الموضوع: استفسار عن سوائل العربية

المية لازم تطمن عليها قبل كل مشوار تعمله
اما باقى السوائل فا لازم تكون بين الmin &max

فيه قربة الميه (اول صورة) و ديه لازم تكون عند علامة الماكس و بتتملى على حسب لون الميه يعنى اخضر او احمر و فيه قربة المساحات و ديه يفضل انها تكون على الماكس لكن ممكن بين الماكس و المينى و قربة زيت الفرامل (اخر صورة ) و ديه برده تكون على الماكس و اخيرا مقياس الزيت و يكون بين الماكس و المينى و يفضل انه يكون على الماكس و بالنسبة لصيانة الالف عادى وقت ما العربية تكملهم بس يستحسن انك تكملهم فى مشوار واحد

المشاركة الأصلية كتبت بواسطة mafify

المية لازم تطمن عليها قبل كل مشوار تعمله
اما باقى السوائل فا لازم تكون بين الmin &max

يا باشا انا متشكر جدا علي سرعة ردك

المشاركة الأصلية كتبت بواسطة aymanshebl

فيه قربة الميه (اول صورة) و ديه لازم تكون عند علامة الماكس و بتتملى على حسب لون الميه يعنى اخضر او احمر و فيه قربة المساحات و ديه يفضل انها تكون على الماكس لكن ممكن بين الماكس و المينى و قربة زيت الفرامل (اخر صورة ) و ديه برده تكون على الماكس و اخيرا مقياس الزيت و يكون بين الماكس و المينى و يفضل انه يكون على الماكس و بالنسبة لصيانة الالف عادى وقت ما العربية تكملهم بس يستحسن انك تكملهم فى مشوار واحد

بصراحة رد تفصيلي شكرا ليك جدا

انهاردة ببص علي القربة لقيت الماية نزلت تحت ال min وده من غير ما العربية تتحرك
هل ده معناه ايه ان القربة نفسها اللي بتسرب لان لحد علمي ان دورة المياة مش بتبدا غير لما الموتور يدور
ولا ممكن يكون حاجة تانية بتسرب

انا ان شاء الله هوديها التوكيل بس لما الاجازة تخلص كل سنة وانتم طيبين

اكشف على دورة مياه التبريد ضرورى علشان تعرف التسريب منين

آسف لتاخير ردي
قبل ما اروح التوكيل زودت الماية الخضراء لحد الماكس و رحت التوكيل وجالي امر الشغل و قبل ما يبدأوا في حاجة بصيت لقيت الماية زايدة عن الماكس بحاجة بسيطة ، في اعتقادي لان العربية كانت لسة سخنة ودورة المياة سخنة وزي انتم عارفين ان التمدد بيزيد مع السخونة
المهم معني كده ان الماية منقصتش خلال المشوار كله ، وان الماية في الاغلب نقصت مرة واحدة
المهم بعد العربية ما دخلت بحوالي نص ساعة الفني قاللي المشكلة اتحلت وقاللي ان الكوليهات كانت عايزة تتربط او يتأكد عليها

طبعا انا عملت نفسي فاهم :d زي ما انتم عارفين انا مليش في الكلام ده ... فياريت لو حد يفيدنا ايه هيا الكوليهات دي ؟ (بتاعت العربية مش اللي عند الجواهرجي :)

شكرا مقدما