مشكلة فى ريجاتا 1500 سى سى موديل 86

**بدر الجندى** · 18-08-2013 07:27 PM

السلام عليكم
يوم الوقفة لقيت العربية بتسخن جامد وكل ماازود القربة مياة ربع ساعة القاها خلصت المهم رحت للميكانيى قال المياة انخلطط بالزيت يعنى جوان وش السلندر ضرب المهم فك ووجد جوان وش السلندر سليم بس فية تاكل بسيط فى وش السلندر وخيرنى اشترى وش استراد ولا يودى الوش دا فى المخرطة يزود المهم العربية ركنت عندة لان كان صابح العيد المهم بعد انتهاء اجازة العيد راد المخرطة وظبط المسائل واشترى جوانات سواء لوش السلندر او الشوكمان وكوعة المياة والطبب
وركب واتصل بى قال تعالى جرب المهم ركبت ومشيت حوالى 4 كيلو الملاحاظات
قبل العطل السابق كانت موشر الحرارة عندى لايزيد عن 70 درجة بعدها تشتغل المروحة وتنزل الحرارة وهكذا وكانت لاتتعدى عن 70 درجة فى مؤشر التابلوة لكن بعد تركيب هذة الاشياء المؤشر زاد بقة من 80 الى 90يعنى الحرارة زادة عن الاول بحوالى 15 درجة واد بيططلب ان المروحة تفضل شغالة مدة طويلة طبعا قلت للميكانيكى على هذة الملحوظة قال بس جرب تانى وابقة بلغنى المهم اليوم مشيت بها حوالى 30 كيلو والوضع ثابت ومؤشر الحرارة يرتفع مابين 80 الى 90
فهل هذا طبيعى وهذة الحرارة مناسبة ولا فية حاجة غلط بصراحة انا خايف امشى بها ولا اروح تانى للميكانيكى واحد صاحبى قال لى ممكن تكون التكهات محملة ولا رايكم اه ارجو من حضارتكم الافادةوكل عام وانتم بخير
معزرة لطول الرسالة

**zastaffa** · 19-08-2013 03:37 PM

ياعم 80 و90 أيه بس اللي أنت شاغل بالك بيهم؟؟؟؟
انت أطلع بالعربية في طريق مفتوح وأوصل كدا لل100 وخليك دقيقتين تلاته ع السرعة ديه وشوف المؤشر هاينزل معاك والمروحة هاتطفي ولا لأ.....
دا غير طبعا أنك تتابع مستوي الميه أول بأول علي فترات متقاربة وكمان تقيس مستوي الزيت كل يوم الصبح بدري وتشوفه ثابت ولا بيزيد

**بدر الجندى** · 20-08-2013 09:50 PM

شكرا لك على الاهتمام اخى الفاضل zastaffa ان شاء الله اعمل بكلامك وابلغك بالنتيجة وكل عام وانت بخير

**بدر الجندى** · 21-08-2013 07:38 PM

انا جربت والحرارة نزلت لمعدلها اللى كانت علية من قبل بس فى السير البطيىء ترجع تسخن تانى بس انا لاحظت عيب تانى لما العربية بتسخن وبطلت عند مطب صعب انها تدور تانى تعتل لحد ماالبطارية تفضه بعد 5 دقائق لو دورت تدور عادى وعلى فكرة البطارية جديدة والمرش جديد مركبة من شهر وهذ العيب ايضا ماظهرش اللى بعد التصليحة الاخيرة رحت لكهربائى قال انت مغير سير الكتينة جديد قلت له نعم قال روح للميكانيكى تانى يظبط الشغل فهل هذا له علاقة بالعيب دة
وشكرا لك ارجو الافادة

**zastaffa** · 21-08-2013 09:41 PM

طالما التعتيلة بتحصل وهي العربية سخنة بس يبقي سير الكاتينة والتقسيمة كمان بريئة
بس عاوز أسئلك عن وضع المؤشر في نفس اللحظة اللي العربية فيها بتعتل...ها بيكون قايس عالي ولا لأ...عشان نقدر نعرف أذا كان ده بسبب سخونة زايدة من الماتور ولا مجرد عيب مارش
وبعدين أنت ماقولتش يامعلم ظروف الحرارة جوا البلد وفي عز الزحمة والأشارات أيه؟؟؟ يعني المؤشر أخره بيجيب كام في عز الضهر والزحمة والمشي البطيء؟؟؟؟
عاوزك كمان الصبح بدري والعربية باردة خالص قبل ماتدور تشيل الغطا وتملي ميه ع الأخر وخوش جوا وعينك علي الراديراتير وأبتدي دور وشوف الميه ثابته ولا هاتننطر لفوق...عشان بس نتأكد أن الجوان تمام ومابيهربش كبس الماتور

**zastaffa** · 21-08-2013 09:44 PM

خلي بالك لو الماتور بيسخن جامد هايشغل المروحة كتير وبالتالي لو العربية بطلت منك هاتقرفك عبال ماتدور لحد مالحرارة تنزل والمروحة تقف والبطارية بعديها بدقيقة أو أتنين تلحق تلقط نفسها

**بدر الجندى** · 22-08-2013 02:48 PM

المؤشر بيكون مابين 70 و80 عادى ولما دورت العربية اليوم فى الصباح وشلت غطاء القربة المياة ثابته عادى لايوجد بها نطر ولا شي ورحت اليوم للميكانيكى يدوب اخر كهربته شوى وقال جرب انا شاء الله اروح مشوار طويل واجرب واشوف وابلغك بالنتيجة ان شاء الله وشكرا لك على اهتمامك