زعلان من نفسي أوي

**kareem_eg** · 18-08-2013 02:29 PM

قدر الله و ما شاء فعل .. و اظن دفنها كانت خطوة حلوة و تدل علي احساس حضرتك بالذنب ..
و احب احيي حضرتك علي ضميرك .. عشان مبقاش موجود في معظم البلد !

**Elawany13** · 18-08-2013 02:34 PM

ياريت فى مصر نتعامل مع بعض بنفس الطريقة ونحترم الحياة ولا نزهق الأرواح أو نشجع على القتل وحق الموتى فى الدفن قبل تعفن جثثهم وحرقها بنفس رحمتك فى تعاملك مع العصفورة

**swimmer25** · 18-08-2013 02:45 PM

المشاركة الأصلية كتبت بواسطة janagabr

بارك الله فيك تانيب ضميرك دليل علي صفاء وصواب نفسيتك
انا مرة شوفت قطة ومعاها عيالها نايمة جنب كاوتش عربية جارنا من ناحية الرصيف يعني مش نايمة تحت العربية لقيت جارنا بعد ما فتح باب العربية وحط الشنطة بتاعته جواها نزل وبدون مقدمات قام شايط بالشلوط القطة بعيلها وهما نايمين
انا ممسكتش نفسي وروحت جبت لبن بخيره وحطيته في علبة فاضية واديته للقطط
المشكله اني بتخيل نفسي مكان القطة الام وواحد شاطني انا بلشلوت فبضايق جدا
جاري بطلت اسلم عليه ولا اقوله السلام عليكما فالراجل بيقولي انت مبتسلمش ليه عليا
قولتله عشان اللي انت عملته في القطه قالي ايه المشكله ما هما كده كده مسير عربية تدوسهم
قولتله صراحته بفكرك ده انا لا يشرفني معرفتك ولا اني انزل لمستواك فانا ارقي من ان اتعامل معك
المهم الراجل اشتكاني للحج والحجة بس برده مبسلمش عليه
ههههههههههه

طبعا غلط جدا اللي جارك عمله
كان ممكن لو قرفان منها أو خايف من أمراض يزقها برجله بالراحة او يلبس كيس في إيديه ويشيلها علي جنب.. خلي بالك بردو ممكن يكون عنده رحمة وإلا كان طلع وداسهم ومهموش

حاول تصالحه وتفهمه غلطه بالراحة إنها مأذتوش عشان يعاملها كدا
وذكره إن لو هو قادر عليها فالله هو اللي أعطاله القدرة دي وممكن العاطي يعطي قوة أكبر لمخلوق أخر فيفعل به ما فعل بها
وذكره بالرحمة عليها وإن السبب اللي هو قاله ده دليل ليه هي مستخبية جنب العجلة هي وولادها بتحمي ولادها عشان محدش يدوسهم
وقوله لو هو قرفان منها يعمل إيه لأنها في الأخر مخلوق وأكيد ربها له حكمة في خلقها

بلاش تقطع صلتك بيه ممكن نصحه يجيب نتيجة أحسن

**وائل شويخ2** · 18-08-2013 09:30 PM

المشاركة الأصلية كتبت بواسطة swimmer25

السلام عليكم يا شباب
بعاتب نفسي جامد جدا بسبب موقف حصلي اليوم
وانا في مشوار الشغل وداخل قبل الشغل يمين عشان أدخل البارك بتاع الشغل بعد كدا ..كنت مزود سرعة فمخدتش بالي وخبطت عصفورة في مساحة العربية ووقعت علي الأرض
العصفورة لمحتها بالظبت وهي قدامي جاية من ناحية الشمال لأن قايم العربية الشمال كان حاجب الرؤية في المنطقة دي
بس بسبب سرعتي وتركيزي في الطريق مخدتش بالي منها والقايم ساعد في ده
السرعة مكنتش كبيرة ..كنت ماشي مثلا 40-50 وكنت بزود بنزين
حصل في جزء من الثانية عدت العصفورة من قدامي وخبطت في المساحة اليمين وطارت من فوق العربية ووقعت علي الارض..مش عارف إزاي ده حصل مع إن العصفورة أصلا طايرة بسرعة

مقدرتش اقف وضميري أنبني فرحت لافف وداخل مبني الشغل مليت مياه لأني مكنش معايا مياه ..قلت أروح ابص عليها يمكن المياه تساعد لو لسه عايشة

أخدت المياه ورجعتلها وركنت علي جنب
لقيتها مرمية علي الاسفلت جنب الرصيف عينيها مفتوحة بس مفيش دم
شيلتها علي الرمل عشان محدش يدوس عليها وقعدت ارش عليها مياه كتير ومفيش حركة لحد ما تخيلت إنها كدا خلاص ماتت
جت في بالي في لحظة قصة الغراب وقابيل وهابيل
جبت مفتاح العجل وحفرت بيه حفرة في الرمل وانا مش عارف ادفنها إزاي..ففتحت الموبايل وجبت برنامج الصلاة وحددت إتجاه القبلة ودفنتها في الرمل بحيث إن بطنها وراسها يكونوا في اتجاه القبلة
ردمت عليها بس كنت زعلان جدا وكنت بصب عرق وأصلا الجو نار
وبعدين للحظة قلت مش يمكن لسه عايشة...بس معتقدش عنيها كانت مفتوحة ومفيش اي حركة

وانا بركب العربية سمعت صوت زقزقة عصفورة من فوقي..فبصيت علي نخلة في نص الطريق مفيش حاجة.. أنا سمعت الصوت بس
قعدت أبص عليها علي النخلة مش موجودة خالص

تخيلت زي ما تكون بتناديني وتعاتبني أو واحدة من أهل العصفورة بتناديني وتعاتبني
تفكيري إتشل خالص وبعدين إفتكرت إني رايح الشغل فمشيت

مش عارف اللي عملته ده صح ولا إيه ؟

أنا كنت هعيط والله
أنت قلبك طيب أوى

شوف بئى لما تقتل أنسان ممكن تنام
الأنسان بئى رخيص أوى

**#MAAM#** · 18-08-2013 11:17 PM

جزاك الله خير ياريت كل واحد يبقى في قلبه الرحمه بالحيوان والطير والبني ادم طبعا ........... بارك الله فيك ياانسان

**aldesha989** · 19-08-2013 08:19 AM

حصلى نفس الموقف بتاعك ده بس فى قطه وانا كنت ماشى على البحر وكنت بسرعه حوالى 60 او 50 مش متذكر
وفجأه لقيت قطه بتجرى على البحر من الجزيره وعايزه تعدى للجزيره التانيه وانا شوفتها وهى بينها وبين العربيه اقل من خمسين سنتى ودوست فرامل على قد ما قدرت لدرجه ان العربيه زحفت زحفه وبرضه دوست عليها بالعجله اللى ورا

كنت مخنوق جدآ برضه ولكن انا ماكنش قصدى وضميرى عذبنى كام يوم لحد ما قولت قدر الله وما شاء فعل وانى المفروض ازعل لو انى قاصد اعمل كده لكن اكيد ماحدش فينا قاصد يعمل حاجه زى دى

وربنا يجازيك خير على اللى عملته انا ما عرفتش ارجعلها لانى لو حاولت كنت همدد جنبها لان ماحدش بيعرف يتحرك على البحر عندنا كله بيختبر التوب سبيد بتاعت العربيه بتاعته

ما تزعلش نفسك

تعالى شوف سواقين التويوتا على الصحراوى

كنت راكب مره عربيه تويوتا صحراوى مصر اسكندريه واذ فجأه ديب

الراجل اللى جنب السواق بيقوله في ايه قاله عصفوره ضربت فى الكبوت

والسواق ولا حصله اى حاجه ولا اتهزت فيه شعره

ياريت كان كلنا عندنا دم فى كل حاجه وكنا بنحس ببعض اوى كده بدل ما نموت مئات كل يوم ونحرقهم ونعذبهم ونشوههم ونمثل بجثثهم

حسبنا الله ونعم الوكيل

والحمد لله ان لسه فى بنى ادمين عندها دم وضمير

**swimmer25** · 19-08-2013 12:09 PM

شكرا لكل اللي شاركني زعلي وخفف عني بكلماته
فعلا أنا بستغرب جدا لما الواحد فينا بيزعل علي حيوان ضعيف كدا..إزاي ناس تانية بتقتل ولا حتي تجرح إنسان وتنزل منه قطرة دم واحدة
لا حول ولا قوة إلا بالله

الموضوع: زعلان من نفسي أوي

LinkBack

أدوات الموضوع

عرض

-

-

-

-

-

المواضيع المتشابهه

أنا زعلان

زعلان

نفسي .. نفسي .. نفسي .. نفسي اروح اسكندرية

بجد زعلان

بجد نفسي نفسي في ورشة فيها الاتي

الكلمات الدلالية لهذا الموضوع

المفضلات

المفضلات

ضوابط المشاركة