الموضوع: اخيرا خلصت في بومه 2007 وركنت الوحش علي جنب

مبروك ياباشا و عنوان المتخصصون موجود في دليل محلات الصيانه و قطع الغيار المثبت في القسم و روح لهم و اعمل فحص شااااااااااامل و متحرقشي علي العربية في الطريق

ألف مبروك يابطل بس في حاجة مهمة جداً بانصح كل اللي يشتري عربية مستعملة قبل ماتمشي بيها غير سير الكاتينة (((هام جداً))) ((( مش عايز اقولك واحد صحبي ما سمعش نصيحتي حصل معاة ايه في عربية رينو كليو ؟؟؟))) وطقم بوجيهات سير الدينامو تيل الفرامل ((( تيل الفرامل حسب الحالة ))) زيت فتيس زيت موتور فلتر هوا فلتر زيت يفضل تغيير زيت الباور وزيت الفرامل وخلي بالك من نفسك يا جميل

معلش نسيت ضروري قبل الصيف صيانة الردياتير فك و تنظيف وتغيير المياة الانسر ميتها خضرة حاول تجيب حاجة نضيفة (( ولو ماء مقطر عالي النقاوة يكون حلو برضو بس من مصدر موثو ق منه ))

المشاركة الأصلية كتبت بواسطة David Micheal

الحمدالله اخيراااااااا جبت العربيه بعد تدوير مايقرب من سنه علي عربيه نضيفه و تكون مش عامله حادثه ولا فيها حاجة متغيره


الحمدلله اشتريت لانسر بومه 2007 1600 اتوماتيك خليجي فبريكا بره و جوه عداد 130 الف كيلو
ألف مليون مبروك تاخد خيرها ان شاء الله ويكفيك شرها
[/COLOR][/COLOR]وركنت بقي الوحش اللي تعب معايا سنين و سنين و لسه شغاله بالرغم من اني بقالي فتره ولا بغيرلها زيت ولا ببص عليه حتي ولا بهتم بيها خالص ولسه لحد دلوقتي عافيه و بتجري بي وبقالها معانا من ايام والدي كده بتاع 35 سنه و زياده و هي طبعا البيجو 504 موديل 73


ملاحظاتي علي اللانسر انه فعلان صوت الموتور بيكون عالي بس لما تضغط علي البنزين جامد و تبتدي تشد لكن لو ماشي هادي مش هاتسمع الموتور و لو قافل الازاز الصوت بيهدي برضوا
كلامك في محله
والعفشه ناشفه شويه بس انا برضوا بقول يمكن انا اللي سواقتي واحشه شويه و ماتعودتش علي العربيه لسه عشان انا في البيجو ماكنتش بقي اصلان ولا اهدي في المطبات كنت باخدها عادي خالص ولا يحصلها حاجة
العفشه ناشفه وحلها الكاوتش علي 30 ونيتروجين
انا بجد البيجو كان ممكن اطلع من فوق الرصيف و اعدي الناحيه التانيه عادي لا خالص ولا يحصلها حاجة


المهم بقي عايز نصايحكم بالنسبه للانسر الميه اللي بتتحطلها تكون ايه ؟ ميه خضرا ولا اجبلها ايه باظبط ؟
تغسل الريداتير وتحط ميه خضراء نوع نضيف ويستحسن موبيل
وزيت الفتيس الاصلي بتاع ال cvt اجيبه من فين ؟
زيت الفتيس موجود هنا اعلان لشركة في الصفحه ب300 جنيه بس هو في التوكيل ارخص اعتقد ب250 والجركن 5 لتر
وهو الطبيعي صحيح انه عداد الحراره يكون علي النص كده طول الوقت ولا ايه ؟
عشان انا كان معايا البيجو ممكن امشي بيها ساعتين ومافيهاش ميه و عادي جدا ولا تسخن ولا اي حاجة ؟؟
لا ده الطبيعي
تنك البنزين بتاع اللانسر كام لتر ؟ وهي بتاخد قد ايه في الطريق المفتوح و قد ايه في البلد جوه ؟
التنك 47 لتر والاستهلاك جوه البلد شديد شويه يعني الصفيحه من 160 -180 كيلو لكن علي الطوالي 200-220 وساعات أكتر
انا يا جماعه في الغردقة ونازل القاهره كمان 10 ايام رايكم اسافر بالعربيه و اغيرلها سير الكاتينه و البلي و الحاجات ديه في مصر ولا اعملها هنا في الغردقة و خلاص ؟
في دايموند هنا علي فكره بس خايف يطلع غالي
دايموند غالي هاتهم من التوكيل وركب بره وطبعا اكيد افضل قبل ما تسافر القاهره بس لو صاحبها راجل محترم وعرفت منه مغيرهم امتي خلاص متقلقش
اكشف عليها هنا و اشوف لو هايستحمل و لسه سليم يبقي اسافر بيها و اعمله في القاهره و خلاص
و معلش طلب اخير عايز عنوان المتخصصون اللي في القاهره انا سامع انه الناس بتشكر فيهم اوي


شكرا