الموضوع: ممكن حد يشرحلي الفتيس الاتوماتيك

المشاركة الأصلية كتبت بواسطة monamize4

هيا فعلا اراء ,,
و عشان كدا انا كتبت انها اراء
و مقولتش ان دى معلومات اكيدة او انها صح
و عاوز اقولك كمان ان المعلومات دى فعلا غريبة شوية و انا نفسى مستغربها

لكن قريتها قبل كدا سواء هنا او ف منتديات تانية و البعض من اصحاب الاراء دى ادعى انه قراها ف الكتالوج
فعلا مكانش المفروض انى الغبط الراجل معايا باستفسارات اعتقد ان دا مش مكانها لمناسب
اتمنى ان صاحب الموضوع الاصلى ميكونش مضايق

تحياتى لصاحب الموضوع الاصلى

أنا أتعجبت جداً برضه ولو زي ما بتقول وأنت مستغربها مكنتش واجب تقولها طالما مستغربها عشان متقلقش الراجل, خصوصاً أنو بيقول لسه جديد علي الفتيس,
وخصوصاً أكتر أنك كاتب رد حلو في الموضوع اللي أنت حاطط لي اللنك بتاعه دا بتاع زيت ال CVT,

فأزاي تعرف كويس كدا عن الفتيس ال CVT ومتقباش عارف إن مفهوش مفهوش غيارات ثابتة ونقلات وأنو متغير,
وأن ال Ds نمط سواقة ومش تغير من غيار لغيار,

مع العلم إن حتي في الاوتوماتك العادي اللي فيها نقلات PRND321 أو ال تيب ترونيك, لما بتيجي تنقل فيهم لا بتدوس فرامل ولا بتشيل رجلك ولا أي حاجة من الأراء دي بتتعمل ولا منطقية,
عشان كدا أنا كنت مستغرب أنك كاتبها,,

وأكيد أبويوسف مش مضايق ويارب يكون أستفاد من النقاش,

المشاركة الأصلية كتبت بواسطة monamize4

الفكرة بقى ,, انى كنت بدور على حد فاهم يقول تفسيرات مقنعه بس اظاهر ان مفيش نصيب

أنا مش خبير في الفتيس ولا فاهم أوي, بس أنا عارف تصميم عامل أزاي من جوا, وهقولك اللي أعرفة من خبرتي المتواضعة,

تصميمه أسمه V-Belt بيحول الطاقة الهيدروليكية لطاقية ميكانيكية, ال Belt أو الحزام دا بيكون مربوط بين بكرتين,
البكرتين دول القطر بتاعهم متغير, في الجزء اللي متركب عليه الحزام علي حسب ضغطك علي دواسة البنزين البكرتين بيتحركو واحدة بتكبر وواحدة بتصغر
لما اللي واصلة بالكوبلن بيكون مش مضغوط عليها بتبقي في أقل عزم Low Gear زي اللي في الصورة وماشي بأقي سرعة زي الأول,
ولما بيضغط علي البكرة اللي واصلة بالكوبلن بيتخنق عليها وبتبقي في أعلي عزم High Gear وتاخد أعلي سرعة,

النسب دي بتتغير لما الحزام بيضغط علي البكر, ومالهاش نسبة ثابتة زي الفتيس العادي بيكون لكل غيار نسبة محددة ومش متغيرة.
المنطقة اللي راكب عليها الحزام عاملة زي القرطاس كدا, مش أعرف أوصف أحسن من كدا, بس هيا بتوسع ويتضيق, علي حسب ضغطك علي دواسة البنزين,, ودا اللي بيخلي الحزام يضغط علي البكرتين وواحدة توسع الخاصة بالفتيس والتانية تضيق اللي واصلة بالكوبلن.
كل ما العربية بتاخد سرعة والكوبلن يلف أسرع, البكرة اللي واصة له بيتضغط عليها, وتصغر زي ما تنزل من أكتر ترس عالي في العجلة السرعات بس سرعة أقل, لأصغر ترس بس بسرعة أعلي,

الصور دي من موقع How Stuff Works


[flash=http://static.ddmcdn.com/flash/cvt-compare-animation.swf]WIDTH=350 HEIGHT=400[/flash]


ودي كان شرح بسيط جداً ليه
As the two pulleys change their radii relative to one another, they create an infinite number of gear ratios -- from low to high and everything in between

دا اللنك
HowStuffWorks "Pulley-based CVTs"

أنا عارف إن شرحي أي كلام, وناقص كتير لسه يتوضح, بس دا كل اللي أعرفه عنه لحد دلوقت,
بس الخلاصة أنو مفهوش نقلات ولا تروس ثابتة زي الفتيس العادي بنسب ثاتبة,
هوا حزام وبكرتين متغيرتين وعدد لا نهائي من النقلات.
وإن شاء الله لو عرفت عنه أكتر هعمل موضوع عنه وأبقي أبعت لك اللنك.