بسم الله الرحمن الرحيم
السلام عليكم و رحمة الله و بركاته

كل سنة و انتم طيبين
عيد سعيد ع الجميع ان شاء الله

لو تفتكروا ذكرت في الموضوع ده

http://www.nilemotors.net/Nile/195073-a.html

من اهم الادوات وجود منفاخ هوا للكاوتش يشتغل ع الولاعة و الناس دايما بتسألني عليه

فحبيت اجيبلكم اخر الاخبار بخصوص الموجود

لقيت في كارفور 3 أنواع

واحد صغير بيقولوا 1 بستم و سعره في حدود 55 ج
و ده اللي عندي اينعم ضعيف لكن يقضي الغرض بدل تغييير الاستبن و لو العجلة ع الارض يفضل ترفع العربية بالكوريك شوية عشان يبقي اسرع و انت و نصيبك في الوقت :)

التاني في حدود 165

و التالت في حدود 250 ج

لكن لما سألت ع اخر اتنين قالي الفرق بين الاتنين صناعة فقط
معرفش هم 2 بستم و لا 1 بستم زي الاولاني و فرق صناعة
و الـ2 بستم بيكون اقوي من 1 بستم في النفخ و بالتالي اسرع

لقيت برده نفس الانواع في التوفيقية لكن سعرها اقل في حدود 20 ج و واقفين بيها ع الرصيف كمان

بس متفرحوش

لو فيه حاجة ممكن او انسي يرجعهولك

اما الميزة في كارفور حسب كلام خدمة العملاء فترة 14 يوم في حالة انه مش شغال ترجعه
و انا بعتبر الـ10-20 زيادة دول بدفعهم ضمان لو مش شغال اقدر ارجعه او اغيره

اما في محلات الكماليات برة هتلاقي الاسعار ع حسب كل واحد بمزاجه


طبعا في اشكال و الوان و انواع من المنفاخ و ع حسب يعني ارخصهم ده مجرد واحد معدن من جوة و الغطا من برة بلاستيك و تحس كأن جرار شغال يتحط في الولاعة يشتغل و تشيل الفيشة
فيه بقي الاقوي و فيه اللي بتظبطه ع ضغط معين و بعدين يفصل و فيه و فيه بس كله بتمنه قد يصل لـ600 ج و غالبا مش هتلاقيهم هنا و تجيبهم من برة

نيجي للقطعة التانية المكملة للمنفاخ من وجهة نظري

هو مقياس هوا الكاوتش

فيه اللي بمؤشر زي اللي مع بتوع الكاوتش و ده بيبدأ من 7 ج
و فيه ديجيتال و ده من 15 ج و انت طالع و اعتقد كان راديو شاك فيه واحد في حدود 60 ج كويس بس الكلام ده من سنة او سنتين مش فاكر

بس نصيحة جيب اي نوع ديجيتال كويس بلاش ابو مؤشر لأنه مبيديش قراية صحيحة دايما

هتيجي الناس تسألني ع المقياس اللي في المنفاخ
ده بمؤشر لكن مش دايما بيدي قراية صحيحة برده
فالحل حاجة من الاتنين يا تجيب مقياس كويس زي اللي ذكرتهم
ياما الحل التاني تروح مكان فيه منفاخ هوا ديجيتال و تظبط الكاوتش ع 30 و بعدها في ساعتها تجيب المنفاخ و تحطه ع البلف و تشوف القراية هتكون كام لو عداد المنفاخ سليم هتلاقيه 30 لو ادالك قراية مختلفة اذن احفظ ان القراية ديه يعني 30 و لما تنفخ الكاوتش بالمنفاخ في اي لحظة توصل لحد الرقم اللي بيدل ع 30 و تفصله :)

طبعا المنفاخ ده للطوارئ فقط او ضبط الضغط في حدود درجتين يعني لا يعتمد عليه بشكل كامل الا لو انت فاضي و عشان تقوم عجلة نايمة ع الارض هتاخد وقت طويل لأنه ضعيف برده و الحل زي مقولت فوق انك ترفع العربية شوية بالكوريك اهو احتياطي لو مش هتقدر تغير الاستبن او مفيش بتاع كاوتش و الاستبن نايم او مش موجود
و انا جايبه احتياطي مش اكتر لاني بستخدم نيتروجين نظرا لأنه بيريحني فترات طويلة لكن مخلي الكومبرسو مجرد احتياطي :)

و ان شاء الله قريبا انتظروا تقرير مصور عن جميع الادوات بالاسعار و الاماكن :)

بالتوفيق للجميع