لـمـن يـبـحـث عـن مـنـفـاخ كـاوتـش الـسـيارة علي الـولاعـة

**Amr Axel** · 12-08-2013 11:44 PM

المشاركة الأصلية كتبت بواسطة michohat

كنت دورت قبل كده وجمعت معلومات عن المنفاخ ده
اللي عاوز حاجه قوية يأكد ع البياع ان المنفاخ ع بستمه معدن او حديد ولا بالونه

العمر الافتراضي للبستم المعدني طبعا اكبر من البالونه وخصوصا مع الركنه لاننا مش هنستخدم المنفاخ كل يوم ده فين وفين

فاللي عرفته ان افضل واحد اللي هو فيه 2 بستم ووزنه تقيل شوية وصورته تشبه دي

في الخليج بيسموه ابو جمل لان الشنطه عليها رسمه جمل

عن نفسي جبت منفاخ بالرجل ب 20 جنيه وشايلة معايا للطوارئ

حجمه مش كبير و سهل التعرف ع اعطاله ولو مش شغال بيبان

تمام يا باشا هي اي حاجة تسعف بس وقت الزنقة

**Amr Axel** · 12-08-2013 11:46 PM

المشاركة الأصلية كتبت بواسطة tmz9111

هو بينفع ساعات وقت اللزوم بس لا يجب الاعتماد عليه بشكل كامل

ده صحيح بس بالنسبة للاقوي زي 2 بستم يمكن الاعتماد عليه دائما
لكن 1 بستم ضعيف يا دوب تزويد او اتزنقت بس تاخد فترة و ترفع العربية :)

**Amr Axel** · 12-08-2013 11:48 PM

المشاركة الأصلية كتبت بواسطة ahmedhilmy

انا كمان بحط نيتروجين بس فعلا كلامك سليم احيانا بتنزل تلاقي العجله علي الارض و ساعتها هيبقي مفيش فايده من النيتروجين و لا غيره ده نهيك انه برده ثواب مع جار زميل في الشغل حد عطلان علي الطريق

بس خلي بالك في موضوع النتيروجين انك تملي من مكان موثوق منه لأن اماكن كتييير بتحط هوا ع انه نيتروجين و احيانا بيكون الفلاتر متغيرتش و بالتالي نسبة النيتروجين مش كبييرة كالعادة
و فعلا بينفع في مساعدة الاخرين :)

**Amr Axel** · 12-08-2013 11:52 PM

المشاركة الأصلية كتبت بواسطة #maam#

مشكور على المعلومات المهمة ده وان شاء الله هنزل ادور على واحد واجيبة لأنه مهم جدا فعلا

تمام يا باشا في انتظار التقرير عن المنفاخ :)

**mesaharaty** · 13-08-2013 10:18 AM

أنا باستعمل المنفاخ أبو دواسة ، كنت شاريه من التوفيقية بـ 20 جنيه من سنة كده وفعلا هو بينفع وأنا استعملته كذا مرة بنجاح لكن هو بياخد وقت وجهد شوية لكن بيسعف لحد أقرب بتاع كاوتش ، وطبعا سيبك من العداد بتاعه لأنه لما بتكون عطلان فمش وقت ضبط مقاس ده وقت إسعاف لغاية أقرب حد يصلح الكاوتش .

**Amr Axel** · 13-08-2013 07:57 PM

المشاركة الأصلية كتبت بواسطة michohat

المنفاخ بتاعي اللي بالرجل استخدمته امبارح
طلع ضعيف و الدواسة اللي بضغط عليها اتنت تحت رجلي
ودي تاني مره استخدمه
مشيت بالعربية لحد اقرب بتاع كاوتش وصلحت الكاوتش
واستعدلت الدواسة واهه شغال

اعتقد الأفضل تجيب اللي بيشتغل ع الولاعة اسرع من اليدوي
و ممكن تخلي اليدوي بقي في الحالات الطارئة لو افترضنا البطارية مش شغالة

**Amr Axel** · 13-08-2013 08:03 PM

المشاركة الأصلية كتبت بواسطة mesaharaty

أنا باستعمل المنفاخ أبو دواسة ، كنت شاريه من التوفيقية بـ 20 جنيه من سنة كده وفعلا هو بينفع وأنا استعملته كذا مرة بنجاح لكن هو بياخد وقت وجهد شوية لكن بيسعف لحد أقرب بتاع كاوتش ، وطبعا سيبك من العداد بتاعه لأنه لما بتكون عطلان فمش وقت ضبط مقاس ده وقت إسعاف لغاية أقرب حد يصلح الكاوتش .

كلام سليم بس زي مقولت اللي ع الولاعة افضل و اقل مجهود بالاضافة ان عداده بيكون مظبوط و ده عن تجربة فعلا مش كلام ظبط الكاوتش نيتروجين ع 30 و قيست في نفس الوقت بالمنفاخ اللي ع الولاعة و المقياس قرايته مظبوط اما لو الضغط اقل من 15 مش هيقرا او مش هتشوف المؤشر بيتحرك اوي يعني زي نطرة خفيفة هتوضح انه اقل من 15

**Amr Axel** · 13-08-2013 08:04 PM

المشاركة الأصلية كتبت بواسطة s o p h o s

شوفته فهايبر
وفعلا فكرت فيه

طب يلا شد حيلك يا باشا و انزلنا بالتقرير :)

الموضوع: لـمـن يـبـحـث عـن مـنـفـاخ كـاوتـش الـسـيارة علي الـولاعـة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تـحـسـين عـازل الـصـوت و الـحـرارة في الـسـيارة

الكلمات الدلالية لهذا الموضوع

المفضلات

المفضلات

ضوابط المشاركة