اجيال بتضيع

**mr.foxman** · 12-08-2013 08:16 PM

ده اللى وصلنا اليه السبكى وافلامه , صنع جيل السلاح الابيض والمطاوى والحشيش !!

بالفيديو.. شباب يرقصون بالمطواة أعلى كوبرى قصر النيل بعد مشاهدتهم فيلم «قلب الأسد»

‫بالفيديو.. شباب يرقصون بالمطواة أعلى كوبرى قصر النيل بعد مشاهدتهم فيلم «قلب الأسد»‬&lrm; - YouTube

نقول تاني
فين دور الاسره و البيت ؟
فين دور المدرسة ؟
فين دور المؤسسات الدينيه ؟
ياريت حد من الاخصائيين النفسيين يشرح لنا الموضوع و نلاقي حل
او نقط محدده نساعد بيها في حل هذه المشكلة

**mr.foxman** · 12-08-2013 09:04 PM

لاحظو

- حالق شعره نفس حلقة محمد رمضان
- لابس نفس البنطلون و قالع التي شيرت
- واقف يلعب بالمطواة على نفس الكوبري الي إتصور فيه المشهد

مش ناقص حاجة واحدة بس : - إن الدخلية تكرمه زى ما كرمت محمد رمضان

حسبي الله ونعم الوكيل

**rotanamasoud** · 12-08-2013 09:55 PM

اه انت بتغلط فى الناس دى
ده احلى جيل ده جيل المخدرات والشرب والنسوان هما دول اللى حيبنو مصر بحق وحقيقى
مش احسن ميبقو ارهابيين ويربو دقونهم
واحلى مقوله بتتقال على شعب مصر انه شعب متدين بطبعه بس شكله الدين الجديد زى بتاع تركيا تلاقى الواحده بتشرب خمره عادى وممكن تسقط اللى فبطنها عادى وبعد كده ممكن تقوم وتتوضى وتصلى ركعتين وده اسمه فصل الحرام عن الحلال دى نكره ودى نكره وعجبى

**#MAAM#** · 12-08-2013 11:20 PM

الفيلم ده انسب حاجة لجو البلطجة اللي احنا عايشين فيه ........ السبكي بيحاول يعمل الحاجة اللي الشباب الضايع والفاضي من جوه بيدور عليها وهو بيستهدف الشريحة اللي تحت العشرين في افلامه ....... السينما عموما بتعبر عن المجتمع والحالة اللي هو فيها دلوقتي .......... السبكي ربنا يهديه يارب

**mgheam** · 13-08-2013 04:24 AM

((لَقَدْ خَلَقْنَا الْإِنسَانَ فِي أَحْسَنِ تَقْوِيمٍ . ثُمَّ رَدَدْنَاهُ أَسْفَلَ سَافِلِينَ))
اعتقد ان هو ده اسفل سافلين وهو تخلي الانسان عن ادميته وتحولة لكائن اقل من مرتبة الانسان
احنا مش محتاج اخصائي نفسي
الشارع المصري بقى مليان اشكال زي دي عايزه دكتور بطري