناس

بس لو انت مركز في الكلام يعني ومخدتهوش كده وخلاص هتفهم الكلام

وانا مش بقول انهم صح
ولكن القصد انهم مبيألفوش 142 حصان دول

طب ما فيه العديد من التوكيلات فى مصر بيعمل نفس الإعلان دا و بيتكلم عن أجزاء فى العربية و محدش فيهم جاب الموتور لوحده و عمل حركة تويوتا الخادعة
طالما حضرت بتقول إنك مش بدافع عنهم و لا بتقول إنهم صح خلاص خليك معانا وقول إن دا غش و خداع للمشترى و بالنسبة للتوضيح كل الناس فهمته و قالت برضه إنها مش حاجة صح من التوكيل إنه عمل كده و فى الأخر دا خداع على المشترى لا يحثنا عليه ديننا الإسلامى

و لا تويوتا فى مصر ناوية تنفرد بحاجة جديدة إنها تبيع موتور لوحده و بعد كده تركبه فى العربية
العربية باكدج كاملة موتور و هيكل و أوبشنز و... الخ يعنى لازم قدرة الموتور يتقال و هو على العربية من الاخر

دا من الاخر غش و خداع و تدليس واضح جدا