مصر للتأمين

**leh l2** · 19-08-2013 09:28 PM

انا عربيتى عملت حادثه ونا مؤمن عليها ودتها لسمكرى بيتعامل مع التأمين وعمل المقايسه والمهندس جة شاف العربيه دلوقتى هو بيقولى
عايزنى انا اتعامل مع التأمين بشرط انى اكتب وصل امانه والعربيه تفضل عند لحد ماالشيك يتصرف وياخد حقو
يا اما انا احسبو وجيب كل حاجة وتعامل انا مع التامين وحسبهم
انتو اى رايكو ادفع انا وحاسب التأمين وله التامين هيغلبنى وله اخلى هو يتعامل
ملحوظة: انتو طبعا عارفين السمكريه الحاجة ام 5 قروش هيزود فيها عشان التأمين ال هيدفع
....ارجو الرد ضرورى

**NaderNabil** · 19-08-2013 09:35 PM

طالما الورشة دي بتتعامل مع التامين و هما اللي رشحوهالك يبقا مافيش ولا مليم تدفعه ولا اي حاجة انت تتحملها و مافيش حاجة اسمها تمضي وصل امانة او تدفع انت و تظبط مع التامين بعد كده...ده شغل نصب

ارجع لشركة التأمين تاني و بلغهم باللي حصل و شوف ردهم ايه

**M I D O** · 19-08-2013 10:28 PM

يا باشا التامين ملزوم يدفع كل مليم وانت متمضيش علي اي حاجة

**leh l2** · 20-08-2013 10:11 AM

المشاركة الأصلية كتبت بواسطة m i d o

يا باشا التامين ملزوم يدفع كل مليم وانت متمضيش علي اي حاجة

الف شكر لردك ياباشا
بس هو هيمضن حقو ازى لازم يضمن حقو والورشه دى مش تبع التامين التامين بيقولك شوف انت عايز توديها فين والمهندس يجلك يعملك المقايسه

**amr011111** · 20-08-2013 10:13 AM

المشاركة الأصلية كتبت بواسطة leh l2

الف شكر لردك .....
هو بيقولى ادفعلو العربيه هتكلف حوالى 7الاف جنيه ونااتعامل مع التامين والمقايسه معموله حوالى 20الف جنيه
فاأفترح عليا انى العربيه عليها قسط انا اوله بالفلوس دى

اسال فى دار الافتاء المصريه على الفلوس ديه الاول هتبقى حلال ولا حرام

**tutankhamoun** · 20-08-2013 04:32 PM

لو الورشة تبع شركة التأمين المفروض ما تدفعش غير نسبة التحمل بس .(مش بتكمل 300 جنيه )

لو أنت اللي أخترت الورشة
و شركة التامين وافقت على المقايسة
يبقى أنت هاتحاسب الورشة بالطريقة اللي تتفقوا عليها .
يعني تديله فلوس ......... أو تمضيله على ورق (دي حاجة بينك و بينه )

إنما لو الورشة تابعة لشركة التأمين ..... طبعا مش هاتدفع حاجة و هاتدفع بس زي ما قلتلك نسبة التحمل اللي بتكون 0.0004 % من قيمة الأصلاح .

أنا رأيي تروح لسمكري تابع لشركة التأمين أحسن و تريح دماغك .

**tutankhamoun** · 20-08-2013 04:36 PM

شوف مندوب التأمين اللي أنت عملت معاه الوثيقة و أستشيره
لو عايز حاجة بخصوص الشركة أو سمكري
قولي و أنا عارف سمكري كويس تبع مصر للتأمين موجود في منطقة الجيزة ... انا أتعاملت معاه شخصيا و هو كويس في الشغل بس لازم تكون مفتح و أنت بتتعامل معاه من ناحية الفلوس و ما يطمعش فيك بس كدا .
أنما كشغل هو كويس

**leh l2** · 21-08-2013 04:58 AM

المشاركة الأصلية كتبت بواسطة amr011111

اسال فى دار الافتاء المصريه على الفلوس ديه الاول هتبقى حلال ولا حرام

الف شكر لردك

**leh l2** · 21-08-2013 05:01 AM

المشاركة الأصلية كتبت بواسطة tutankhamoun

شوف مندوب التأمين اللي أنت عملت معاه الوثيقة و أستشيره
لو عايز حاجة بخصوص الشركة أو سمكري
قولي و أنا عارف سمكري كويس تبع مصر للتأمين موجود في منطقة الجيزة ... انا أتعاملت معاه شخصيا و هو كويس في الشغل بس لازم تكون مفتح و أنت بتتعامل معاه من ناحية الفلوس و ما يطمعش فيك بس كدا .
أنما كشغل هو كويس

انا ودتها لسمكرى ناس بتشكر فى والسمكرى بيتعامل مع تامين وودانى ل مندوب شغال معاه فى التأمين
راى حضرتك اعمل اى : اخلى هو يدفع طبعا مع كافه الضمانات عشان يضمن حقو اكيد لحد ماالشيك هيتصرف
وله ادفع انا ... ال مقلق منو التأمين ممكن يعمل اى ميدنيش فلوس دفعتها او يخصم مبلغ كبير اوى
تعبتك معايا ياباشا

الموضوع: مصر للتأمين

LinkBack

أدوات الموضوع

عرض

-

-

-

-

المواضيع المتشابهه

تجربتى مع مصر للتأمين

حد تعامل مع مصر للتأمين؟

حد تعامل مع مصر للتأمين؟

رويال للتأمين

الأهلية للتأمين

الكلمات الدلالية لهذا الموضوع

المفضلات

المفضلات

ضوابط المشاركة