الموضوع: انا و اختى انضربنا غى الشارع من ست و جوزها نتصرف ازاي

المشاركة الأصلية كتبت بواسطة r0xer

طالما الحدوتة كدا تبقى دي ست مفترية....وانتي فعلا مظلومة

لو عايزة تربيها بقا متتلعبش كدا واللهم اني كنت صائم والشيطان رجع بينا تاني تقريباً... :)

هتتلعب كالتالي:

1- هتجيبي شهادة طبية انك حصلك مشاكل ومضاعفات خطيرة في صحتك بسبب اعتدائها عليكي، ونص دكاترة مصر يخدموكي في الموضوع دا خصوصا لو ليكي حد قريبك دكتور.

2- هتقولي انها وهي بتجري هي واللي معاها في عربيتهم سرقت شنطتك وكان فيها 5000 جنيه كنتي رايحة تجيبي لبس العيد وخلي اختك تشهد بكدا.

3- خلي اختك تعمل محضر تاني بإن الراجل اللي كان مع الست المفترية هددها بالقتل لو عملتوا ضدها محضر، وخليها تكتب انه قال انه الداخلية دي كلها قرايبه وانه واصل اوي ومبيهموش حد وليه قرايب مهمين في الداخلية والجيش.

4- ابعتي صورة من محضر اختك للتفتيش بتاع الداخلية :)

خلاص كدا البقاء لله فيهم وحتما ولابد هيتربوا وهتيجي تعتذرلك وهي صاغرة...

دا وجهة نظر الشيطان اللي عايز ينتقم.

لكن عايزة وجهة النظر الصح؟ احتسبي عند الله، يمكن دا خير ليكي وانتي مش عارفة، لو كنتي خرجتي بسرعة وانتي مروحة كان التاكسي هيعمل حادثة والجنين في بطنك هيحصله حاجة لاقدر الله، او كان اختك وهي بتعدي الطريق مستعجلة حصلها حاجة لاقدر الله....اللي حصلكم دا خير والله العظيم واحتسبي عند ربنا وهو هيجيبلك حقك وبلاش تأذيها ولا تعملي حاجة من اللي قلتلك عليها...

لكن لو مصرة متسامحيش وتحتسبي انتي حرة...

ابليس يخلع القبعه وينحنى لهذة العقليه.....ههههههههههه
والله العظيم انت جامد جدا.....وفعلا فى ناس مينفعش معاهم غير كدا

يا اختي بدل ما تفكري في محضر و الكلام ده روحي اكشفي علي الجنين الي في بطنيك ولاد الناس مش بترد الشتيمة بي شتيمة و ربنا يصلح الحال