تويوتا كرولا 1600 - لانسر شارك - هوندا سيفيك

**mokhtar** · 08-09-2008 07:50 PM

هوهدا سيفيك طبعا ملهاش حل موتور وجيربوكس روعه ده غير شكلها الفضائى وثباتها

..mokhtar..

**the_first_knight** · 08-09-2008 09:20 PM

هوندا سيفك طبعا طبعا يا باشا

**the_first_knight** · 08-09-2008 09:22 PM

السيفك الجديدة دي فئة تانية لواحدها خالص
دي تتقارن بعربية ألماني
ما ينفعش تتقارن بموديل ياباني تاني

**mtema99** · 09-09-2008 10:53 AM

معرفش والله انا شايف ان الكورولا من الامام و الجانب مش وحشه

هي اه وحشه من ورا و لازم يتصرفوا في اي حاجه من ورا بس بردك ورا بيقى مقبول مع الالوان الغامقه

و من الداخل تقليديه بس اكثرهم تكنولوجيا

**Chicco** · 09-09-2008 07:18 PM

المشاركة الأصلية كتبت بواسطة som3aa

السيفيك حلوه اوى شكلا بس عيبها الoptions , فاضية تماما لا جنوط و فرش عادى مش جلد و كدا و واطية على الارض بس افضلها عن الكورولا و اللانسر اولا لانها فئة اعلى منهم و اغلى منهم بره مصر

سمعة باشا ..السيفيك و الكورولا و الانسر (و الالنترا و مازدا ٣... الخ) نفس الفئة بره مصر و اسعارهم متقاربة جدا :)

**Hosam_Optrawy** · 14-09-2008 01:50 PM

لو لازم واحده فى دول يبقى
Lancer Ex

**zizophone** · 22-09-2008 06:52 PM

أي حد يقلك غير الهوند سيفيك يبقي مشفهاااااااااااش ولا ركبهااااش

**Hossam_Zaky** · 23-09-2008 05:57 PM

السلام عليكم
انا جديد في المنتدي لكن معجب به جدا و بالناس الحلوة اللي فيه
انا عملت المقارنة دي من شهرين مع صاحبي و النتيجة انه جاب فولكس جيتا 2009 خليجي من ناشيونال موتورز
بس رأيي بالنسبة للتلاتة موضوع المقارنة ( بالتفكير مش بالمشاعر ) الأتي:
اللانسر ( مش بحب شكلها ) علي الرغم من الموتور 1500 لكن الفرق من الـ 1600 مش كتير أفضل عشان :
- بتبيع و مطلوبة في السوق
- صالونها واسع ( مش الأوسع )
- عالية عن الأرض
- كماليتها أكتر ( زي الزميل ما قال من زينون و سبويلر و كاسيت و خلافه )
- قطع غيارها أرخص و لسة حترخص أكتر عشان العربية بتنتشر جامد
- محدش اشتكي قبل كدة من لانسر ( علي قدر علمي والله أعلم )
- الميزة الغريبة اللي في اللانسر أن كل التجار بيستوردوها عشان مطلوبة ده = قطع غيار اسهل و صيانة أسهل و كمان كماليات متباينة من مستورد للتاني يعني خيارات أوسع في الشراء
الكورولا تصنيع جنوب افريقيا زي ما احنا عارفين اكيد هي كويسة بس بدايتها عيب الفتيس المشهور و متعرفش فيه ايه بعد كدة
الهوندا ( بحب شكلها جدا ) جودة عالية جدا بس واطية جددددددددا علي الأرض ( عن تجربة ) و شنطتها مش الأوسع و كمان كماليتها أقل ( حتي الكاسيت سماعات أدام بس ) و سعر اعادة البيع ؟
في النهاية أحب أضيف خيار رابع ( عن تجربة )
( مازدا 3 ايرو أو سبورت ) عربية تحفة و جودة عالية جدا جدا بمستوي الهوندا و مميزة عشان مش أي حد بيشتريها بس ابتدت الناس تعرفها و تطلبها و برة في أوروبا بتتقارن ب الجيتا و كماليتها كتير و أهم حاجة سونستا متبنيها و عاوز يعمل لنفسه كيان كبير بها يعني حيعتني بها
عيبها أن الصالون أضيق من اللانسر شوية و شنطتها كبيرة بس فتحتها ضيقة و هي مش بعلو اللانسر بس مش واطية زي الهوندا لو النقاط دي متفرقش معك حتكون اختيار كويس
أسف علي الأطالة بس اتمني أكون أفدت أي حد

-

مشاهدة نتائج الإستطلاع: ما هى عربية العمر بالنسبة لك؟

الموضوع: تويوتا كرولا 1600 - لانسر شارك - هوندا سيفيك

LinkBack

أدوات الموضوع

عرض

-

-

-

المواضيع المتشابهه

## مطلوب كرولا أو لانسر شارك##

لانسر شارك ولا هوندا سيفيك

تويوتا كرولا 2007 ولا لانسر 1600 موديل 2007

مطلوب هوندا سيفيك أو تويوتا كورولا أو ميتسوبيشي لانسر من موديل 95-2000 و الدفع كااش

تويوتا كرولا 1600 cc ولا لانسر بوما 1600 cc

الكلمات الدلالية لهذا الموضوع

المفضلات

المفضلات

ضوابط المشاركة