أهلاً أبو يوسف
ممكن تنقل من D إلي Ds عادي وهيا ماشية,,
والعكس صحيح تنقل من Ds إلي D عادي وهيا ماشية,,
أو تطلع بأي واحد فيهم عادي,,
لأن دا نمط سواقة ومالوش تأثير علي الفتيس,
ال D هيمشيها عادي, بأقل أستهلاك للبنزين وأداء أقتصادي,
وال Ds هيمشيها بأداء رياضي شوية بيرفع معك عدد لفات الموتور بشكل ملحوظ عشان يديك سحب أعلي وأسرع وهيزود معاك أستهلاد البنزين.
ال L بقي اللي هوا أول نقلة من تحت دا تستعمله للمطالع فقط, لما يكون معاك وزن والعربية تقيلة علي D,, وبالمناسبة هوا الغيار الأول,, يعني زي الأول في المانيوال ومش بينقل من علي الأول,,
غير كدا غلط جداً أنك تنزل لل L وانت ماشي علي سرعة فوق ال 60 كيلو,,
وممكن تمور ال عربية وتجيبها علي N وهيا ماشية, وترجعها لل D تاني او ال Ds
لكن أحذر أنك تجيب العربية علي L وهيا ماشي أو ال P أو ال R
في ناس كتير أعرفهم بتبقي ماشية مستعجلة وتركن وهيا العربية بتتحرك لسه وحطها علي P
وهتسمع أحلي صوت تكسير جوا الفتيس,, ال P متحطوش غير والعربية واقفة زيرو ومرفوع فرامل اليد بتاعتها..
ولو واقف علي منزل أو مطلع متحطش ال P إلا اما تشد فرامل اليد وتكون قوية, وتتأكد أن العربية مش هتتحرك لما تشيل رجلك من علي الفرامل بتاعة الرجل, ساعتها تحط بيه.
لأن لو فرامل اليد ضعيفة, والعربية أتحركت علي ال P هتبهدلك الفيس من جوا.
أنا مش فاكر المكان بصراحة, بس هيا تقريباً قريبة من مقياس الزيت بتاع العربية,
دا مش طبيعي في الاوتوماتيك ومالوش علاقة بيه,,
دي كدا عفشة عايزة يتكشف عليها, في الغالب هيكون بيض المقص تحت, أو تيش الميزان أو البطاحات اللي ماسكة المساعد من فوق أول حاجتين تكشف عليهم,
المفضلات