الموضوع: سحب العربية بقى ضعيف ؟ اية الحل وفين المشكلة ؟

المشاركة الأصلية كتبت بواسطة ramymh

سؤال لكل اللى معاه نيسان صنى

أنا معايا صنى 2008 وبقالى حوالى شهر كدة حاسس ان سحب العربية ضعيف
يعنى بتخلص الغيار بسرعة وبتوصل لسرعة 100 كيلو بعد شوية

من الاخر سحب العربية أقل من الاول وانا شاكك فى فلتر البنزين

أية رايكو اعمل اية ؟

اخى الكريم


انا باستبعد ان البنزين يكون فيه مشكله

لان لو كدا هتلاقى العربيه بتنتش ويمكن توقف متمشيش دا لو البنزين فى مشكله او الفلتر مش نظيف مش هيخليها تمشى لغايه ماتوصل لسرعه 100 كم

اما اللى بتقوله حضرتك دا معناه ان العربيه مكتومه مبتسحبش وزى ماتكون متكلبشه مش عايزه تجرى

اى انه لايوجد استجابه للسرعه

ودى بتبقا مشكله كهرباء فاحتمال ان يكون البوجيهات فيها مشكله او احد البوجيهات هوا اللى فيه مشكله او يكون الانجكشن محتاج تنظيف

فى احتمال اخر لو عربيه حضرتك مانيوال ممكن تكون اسطوانه الدبرياج عايزه تغيير لانها بتأثر على سحب العربيه

انا خايف اقترح على حضرتك تروح التوكيل تكون سيادتك ممن يكرهوا التعامل مع التوكيل رغم انه افضل شئ حتى ولو كان غالى شويه

والله اعلى واعلم

لك كل الود والتحيه
.