تويوتا كرولا 1600 - لانسر شارك - هوندا سيفيك

**ams** · 04-09-2008 05:44 PM

اللى قلبه يرتاح لها يجيبها
ال 3 حلوين جدا
و مفيش اى مجال للحيره
يختار واحده اى واحده ويتكل على الله

**M_Abdallah** · 04-09-2008 06:32 PM

بالنسبة لللانسر شارك لو قصدك علي الموديل السبور
يبقي الأفضلية ليها عشان الكماليات انما لو الموديل الاتوماتيك العادي يبقي
السيفك احسن منها.

______________________
محمد عبدالله

**blazer** · 04-09-2008 06:52 PM

السيفيك اككككيد
كل عيوبها فى رائى ميزات
انها واطيه عن الارض دا عشان تبقى ثااااااااااااااااااابته جدااا على اى سرعه و فى المنحنيات
وحلها انك تحاول تتجنب انك تمشى فى مكان فيه مطبات كتير وانت محمل العربيه مسافر مثلا
انما فى الاحوال العاديه لو اتنين بس فى العربيه العربيه مش هتحك منك فى اى مطب
وعدم وجود اوبشن فى اسيفيك انت ممكن تركب زينون و اسبويلر و با كينج سينسور و كل دا مش هيكبفك 5 او 6 الاف جنيه الكماليات سهله
انما هوندا ممكن نقول انها مهتمتش بلكماليات فى حساب العربيه نفسها الماتور اقوى مايكون و العفشه حلوه جدااا
وقطع غيارها صحيح غاليه بس معمره لاقصى حد

**م/محمد صلاح** · 04-09-2008 08:03 PM

مش عشان انا معايا سيفيك هاقولك سيفيك ولكن هاقولك سيفيك لانى احترت نفس الحيره وفى الاخر جبت السيفيك

**khpopo** · 04-09-2008 08:30 PM

سيفيك مليون المية حتى لو بتلحس المطبات وممكن تتضبط شوية ..عربية ستايل من كل الاتجاهات ومعمرةةةة جداااا وخصوصا الجديدة دة رياضية والتوكيل جيد جدا على حد علمى
وربنا يوفق

سبحان الذى سخر لنا هذا وماكنا لة مقرنين وانا الى ربنا لمنقلبون

**som3aa** · 06-09-2008 02:26 PM

رايى بلاش اللانسر , عربية اقل منهم كلهم, الكورولا ممكن يستنى 2009 و يشترى الفتيس الاوتوماتيك مش الmmt لو عاجبه شكلها من بره و جوه
السيفيك حلوه اوى شكلا بس عيبها الoptions , فاضية تماما لا جنوط و فرش عادى مش جلد و كدا و واطية على الارض بس افضلها عن الكورولا و اللانسر اولا لانها فئة اعلى منهم و اغلى منهم بره مصر و ثانيا شكلها حلو اوى و عربية شبابية جدا و قوية جدا (بس مش 140 حصان الكلام دا نصب) لو متقبلها بدون كماليات يشتريها علطول.

**Kamal-1** · 07-09-2008 06:06 PM

(بس مش 140 حصان الكلام دا نصب)

هو ليه الناس ماسكة في هوندا كده طب ما كل توكيلات مصر بتكتب القدرة الاجمالية للموتور يعني كورولا مش 142 والالنترا مش 121 والتيدا مش 118
اشمعنى يعني السيفيك اللي ماسكين قوي فيها ؟؟؟؟؟؟؟؟؟؟ كل التوكيلات بتكتب القدرة الاجمالية للموتور عشان تبيع :cuss:

نرجع لموضوعنا :smile:

سيفيك يعني سيفيك
على فكرة احنا كنا محتارين بين الكورولا والسيفيك وبصراحة بعد ماركبت الكورولا وطبعا انا راكب سيفيك بصراحة حاجة تانية
وزي ما قولت يا جماعة خلي السيفيك جاية من غير اوبشنز حط لها انت الاوبشنز يعني تعال نحسب السعر برضه

143000 ثمن العربية
2000 كشافات شبورة
900 زينون كشافات شبورة
520 زرارير تحكم في الساوند ( بتركب في الدكسيون )
550 سماعات خلفية
1200 جنية فرش جلد
1200 جنيه زينون
3500 جنوط
يعني الاجمالي تقريبا 152870 جنية نقدا شفتوا بقى يعني تقريبا بتمن الشارك الاسبورت وبتمن الكورولا

وطبعا انت كده كسبت فرق جودة وخامات وموتور وكل حاجة لصالح الهوندا
هتقوللي العربية واطية هقولك الحلو ما بيكملش :d مع اني شايف انها ميزة كويسة وفي المطبات ابقى بالراحة شوية

**blazer** · 08-09-2008 02:05 AM

المشاركة الأصلية كتبت بواسطة Kemo0o

هو ليه الناس ماسكة في هوندا كده طب ما كل توكيلات مصر بتكتب القدرة الاجمالية للموتور يعني كورولا مش 142 والالنترا مش 121 والتيدا مش 118
اشمعنى يعني السيفيك اللي ماسكين قوي فيها ؟؟؟؟؟؟؟؟؟؟ كل التوكيلات بتكتب القدرة الاجمالية للموتور عشان تبيع :cuss:

نرجع لموضوعنا :smile:

سيفيك يعني سيفيك
على فكرة احنا كنا محتارين بين الكورولا والسيفيك وبصراحة بعد ماركبت الكورولا وطبعا انا راكب سيفيك بصراحة حاجة تانية
وزي ما قولت يا جماعة خلي السيفيك جاية من غير اوبشنز حط لها انت الاوبشنز يعني تعال نحسب السعر برضه

143000 ثمن العربية
2000 كشافات شبورة
900 زينون كشافات شبورة
520 زرارير تحكم في الساوند ( بتركب في الدكسيون )
550 سماعات خلفية
1200 جنية فرش جلد
1200 جنيه زينون
3500 جنوط
يعني الاجمالي تقريبا 152870 جنية نقدا شفتوا بقى يعني تقريبا بتمن الشارك الاسبورت وبتمن الكورولا

وطبعا انت كده كسبت فرق جودة وخامات وموتور وكل حاجة لصالح الهوندا
هتقوللي العربية واطية هقولك الحلو ما بيكملش :d مع اني شايف انها ميزة كويسة وفي المطبات ابقى بالراحة شوية

هو دا الكلام الصح 100%
ويمكن كمان تركب باركينج سينسور و سبويلر قول 1500 كمان
يعنى الحسبه 154370
ويمكن تطلع اقل من كدا
(الجنوط 3500 (اكيد هيبيع القديمه و يدفع الفرق يعنى ممكن تقل 1500 جنيه تقريبا ))

**abou_ruqi** · 08-09-2008 03:09 PM

اتفرج علي التوقيع بتاعي

**abo samra** · 08-09-2008 03:26 PM

ارشحلك الكورولا عربيه عمليه جدا واثبتت وجودها واكثر انتشارا من السيفيك
السيفيك عربيه جميله بس انا ابتعدت عنها لعدة اسباب منها انها واطيه قوى ودى مش هتنفع هنا فى مصر
suspenation بتاعها مش مريح يعنى ناشف ومش مرن على المطبات
والفرامل فيها اقل من الكورولا بكتير وعن تجربه
وحضرتك حاول تحدد انت عاوز ايه من العربيه اظن لو حضرتك هو بيدور على عربيه العمر يبقى كورولا بدون تفكير لانها ببساطه افضل استثمار