انا و اختى انضربنا غى الشارع من ست و جوزها نتصرف ازاي

**طارق _عبد السلام** · 08-08-2013 09:17 PM

وانا من رأيى ان حضرتك تحاولى تنسى الموضوع لانه هيأثر عليكى جدا وحضرتك حامل
وبعدين اكيد على وصف حضرتك انهم بلطجوا عليكى جامد بس ان يتاخد منه البطاقه ونمره العربيه اكيد الموجودين عملوا معاهم الصح وزياده لان مفيش بلطجى هيطلع بطاقته بالادب يبقى اكيد اتظبط كويس من الناس اللى اتلموا عليه ويبقى كفايه عليه اللى اتعمل معاه وانتى اهتمى بصحتك ومولودك القادم ان شاء الله

**AHMED_DINAMO** · 09-08-2013 12:08 AM

قولى الحمدلله وقدر الله ما شاء فعل :)

والصراحه التعليق ده فيه الخلاصه ال هتعمليها وأأكد عليكى متزوديش كلمه

المشاركة الأصلية كتبت بواسطة sameh_fouad

حسبنا الله ونعم الوكيل فى الاشكال الضالة دية اللى ماشية فى الشارع تتطاول على خلق الله بدون داعى لمجرد حاجة تافهة

اولا : صلى صلاة شكر لربنا انك انتى واختك والجنين بخير

ثانيا : حاولى تنسى الموقف اللى حصل عشان مش هيفيدك بحاجة انك ماتناميش او يجيلك حالة اكتئاب بسبب ناس ماتستاهلش

ثالثا : نصيحة منى ماتزوديش كلمة عن اللى حصل , عشان اى كلمة زيادة كدة يبقى انتى بتتبلى عليهم وأى حد هيشهد معاكى هيكون شهادتة زور

رابعا : هتروحى تعملى محضر تعدى وتقولى انك قولتلهم انك حامل + محضر تحرش للراجل اللى معاكى بطاقتة + انك تحددى مكان الواقعة بالتاريخ والوقت + ومكان المحل اللى هية شتمتك فية + لو فية اى cafe او حاجة اللى شغالين فيها شافوا الواقعة وكمان المحلات اللى تحت المول

دة اللى هتعملية , وان شاء الله ربنا يجيبلك حقك من الناس

لو حقك ماجالكيش , ان شاء الله هيكون عند ربنا وربنا هياخدلك منها حقك يوم القيامة , وادعلى عليها بحسبنا الله ونعم الوكيل فيها , ومنها لله فقط لاغير

**casperinoo** · 12-08-2013 03:52 AM

انا عارف احساس انك تبقي اتهنتي ومخدتيش حقك ..
بس الكلام ده لواحد اتضرب ومردش
بصي حتي لو حقك مجاش ..
انتي برده ظبطيهم ..
جابولك بطاقته واكيد ده مكنش بالساهل
وخلعتي النمر ..
وده يعتبر ذل واهانه ليه ..
وتلاقيه متضايق اكتر منك اصلا وحاسس بالاهانه والذل انه اتذل واتاخد بطاقته قدام مراته وعياله..
فعديها ومتزعليش نفسك

**khaled_sabry** · 12-08-2013 09:59 AM

المشاركة الأصلية كتبت بواسطة run

حضرتك انا كنت فى القاهره اليوم دا وبالتحديد عند جنينه مول وشفت مشكتلتك دى لايف بس مكنتش اعرف التفاصيل . ومعلش كان فى تطاول منك ومنها

ماهو حضرتك واضح انك حضرت فى نص الخناقه و ماينفعشى تحكم باللى شفته فقط

المشاركة الأصلية كتبت بواسطة tobe

حضرتك ده في رمضان .. والحكايه بالظبط اني كنت في محل زحمه جدا وانا رايحه للكاشير اتكعبلت في الست دي و انا كنت هقع لقيتها جايه تزغندني في قلبي و تقولي هو انتي عاميه ومش شايفه فقولتلها ايه ده هو انتي بمتدي ايدك ليه فراحت شتمت و قالتلي يا حيوانه يا سافله رحت انا قولتلها باللفظ انا مش هرد عليكي

فيه للأسف نوعيه من البشر فاكره ان السفاله شطاره
انا فاكر السنه اللى فاتت لما كنت بوضب شقتى نزلت انا و مراتى و ابنى الصغير (3 سنوات) للمهاجرين علشان نشترى لوازم فى التوضيب
فمراتى كانت ماسكه مهاب و مهاب خبط فى واحده ست ماشيه - لاقيت الست بتقول لمراتى (وانا معاها) هو البعيد اعمى و لا ايه !!! (على ابنى ذو الـ 3 سنوات)
مراتى قالتلها معلشى حقك عليا (كأن ابنى كسرها و لا حاجه)
التانيه قالتلها ماتفتحو بقى و لموعيالكم جتكم القرف !!! - بصراحه انا و مراتى لمينا نفسنا و ماردناش علشان لو كنا فتحنا بقنا كانت حتبقى خناقه و بهدله على الفاضى - مش بقول ان تصرفى ده صح لكن مش انا اللى حصلح المجتمع على حساب كرامتى و كرامة اهلى

للاسف دى ثقافة عبده موته

المشاركة الأصلية كتبت بواسطة r0xer

لكن عايزة وجهة النظر الصح؟ احتسبي عند الله، يمكن دا خير ليكي وانتي مش عارفة، لو كنتي خرجتي بسرعة وانتي مروحة كان التاكسي هيعمل حادثة والجنين في بطنك هيحصله حاجة لاقدر الله، او كان اختك وهي بتعدي الطريق مستعجلة حصلها حاجة لاقدر الله....اللي حصلكم دا خير والله العظيم واحتسبي عند ربنا وهو هيجيبلك حقك وبلاش تأذيها ولا تعملي حاجة من اللي قلتلك عليها...

لكن لو مصرة متسامحيش وتحتسبي انتي حرة...

غالبا مجهودك حيروح على الفاضى - احتسبى عند الله افضل

المشاركة الأصلية كتبت بواسطة eng f3lix

الناس هنا ماشاءالله لازم تكدب اي حد داخل يحكي مشكلة لمجرد انه موضحش كل حاجة من الاول ... ماعلينا
حطي حضرتك صورة بطاقة الراجل ده هنا وهتلاقي الف مين يوجب خصوصا انا عشان ليا قرايب كتير ومعارف في شبرا

انه عصر البلطجة

فكره حلوه اوى - حطى صوره البطاقه هنا و صورة النمر كمان بالمره - يتهيألى حتبقى مؤثره اكتر من المحضر اللى عملتيه

المشاركة الأصلية كتبت بواسطة tobe

وانا بصراحه مبقتش عارفه فين الحقيقه ، انا لما عملت المحضر قولتلهم انا معرفش هو جوزها ولا لأ لانه في الاول قال انها مراتي وانا لما قولتله انت شايف مراتك بتشتم و تضرب و معملتش حاجه راح قايل دي مش مراتي انا بوصلها و شغال على العربيه .. مش عارفه اذا كان بيكذب ولا لأ لأن هو لو مجرد سواق مكنش اتدخل في الخناقه ولا عمل كل ده

حسبي الله ونعم الوكيل في الراجل و الست دول

لو كان مجرد سواق ماكنشى اتخانق معاكى و لا حاول يدوسك بالعربيه اصلا
و موضوع محل الاقامه لايدل على شئ - انا لغايه الناهرده بطاقتى مكتوب فيها انى من اسيوط و مراتى مكتوب فيها عنوان والدها - رغم اننا متجوزين و عايشين فى عين شمس من 2008

المشاركة الأصلية كتبت بواسطة casperinoo

انا عارف احساس انك تبقي اتهنتي ومخدتيش حقك ..
بس الكلام ده لواحد اتضرب ومردش
بصي حتي لو حقك مجاش ..
انتي برده ظبطيهم ..
جابولك بطاقته واكيد ده مكنش بالساهل
وخلعتي النمر ..
وده يعتبر ذل واهانه ليه ..
وتلاقيه متضايق اكتر منك اصلا وحاسس بالاهانه والذل انه اتذل واتاخد بطاقته قدام مراته وعياله..
فعديها ومتزعليش نفسك

+11111111111111111
علشان كده بقولك انتى تعتبرى اخدتى حقك اكتر منهم - ولو عاوزه تكيديهم اكتر نزلى صور النمر و صورة البطاقه

**S O P H O S** · 13-08-2013 02:17 PM

حاولي حضرتك تنسي
وكل ده عند ربنا

**cameeron** · 13-08-2013 02:35 PM

المشاركة الأصلية كتبت بواسطة tobe

يا جماعه انا بنت ناس محترمين و مليش في اللبش ، كل غلطتي اني وانا ماشيه داخل احدى المولات اتكعبلت في واحده لبش و لقيتها ابتدت تشلأ و هتفرشلي الملايه و شتمت طبعا فقولتلها انا مش هرد عليكي و مشيت و حاسبت المحل لأن الدنيا كانت زحمه اوي عند الكاشير و خرجت و كملت خروجتي و خرجت من المول انا و اختي و كنا مستنين تاكسي لقيتها جايبه جوزها و بتشتمني تاني فى الشارع بشتايم قذره جدا جدا و مدت ايدها على وش اختي و انا والله ما نطفت و جوزها بيشجعها و جوزها نفسوا مد ايده عليه لما حاولت ادافع عن اختي وولاد الحلال حاشو و واحد منهم جاب بطاقته و ادهالي و هما لما لقوا الوضع كده ركبوا عربيتهم و هربوا علطول بس انا و قفت قدام العربيه وهو حاول يشيلني بالعربيه و مشي طبعا و .. انا من كتر الاهانه اللي شوفتها زائد اني مغلطش بكلمة واحده زائد اني عمري ما شفت بلطجه بالشكل ده رحت خلعت نمرة عربيته الورانيه لانها كانت ملخلخه و مشينا و كلمت اخويا ووالدي و روحت عملت محضر انا و اختي بس كل الناس بيقولولنا طالما مفيش اصابات المحضر هيتحفظ و كمان مفيش شهود لأن انتوا عارفين حال البلد.

انا مش قادره اسكت على اللي حصل و لو سكت الناس دي هتطاول على ناس غيري و يعملوا نفس عملتهم . انا دلوقتي معايا بطاقة الراجل و رقم عربيته (اللوحه نفسها) و المحضر اللي عملته كان برقم العربيه فقط لاني مكنتش لسه حصلت على بطاقته من الناس اللي وقفوا معايا.

انا اتبهدلت جامد اوي اوي و والله ما بعرف انام ولو نمت ساعتين كل 48 ساعه يبقى كويس اوي. الموضوع ده حصل من اربع ايام و انا على فكره حامل و لسه مروحتش كشفت عشان اطمن على الجنين بس انا حالتي النفسيه وحشة اوي و كمان جسمي كله مكسر من الضرب و ضهري و اجعني لوحده من الحمل و بعد المشكلة دي واجعني اكتر و اكتر .

على فكره انا قلت في المحضر اني حامل و هما ادوني ورقه اكشف بيها في مستشفى هليوبلس.

قولولي اتصرف ازاي مع الناس دي.

يا جماعه الموضوع اكيد في تفاصيل اكتر من كده بكتير بس انا مش عايزه اطول عليكما و والله انا مغلطش في الست غير لما لقيتها مدت ايدها على اختي و لقيت جوزها بيمد ايده عليه قولولنا نتصرف ازاي ارجوكوا .. و و الله شتمتني وانا جوه المحل و مرديتش عليها و شتمتني بره المحل شتايم قذره و بردو مرديتش و هي لما لما لقيتنا مؤدبين راحت قالت كمان تمد ايدها.

سئل احد الحكماء:لماذا لم ترد على الذى سبك؟
قال الحكيم:و هل من الحكمة ان اعض كلب عضنى

**Satan_satan** · 13-08-2013 02:46 PM

معلش بس انا هرد على كل الناس اللى قالت انها تعمل محضر

الموضوع ده ولا ليه اى لازمه علشان اى بلطجى هيعور نفسه ويجيب اتنين تلاته شهود من صحابه ويعملك محضر
وساعتها هيبقى الحل اما انك تتنازلى عن المحضر مقابل انه يتنازل .. او انتو الاتنين تدخلو الحجز وتانى يوم على النيابه وهكذا

وفى الاخر انتى الخسرانه

انا شايف انك تسكتى وتدعى ربنا ينتقم من كل ظالم ودى احسن من مليون محضر

**SHNORY** · 13-08-2013 04:39 PM

المشاركة الأصلية كتبت بواسطة khaled_sabry

فيه للأسف نوعيه من البشر فاكره ان السفاله شطاره
انا فاكر السنه اللى فاتت لما كنت بوضب شقتى نزلت انا و مراتى و ابنى الصغير (3 سنوات) للمهاجرين علشان نشترى لوازم فى التوضيب
فمراتى كانت ماسكه مهاب و مهاب خبط فى واحده ست ماشيه - لاقيت الست بتقول لمراتى (وانا معاها) هو البعيد اعمى و لا ايه !!! (على ابنى ذو الـ 3 سنوات)
مراتى قالتلها معلشى حقك عليا (كأن ابنى كسرها و لا حاجه)
التانيه قالتلها ماتفتحو بقى و لموعيالكم جتكم القرف !!! - بصراحه انا و مراتى لمينا نفسنا و ماردناش علشان لو كنا فتحنا بقنا كانت حتبقى خناقه و بهدله على الفاضى - مش بقول ان تصرفى ده صح لكن مش انا اللى حصلح المجتمع على حساب كرامتى و كرامة اهلى

خدوا بالكم ان ده اسلوب سرقه جديد
مشكله ومد ايدين والناس تتلم
وهوب متلاقيش موبايلك ولا فلوسك
ربنا يكفينا شر البلطجيه ويبعدهم عنا