زعلان من نفسي أوي

**swimmer25** · 18-08-2013 12:11 PM

السلام عليكم يا شباب
بعاتب نفسي جامد جدا بسبب موقف حصلي اليوم
وانا في مشوار الشغل وداخل قبل الشغل يمين عشان أدخل البارك بتاع الشغل بعد كدا ..كنت مزود سرعة فمخدتش بالي وخبطت عصفورة في مساحة العربية ووقعت علي الأرض
العصفورة لمحتها بالظبت وهي قدامي جاية من ناحية الشمال لأن قايم العربية الشمال كان حاجب الرؤية في المنطقة دي
بس بسبب سرعتي وتركيزي في الطريق مخدتش بالي منها والقايم ساعد في ده
السرعة مكنتش كبيرة ..كنت ماشي مثلا 40-50 وكنت بزود بنزين
حصل في جزء من الثانية عدت العصفورة من قدامي وخبطت في المساحة اليمين وطارت من فوق العربية ووقعت علي الارض..مش عارف إزاي ده حصل مع إن العصفورة أصلا طايرة بسرعة

مقدرتش اقف وضميري أنبني فرحت لافف وداخل مبني الشغل مليت مياه لأني مكنش معايا مياه ..قلت أروح ابص عليها يمكن المياه تساعد لو لسه عايشة

أخدت المياه ورجعتلها وركنت علي جنب
لقيتها مرمية علي الاسفلت جنب الرصيف عينيها مفتوحة بس مفيش دم
شيلتها علي الرمل عشان محدش يدوس عليها وقعدت ارش عليها مياه كتير ومفيش حركة لحد ما تخيلت إنها كدا خلاص ماتت
جت في بالي في لحظة قصة الغراب وقابيل وهابيل
جبت مفتاح العجل وحفرت بيه حفرة في الرمل وانا مش عارف ادفنها إزاي..ففتحت الموبايل وجبت برنامج الصلاة وحددت إتجاه القبلة ودفنتها في الرمل بحيث إن بطنها وراسها يكونوا في اتجاه القبلة
ردمت عليها بس كنت زعلان جدا وكنت بصب عرق وأصلا الجو نار
وبعدين للحظة قلت مش يمكن لسه عايشة...بس معتقدش عنيها كانت مفتوحة ومفيش اي حركة

وانا بركب العربية سمعت صوت زقزقة عصفورة من فوقي..فبصيت علي نخلة في نص الطريق مفيش حاجة.. أنا سمعت الصوت بس
قعدت أبص عليها علي النخلة مش موجودة خالص

تخيلت زي ما تكون بتناديني وتعاتبني أو واحدة من أهل العصفورة بتناديني وتعاتبني
تفكيري إتشل خالص وبعدين إفتكرت إني رايح الشغل فمشيت

مش عارف اللي عملته ده صح ولا إيه ؟

**mh3** · 18-08-2013 12:24 PM

انت مكنش قصدك فما الك بيس اللي يمشي وقول ما يشوف كلب وقطه يزود عشان يخبتهم حسبنا الله ونعم الوكيل في كل من يقتل حيوان متعمدا

**hugan** · 18-08-2013 12:29 PM

ماتحاولش تحمل نفسك ذنب بدون داعي
قدرا انت خبطت العصفوره بدون قصد
لا قدر الله ممكن تخبط انسان ويموت
مش عصفوره
طالما مفيش نيه
يبقي قضاء الله
في موقف اسواء من كده حصل معايا من حوالي اسبوعين
بعد الفطار
رايح واجب عزاء
والعربيه كانت مركونه اكتر من اسبوع
المهم نزلت ودورت العربيه
واتحركت علشان امشي
سمعت صوت مواء قطه ضعيف
رجعت بالعربيه للخلف ببطيء
لقين قطه كانت مخلفه 3 قطط صغيره
واستغلت ان العربيه مش بتحرك من اسبوع
ونامت تحتتها هي ولادها
كانت النتيجه ان واحده من القطط 3الصغيره ماتت
والله العظيم ضمير انبني جامد
لكن قولت انا مش قصدي اني اموتها
لحد امبارح العربيه بردو مركونه من اول يو م العيد
لقيت نفس القطه الام
ومافضلش معاه غير قطه واحده من ولادها
ليه
لاني لقيت قطه تانيه من ولادها ميته تحت العربيه
طبعا القطه التانيه اللي ماتت مش انا اللي دوست عليها

**swimmer25** · 18-08-2013 12:42 PM

المشاركة الأصلية كتبت بواسطة hugan

ماتحاولش تحمل نفسك ذنب بدون داعي
قدرا انت خبطت العصفوره بدون قصد
لا قدر الله ممكن تخبط انسان ويموت
مش عصفوره
طالما مفيش نيه
يبقي قضاء الله
في موقف اسواء من كده حصل معايا من حوالي اسبوعين
بعد الفطار
رايح واجب عزاء
والعربيه كانت مركونه اكتر من اسبوع
المهم نزلت ودورت العربيه
واتحركت علشان امشي
سمعت صوت مواء قطه ضعيف
رجعت بالعربيه للخلف ببطيء
لقين قطه كانت مخلفه 3 قطط صغيره
واستغلت ان العربيه مش بتحرك من اسبوع
ونامت تحتتها هي ولادها
كانت النتيجه ان واحده من القطط 3الصغيره ماتت
والله العظيم ضمير انبني جامد
لكن قولت انا مش قصدي اني اموتها
لحد امبارح العربيه بردو مركونه من اول يو م العيد
لقيت نفس القطه الام
ومافضلش معاه غير قطه واحده من ولادها
ليه
لاني لقيت قطه تانيه من ولادها ميته تحت العربيه
طبعا القطه التانيه اللي ماتت مش انا اللي دوست عليها

لا حول ولا قوة إلا بالله
إنما الأعمار بيد الله

**swimmer25** · 18-08-2013 12:44 PM

المشاركة الأصلية كتبت بواسطة mh3

انت مكنش قصدك فما الك بيس اللي يمشي وقول ما يشوف كلب وقطه يزود عشان يخبتهم حسبنا الله ونعم الوكيل في كل من يقتل حيوان متعمدا

يقتل حيوان ومتعمد بدون سبب!
لا حول ولا قوة إلا بالله

**Ahmed Amin** · 18-08-2013 01:03 PM

المشاركة الأصلية كتبت بواسطة swimmer25

مقدرتش اقف وضميري أنبني فرحت لافف وداخل مبني الشغل مليت مياه لأني مكنش معايا مياه ..قلت أروح ابص عليها يمكن المياه تساعد لو لسه عايشة

أخدت المياه ورجعتلها وركنت علي جنب
لقيتها مرمية علي الاسفلت جنب الرصيف عينيها مفتوحة بس مفيش دم
شيلتها علي الرمل عشان محدش يدوس عليها وقعدت ارش عليها مياه كتير ومفيش حركة لحد ما تخيلت إنها كدا خلاص ماتت
جت في بالي في لحظة قصة الغراب وقابيل وهابيل
جبت مفتاح العجل وحفرت بيه حفرة في الرمل وانا مش عارف ادفنها إزاي..ففتحت الموبايل وجبت برنامج الصلاة وحددت إتجاه القبلة ودفنتها في الرمل بحيث إن بطنها وراسها يكونوا في اتجاه القبلة

أيه يا عم دا أنت هتخليني أعيطط,,

أنت قلبك أبيض وطيب وربنا هيكرمك إن شاء الله,,
وأنا والله زيك لما بيحصلي موقف زي دا بحس بالزنب وأبقي مضايق من نفسي,

بس أنت زي ما الأخوة قالو دا مكانش بيدك وأنت مكنتش متعمد تعمل كدا,
ومادام مانت كمان عارف كدا ومقتنع بأنك مكنتش متعمد تخبطة متشيلش نفسك زنب وتتعب أعصابك, وخصوصاً أنك رجعت وحاولت تساعدة.

بحييك علي أنسانيتك وربنا يستر طريقك وطريق المسلمين.

**swimmer25** · 18-08-2013 01:35 PM

المشاركة الأصلية كتبت بواسطة leitosr

أيه يا عم دا أنت هتخليني أعيطط,,

أنت قلبك أبيض وطيب وربنا هيكرمك إن شاء الله,,
وأنا والله زيك لما بيحصلي موقف زي دا بحس بالزنب وأبقي مضايق من نفسي,

بس أنت زي ما الأخوة قالو دا مكانش بيدك وأنت مكنتش متعمد تعمل كدا,
ومادام مانت كمان عارف كدا ومقتنع بأنك مكنتش متعمد تخبطة متشيلش نفسك زنب وتتعب أعصابك, وخصوصاً أنك رجعت وحاولت تساعدة.

بحييك علي أنسانيتك وربنا يستر طريقك وطريق المسلمين.

إحساسي بالذنب إني كنت بتسارع بدون تركيز إلا في الطريق قدامي لأن الشارع ده فاضي ومفيش أي حاجة بتعدي يمين أو شمال وصحرا علي الناحيتين وأنا سواقتي مش كدا
أنا سواقتي بركز في كل زوايا العربية لدرجة إني ببص علي كل المرايات حتي لو أنا عارف إني ماشي لوحدي علي الطريق ومفيش حاجة ورايا وقدامي لمسافات بعيدة جدا
شكرا لتهدئتي وأنا أسف إني زعلتكم بس ده درس ليا إن فيه مخلوقات تانية حوالينا لازم نعمل حسابها ومادمنا معانا نعمة زي العربية (دابة) يبقي لازم نركز جدا وإحنا بنستخدمها في كل الأوقات بدون إستهتار

**د.عماد صلاح** · 18-08-2013 02:11 PM

يا اخي و الله البلد لسه فيها ناس بتحس لسه فيها ناس عندها ضمير لسه فيها ناس عندها قلب
انت زعلت عشان عصفور و في ناس متهزتش عشان الالاف من البشر

الموضوع: زعلان من نفسي أوي

LinkBack

أدوات الموضوع

عرض

زعلان من نفسي أوي - انشر الموضوع فى :

-

-

-

-

المواضيع المتشابهه

أنا زعلان

زعلان

نفسي .. نفسي .. نفسي .. نفسي اروح اسكندرية

بجد زعلان

بجد نفسي نفسي في ورشة فيها الاتي

الكلمات الدلالية لهذا الموضوع

المفضلات

المفضلات

ضوابط المشاركة