عربيتى مركونة فى التوكيل من سنة و 9 شهور

**bmya** · 19-08-2013 03:30 AM

طيب وانت راكنها ليه في التوكيل

**Amr_tika88** · 19-08-2013 08:17 AM

ربنا يعوض عليك بس احنا كلنا لازم نتضامن ضد اللي بيحصل في التوكيلات في مصر وسرقتهم عيني عينك ده غير ان العربيات دي بيدفع فيها شي وشويات من ترخيص وقطع غيار وغيره لازم كلنا منسكتش علي اللي بيحصل ده ونصعد الموضوع هنا في نايل موتورز

**eng.octooo** · 19-08-2013 09:19 AM

لو حد يعرف صحفي او حد في جريدة كبيرة ياريت يقولي وانا اقابلة واديلة الورق الي معايا وننشر الموضوع اكتر

**Ahmed_selmy** · 19-08-2013 11:33 AM

ربنا معاك .....

**kh_fawzy** · 19-08-2013 12:48 PM

حصلت فى عربيه عندنا الشغل انهم بوظوا الموتور لعربيه اكس ترل بس فى الاخر اتفقنا ان احنا نشيل نص التكلفه وهما نص التكلفه ودة كان بعد تدخل حمايه المستهلك

**مواطن مصرى** · 24-08-2013 02:27 AM

المشاركة الأصلية كتبت بواسطة eng.octooo

لو حد يعرف صحفي او حد في جريدة كبيرة ياريت يقولي وانا اقابلة واديلة الورق الي معايا وننشر الموضوع اكتر

ربنا يعينك و يصبرك و ينصرك على الحراميه دول

ارجو تبعتلى رقمك فى رساله خاصه و انا هاوصلك لصحفيين مش صحفى واحد

**مواطن مصرى** · 24-08-2013 02:32 AM

المشاركة الأصلية كتبت بواسطة eng f3lix

هو ده توكيل نيسان اللي الكل بيشكر فيه؟؟؟!!!!!!!!!

عز العرب عمره مايعمل كدة وانا اللي كنت فاكره اوسخ توكيل في الدنيا

باشا ... مفيش فى العالم (مش فى مصر او فى الوطن العربى) توكيل اقذر من عز العرب ..

عربيه نسيبى ستروين اكسارا بوظو الفتيس الاوتوماتيك بتاعها و هما بيصلحوا مشكله هايفه قوى فيه كان قالهم عليها فى الصيانه الدورية و لما راح يشتكى و لا نعرفك و الفتيس كان ثمنه 7000 ج باسعار سنه 2003 و المفاجأه ان الفتيس ده مش جديد و انما فتيس بايظ بتاع موديل تانى ... و المفاجأه الاكبر لما ساب العربيه فى التوكيل و رجع بعد شهر لقاهم راميين العربيه فى الهواء الطلق فى الخرابه اللى ورا المعرض و العربيه مخبوطه من الجنب و طبعا محدش يعرفك