الموضوع: زيت موبل مع ام 11

المشاركة الأصلية كتبت بواسطة hemaa_82

واضح انك مبتسمعش اعلانات الواد بولة .....مش قالك الزيت اللي يبنزل نضيف يبقي وحش علشان مبيغسلش المكنة و بيسيب هباب الحريق علي البستم و السلندر و ده غلط والصح زي عندك كدة ان الزيت يغير لونه علشان يغسل المتور



.... اما بقي موضوع الفروق في الزيوت ... انا مختلف مع استاذ </B>abdulhafeez في ان عادي احط 5w-50 بدل 5w-40 ... ليه بقي؟؟؟؟

اولا هو بيحاول يوضح ان الارقام دي الحرارة اللي بيعمل عندها الزيت او زي ما شرح و قال -الرقم الصغير يدل على اقل درجة يعمل فيها الزيت .....

والرقم الكبير يدل على اعلى درجة حرارة يعمل فيها الزيت ...-

انا اللي اعرفه ان ده معامل اللزوجة و ان اللي مع w ده اللزوجة في الدرجات الباردة " والمتور بارد" و ان الرقم الكبير هو اللزوجة في درجات حرارة التشغيل الطبيعية للمتور ...

و تغيير الزوجة من 40 الي 50 اكيد هيهدي صوت المتور بس علي حساب المعاناه اللي عيعانيها البستم في نزوله و طلوعة غير انه هيبقي حمل زايد علي طرمبة الزيت المجهزة للتعامل مع لزوجة 40 و اذ فجأة بقت مجبرة تضخ لزوجة 50 ...
و علشان كده بنقول مفيش مشكلة اصغر الرقم الصغير اللي مع W لانه كده كده لا يؤثر في المتور و هوة سخن بالعكس ده هينتشر اسرع والعربية باردة ... و حتي لو زاد لحد ما يوصل لقيمة الرقم الكبير مش مشكلة برضه لان الرقم الكبير هوه الرقم اللي المتور هيتعامل معاه و هو سخن ...

انما كل الخطورة في تغيير الرقم الكبير اللي هوة 40 ... لان لو صغرته يبقي هيسلخ المكنة ... و لو كبرتة هيتقل المكنة ...


زي النصابين اللي يجي يبيهوا عربية مفوتة و يحطولها زيت ريسورس اللي هوا اصلا زي السيرم او اساس الزيت "اصنص بالبلدي" فتلاقي كبس المكنة المفوتة زاد و بقي جميل ... انما حبة لحد ما الزيت يتبخر و البس بقي المتور المفوت من الاخر و حسب علمي الضعيف

احنا عربيتنا في الكتالوج 10w-40

ينفع نحط:-
5w-40
0w-40
15w-40
20w-40
حتي لو 40w-40 بس وقتها لازم نسخن الاول لحد ما الحرارة تطلع لل90 و بعدين نمشي

انما غلط تماما نحط 10w-35 او 10w-45
اتمني اكون وضحت قصدي

طيب انت بتحط ايه دلوقتى ترشح ايه مزبيل ولا شيل ولا نشوف الحجات المستوردة زى وولف وكاستول وفالفولين والكود بتاعهم بيكون 40w5

المشاركة الأصلية كتبت بواسطة hemaa_82

انا كنت ماشي موبيل مع توحة لحد ما الضمان بخ ...و في ال 50 حطيت شيل ال 5w-40 بس مش حاسس بالواااااااااو.......ولا اي اندهاش ....صوت العربين وطي من 10 الي 9.9

الطلعة الجاية ممكن اجرب مستورد من بتوع ال17 الف كيلو و اشوف

يعنى رايك نخليا ع موبل وخلاص ومش نغير لشيل اصل ف ناس كتير بتقول احسن وناس بتقول لا مش احسن انا كنت نويت اغيرلة بس بعد تجربتك دى هفكر تانى

وكنت عاوز اسال كمان ع موضوع الكاتينة هل السير اللى بيركب ف التوكيل كويس وبيمشى ل 40 الف ولا لا
لان شفت ناس غيرت السير وبعد 10 الاف اتقطع وعمل مشاكل فياريت حد يطمنا ف موضوع السير دا لانه حساس جدا

الموضوع ده حلو جدا و فى معلومات رائعه
http://www.nilemotors.net/Nile/345341-a.html