الموضوع: استلمت صنى 2013 الشكل الجديد 5/8/2013 و هرجعها للاسباب التالية و هاخد فلوسى

أيه يا جماعة براحة علي الراجل,
أنا أعرف ناس كتير متعلمة ومعاها ماجستير وبتفهم في العربيات وراحو أشترو عربيات زيرو من المصرية, وبعد ما أشتروها ومشيو بيها أكتشفو أنها كانت مخبوطة ومتصلحة..

ليه عشان مدوش خوانة للمكان ولأنك رايح تشتري عربية زيرو, أكيد مش هيبقي فيه حاجة فيها.

كله دلوقتي بيجي علي الراجل, وأحنا ممكن اي حد فينا حد لو بيفهم في العربيات وتستلم عربية وتكون كاشف عليها وزي الفل, تكتشف بعدها بشهر ولا بأسبوع أنها كان فيها عيب فحاجة وكانت متصلحة, مش بتحصل معانا كلنا ولا أيه ؟

المشاركة الأصلية كتبت بواسطة khaledamr.90

عايز اسئل سؤال عشان مش عارف هل اقدر ارجع العربية ولا لا , تفتكروا هل لو العربية كانت وخدا خبطة و متصلحة هل يسيبوا البايبن كدا واحد تقيل شوية و التانى تقيل و بيعمل صوت مع الفتح و القفل و هل هما اغبياء ,

ولله انا مش عارف اعمل ايه, هل اعتبر ده عيوب تقفيل مصرى و خلاص ولا اعمل مشكلة و اصر انى ارجع العربية و اخد الفلوس كخط اول , او ابدل العربية كخط تانى بس فى الحالة دى هابقى قلقان على العربية ال هاتيجى هاتبقى عملة ازاى لو اعتبرنا ان العربيات ال المعارض بتبدلها من التوكيل ممكن يستبدلوها ب عربية بردو فيها عيب او فى فئة اقل مثلا فرز تانى.

معتقدش أنهم هيرجعو العربية عشان عيب شكلي ومش جوهري, وأنت بتقول أنك مهندس ميكانيكا وعارف أنو مش عيب قاتل في العربية, وعشان معندنتش جهاز حماية مستهلك قوي يخلي لي في مشكلة أو عيب في العربية تتغير زي أي سلعة بتشتريها.
وهوا كدا علي كلامك عيب تقفيل مصري وهتتصلح لك بس في الغالب,
معتقدش أنهم هيغيروها بجديدة أو يرجعولك الفلوس, بس حاول وأنت ونصيبك واللي تقدر تاخده ومن حقك متفرطش فيه.
ومفيش حاجة أسمها يبدلوها بعربية فرز تاني!! أو فيها عيب لأن العربيات مفهاش فرزات وانت كدا دماغك بدأت تشت, وأنا عاذرك ربنا يعينك, بس بلاش القلق الزيادة دا..

المشاركة الأصلية كتبت بواسطة khaledamr.90

دا كله بسبب فقد المصداقية مع المعرض و التوكيل و احتمالية النصب العالية قوى من الجميع , عندى سؤال تانى لو عربية مثلا اثناء النقل بين المصنع و الشركة و المعرض اتعرضت لخبطة بيصلحوها و ينزلوها السوق تانى ولا بينزلوها مثلا فى العرض و ال test drive فقط و دة برضو من فقد المصداقية مع التعامل مع المصانع و الشركات المصرية الواحد حاسس ان كله بينصب على كله بجد حاجة وسخة ,,

مفيش عربية بتتخبط وبتبقي غلبانة بعد كدا وtest-drive, دا لو عندنا أصلا معارض بتعمل تست درايف, العربية بتكون جاية عشان تتباع,, ولو أتقلب علي ضهرها من العربية اللي شايلاها زي ما حصل مع عربيات سيراتو كتير في السنين اللي فاتو بتتصلح وبتتباع.

المشاركة الأصلية كتبت بواسطة khaledamr.90

اما بقى بالنسبة للاخ البيقول ياما ناس معاها ماجيستير و اتنصب عليها ف عربيات احب اعرفكم بنفسى انا مهندس ميكانيكا و كل اهتمامى بعد ما استلمت العربية كان على حجات تانية فنية اكتر تبان على الطريق زى النقلات و الفرامل ال abs هل مع الفرامل على طريق مستقيم فى حدف مع الفرامل مثلا و حاجات من دى فنية اكتر من موضوع الصاج و الببان لانى مفهمش فى شغل السمكرة

علي فكرة انا اللي قلت كدا,,
وتعليقي دا كان رد علي الاتنين اللي قالو كدا وكانو متحاملين عليك,!
وقلت إن حتي الناس المتعلمة كويس, وفاهمة بتراجع وتددق في التفاصيل كويس وممكن يضحك عليها,, يعني كنت بدافع عنك..!!

مش عارف أنت قفشت عليا كدا ليه,,
حقك عليا يا سيدي,,

بس طالما أنت قفشت كدا وبتقول أنك مهندس ميكانيكا وبتعرفنا بنفسك, فأهلاً وسهلا بيك,

وأنا كدا هضم صوتي ليهم وأقولك لو مكنت مهندس ميكانيكا بقي, وراجل بتاع عربيات وبصيت علي الميكانيكا,
أزاي عنيك مهندس مالحظتش الفروق الرهيبة اللي بتتكلم عليها دي,,
وأنت راجل دي مهنتك, سيبك من الناس بتاعت الماجستير اللي أنا قلت عليهم والكلام النظري اللي درسوه,, أنت بتاع العملي والمجال دا.

تحياتي لك..
وربنا يعينك علي حل مشكلتك,