سحب العربية ضعيف

**walidabc** · 21-08-2013 10:51 PM

السلام عليكم
انا عربيتي لادا ٢١١٠ انجكشن .... بقالي فترة بحس احيانا ان العربية مخنوقة و مش بتسحب بسهولة بمعني اني ادوس بنزين جامد مش بلاقي استجابة سريعة و الموضوع ده بيبان اكتر لو مشغل التكييف ساعات بتبقي بتزحف رغم ضغطي علي دواسة البنزين و ساعات تانية بتبقي كويسة خصوصا علي السرعة العالية علما بان العربية الحمد لله مش بتسخن خالص عن الطبيعي ... هل ده ممكن يكون عيب في طرمبة البنزين (مع اني مغيرها من حوالي شهرين) و لا الكهربا اللي واصلة للطرمبة مش تمام و لا يكون ايه بالضبط .. افيدوني

**ahmedalaahosny** · 22-08-2013 05:46 AM

طب جربت تحطها كمبيوتر وتكشف عليها؟ طب اخبار الدوارة الصبح وهى بارده ايه ؟ طب اخرمره غيرت طقم سرفيس كامل كان امتي ( يعني فلتر هواء وبنزين وتنظيف البوابه والحساسات والبويجهات ) ؟؟

**walidabc** · 22-08-2013 09:14 PM

الصبح بتدور علي طول و لكن بحس الحركة مش ناعمة لو اتحركت علي طول (بيبقي التقل واضح اوي و ساعات مش بلاحظه) ... فلتر الهوا و البنزين و البوجيهات مغيرهم من حوالي شهرين .... حساس الايدل و البوابة نظفتهم من حوالي شهر ..... الرشاشات نظفتها الشتا اللي فات
لو الطرمبة فيها مشكلة هل تظهر اذا عملت سكان علما باني عملت سكان لما نظفت حساس الايدل و البوابة (يعني اما المشكلة كانت موجودة) و لم يظهر اي عطل

**walidabc** · 22-08-2013 09:16 PM

لو الطرمبة فيها مشكلة هل تظهر اذا عملت سكان علما باني عملت سكان لما نظفت حساس الايدل و البوابة (يعني اما المشكلة كانت موجودة) و لم يظهر اي عطل

**ahmedalaahosny** · 22-08-2013 10:18 PM

طب ايه اخبار صوت الماتور وال ار بي ام ف القرص هل الموتور بيجعر ومافيش سحب او العربية بتبقى ضعيفة ف المطالع ؟ طب ماتبص على فلتر البنزين بصة صغيرة والبوجيهات مجرد بصة سريعة للتاكد وايه اخبار تقسيمة الكاتينة وظبطة التاكيهات
ياريت لو هتعملها سكان احسن واحد اسمه ( مركز الصفا ) ده ممتاز بشهاده اعضاء كتيير هنا

**ahmedalaahosny** · 22-08-2013 10:22 PM

عامة ممكن طرمبة البنزين نفسها يعنى قلب الطرمبة اللى بيكون مسئول عن ضخ البنزين وقلب الطرمبة او ممكن على فكرة تكون اسطوانة وديسك الدبرياج

**ahmedalaahosny** · 22-08-2013 10:23 PM

وياريت تراجع ع الشكمان بالمرة

**walidabc** · 22-08-2013 11:09 PM

المشاركة الأصلية كتبت بواسطة ahmedalaahosny

طب ايه اخبار صوت الماتور وال ار بي ام ف القرص هل الموتور بيجعر ومافيش سحب او العربية بتبقى ضعيفة ف المطالع ؟ طب ماتبص على فلتر البنزين بصة صغيرة والبوجيهات مجرد بصة سريعة للتاكد وايه اخبار تقسيمة الكاتينة وظبطة التاكيهات
ياريت لو هتعملها سكان احسن واحد اسمه ( مركز الصفا ) ده ممتاز بشهاده اعضاء كتيير هنا

لما بدوس بنزين احيانا مش بتستجيب علي طول و الار بي ام بيعلي ببطء ... في المطالع احيانا الخنقة بتبان اوي و تبقي العربية بتزحف رغم اني دايس جامد علي دواسة البنزين
التقسيمة شافوها في مركز خدمة لادا و قالوا تمام و كانوا عملوا سكان مكنش فيه حاجة (و لمبة الاعطال مكنتش نورت لكن امبارح نورت في نص مشاو و اطفت تاني من غير اي تاثير)
فين مركز الصفا ده؟

**ahmedalaahosny** · 23-08-2013 12:01 AM

راجع الموضوع ده ياباشا فبه وصف لمكان مركز الصفا بتاع صيانة الكاربراتير والانجكشن
http://www.nilemotors.net/Nile/223131-a.html

**walidabc** · 06-09-2013 12:27 PM

بعد ما غيرت فلتر البنزين و نظفت البوابة و الايدل و الرشاشات لم اجد اي فرق
لكن بعد ما غيرت موتور طرمبة البنزين (جبت واحد من غير ماركة ب ٩٠ جنيه) الحمد لله العربية بقت تشد ... يبدو ان الموتور القديم كان ضعيف
شكرا لاهتمامكم