ياريت حد من اصحاب اللوجان يرد عليا ضرورى

**محمد عز** · 11-09-2008 12:33 PM

انا بفكر اشترى اللوجان او الكليو ومحتارة بينهم مش عارفة الكليو اضمن لانها متجربة فعلا ولا اجيب اللوجان وهى برضه كويسة انت شايف ايه فى استخدامك ليها ولو جبتها اجيب النص كماليات ولا الكاملة وبالنسبة للصاج بتاعها والفبر اللى فيها ايه نظامه (انا اتفرجت عليها وعجبتنى بس مش قادرة اقرر ومش عارفة كده الصاج كويس ولا ايه وكمان انا استغربت لانى ملقيتش فيها حاجة بتفتح تانك البنزين والشنطة من جوه!!!)............ ياريت تفيدنى ضرورى لانى لو حجيب الكليو لازم يبقى بسرعة علشان قبل 2009 ما تنزل وتبقى ب 90 الف...

هم الاتنين قريبين اوى فى الشكل ولكن اللوجان اوسع داخليا
كتكنولوجيا الكليو متقدمة عن اللوجان
لكن ده يدعو للاطمئنان لان كلما قلت التكنولوجيا فى عربيه كلما قلت مشاكلها

الحقيقة انا مشفتش اللوجان على الطبيعه

لكن اى الخيارين سيكون موفق باذن لله ، ولكنى اثق فى الكليو اكثر

**hobby10** · 11-09-2008 02:24 PM

شكرا على ردك يأستاذ محمد بجد شكرا على اهتمامك....
انا ان شاء الله غالبا حجيب اللوجان لانها واسعة وشنطتها كبيرة وشكلها عاجبنى وبيقولوا ان صيانتها وقطع غيارها حتبقى ارخص من الكليو لانهم منزلنها علشان تنافس فى السوق لان الكليو كمان حتغلى وحيغروا شكلها 2009 (انا بدور على الكليو كمان 2008 ومش لاقياها فى المعارض فى الاسكندرية علشان حتى اتفرج عليها من جوه ) عموما ربنا يكرم ........... ولو حد من مالكى العربية يتكرم علينا ويقولنا عاملة ايه معاه ولو كان شاف منها عيوب ولا لأ يبقى ياريت وحيساعدنى كتير ..... وان شاء الاستخارة معانا اكيد...

شكرا

**mohamedesmail81** · 14-09-2008 11:14 AM

يا جماعة اللوجان بجد عربية محترمة جدا والحمد لله ..انا لسه مستلمها من 10 أيام تقريبا وخلصت التليين بتاعها والحمد لله مظهرش منها أى مشاكل خالص العربية واسعة من جوة ( عائلية 100% ) وكمان شنتطها كبيرة اووووووووىالسحب بتاعها كويس جدا وصوتها ناعم واستهلاكها للبنزين معقووول جدا اما بالنسبة للثبات فهو ممتاز جدا ( عايز أقولكم انى سافرت بيها اول ما خلصت التليين وكنت ماشى على 120-140 كم/ساعة وكان فى منحيات فى الطريق بس بجد مكنتش حاسس انى جايب السرعة دى كنتت حاسس كأنى ماشى على 80 أو 90 يعنى العربية كان ناعمة وراسية جدا والحمد لله ) بجد اللى بيفكر يجيبها يتوكل على الله ويجيبها بس انا رأييى ان الأوروبى يبئا أحسن من المغربى حتى لو أغلى شويه أصل بصراحة أحنا عمرنا ما سمعنا عن المغرب دى فى مجال السيارات

**itsonlyme** · 14-09-2008 03:05 PM

المشاركة الأصلية كتبت بواسطة mohamedesmail81

يا جماعة اللوجان بجد عربية محترمة جدا والحمد لله ..انا لسه مستلمها من 10 أيام تقريبا وخلصت التليين بتاعها والحمد لله مظهرش منها أى مشاكل خالص العربية واسعة من جوة ( عائلية 100% ) وكمان شنتطها كبيرة اووووووووىالسحب بتاعها كويس جدا وصوتها ناعم واستهلاكها للبنزين معقووول جدا اما بالنسبة للثبات فهو ممتاز جدا ( عايز أقولكم انى سافرت بيها اول ما خلصت التليين وكنت ماشى على 120-140 كم/ساعة وكان فى منحيات فى الطريق بس بجد مكنتش حاسس انى جايب السرعة دى كنتت حاسس كأنى ماشى على 80 أو 90 يعنى العربية كان ناعمة وراسية جدا والحمد لله ) بجد اللى بيفكر يجيبها يتوكل على الله ويجيبها بس انا رأييى ان الأوروبى يبئا أحسن من المغربى حتى لو أغلى شويه أصل بصراحة أحنا عمرنا ما سمعنا عن المغرب دى فى مجال السيارات

مبرووك عليك يا أستاذ محمد.
كلامك يشجع أوي. بس قلنا, أخبار السخونة والريحة الغريبة ايه؟

**mohamedesmail81** · 14-09-2008 04:06 PM

الريحة الغريبة خفت أوى أوى تكاد تكون راحت ...أما السخونة زى ما هى بس اللى عرفته من ناس كتير ان ده عادى وانها أحسن من عربيات تانية كتير لأن كل العربيات بتسخن كدا بس المهم متعديش النص بس انا مكنتش اعرف كدا من الاول

**hobby10** · 14-09-2008 11:52 PM

السلام عليكم
شكرا ليكم كلكم ياجماعة ويأستاذ محمد انت كلامك ريحنى جدا وطمنى اخيرا ان العربية الحمد لله كويسة وحتوكل على الله ان شاء اللخ واجيبها فى اقرب فرصة ان شاء الله .... بس ياريت تقولنا ايه اخبار التكييف مع السرعة والسحب ولو عندك فكرة ايه احبار الصيانات وقطع الغيار...... ومبروك عليك ويباركلك فيها يارب ان شاء الله.
شكراااا

**poopoo_966** · 15-09-2008 01:50 AM

رمضان كريم عليكم جميعا
يا ريت يا جماعه الاخوة اللى اشتروا اللوجان يدونا تفاصيل اكتر كماليتها ايه تكيفها البور بتاعها كهربا و لا هيدروليك الابواب كلها كهربا و لا الامام بس ايه الفروق الجوهريه بين الهاف 70 الف و الفول 75 الف كدة يعنى
وكل عام وانتم بخير