أجمل معلومة لحل مشكلة غطاء بنزين البومة

**ehabahmedie** · 24-08-2013 01:59 PM

المشاركة الأصلية كتبت بواسطة محمود خيرى

على فكره انا لسه جايب السوسته ديه من التوكيل ب11 جنيه فقط لا غير

11 جنيه منين؟ أنا سألت عليها عند مجدي شاهين في اسكندرية وأنا عارف انه أغلى شوية من دياموند وقاللي ب 75، لو ب 11 تبقى أسهل للناس من الفكرة بتاعتي حتى لو هتتكسر تاني عشان فيها شغل يدوي شوية

المشاركة الأصلية كتبت بواسطة bassem_sams

بصراحه موضوع ممتاز لك انا محتاجه جدا و مش هعرف اعمله امبارح روحت امول بنزبن و انا بفتح بابب تانك لاقيت عامل استعجل و شده فكسرة بلاستكه اللى فى سوسته الى بتشبك ووقعت على ارض قولتله ليه كده قلى معلش حقك عليا و مردتش اتخانق فكنت عايز اعرف من حضراتكم هل ممكن الاقيها فى توفيقيه او اى محل فى مدينه نصر و لا لازم اروح توكيل و بالمرة الكفر البلاستك الخاص بلمبه صالون الاقيه فين علشان اطراف بلاستيك صغيرة مقطومه مش بيمسك و سعره كام تقريبا و على فكرة سوسته معايا هى حته بلاستك اتكسرت فتقريبا هنخرمها بشس مش عارف ازاى و شكرا

طالما معاك السوستة نفسها: ممكن حاجتين: تعملها حتة فيبر زي المشاركة دي
http://www.nilemotors.net/Nile/36610...post3875087641

أو تخرمها وتركبلها مسمار بصامولة 3 ميللي وتبقى ثابتة بشكل دائم، ولو حد عنده أفكار تانية يشاركنا بيها

**mostafaelhamzawy** · 25-08-2013 12:03 AM

المصري مصري فنان ومبدع وفي منتدانا حصري
احذروا ايها اليابانيون فالمصريون قادمووووووووووووووووووووو وووووووووووون

**S O P H O S** · 25-08-2013 12:12 PM

فعلا رائع

**Dragon78** · 25-08-2013 02:55 PM

أنا الحمد لله ماعنديش مشكلة الزرار ده في عربيتي لأنها لسه جديده

لكن أحييك على أفكارك والشغل الجميل ده .. وأحييك أكتر على مشاركتك لتجربتك عشان الكل يستفيد

ربنا يجعله في ميزان حسناتك .. اللهم آمين

تحيــــــاتي

**zico22a** · 12-09-2013 08:05 PM

فكرة جامد شكرااااااا

**eng_khokha** · 16-09-2013 10:26 AM

الله يانور عليك ياهوبه فعلا السوسته شغالة زي الفل وتمام

**saddam** · 16-09-2013 11:11 AM

صديقي المواطن
جهدك لا يكافيء حل المشكلة يعني إنت عملت كل ده عشان 75 جنيه الناس اللي بتعشق العربيات لا يمكن يعملوا زيك إلا لو كانوا قالولهم السوستة دي بألفين جنيه مش 75 جنيه ودمتم للنضال بالتوفيق

**salah_86** · 16-09-2013 11:24 AM

ممتاز واكتر من رائع انا اتكسر عندى الكليبس دا ولحمته مرة ورجع اتكسر تانى وانا كنت فى الحرفين من كام يوم ودورت على الكليبس مرضيوش يبوعهولى لوحدة لازم بالغطا فانا اشتريته بالغطا بغطا التنك كمان بس جبته بالحبل بتاعه اللى بيبقى مربوط بغطا التنك
ب 150 جنية

**ehabahmedie** · 17-09-2013 04:09 AM

المشاركة الأصلية كتبت بواسطة eng_khokha

الله يانور عليك ياهوبه فعلا السوسته شغالة زي الفل وتمام

أي خدمة يابشمهندس خالد......جبت سيرتك في الموضوع

المشاركة الأصلية كتبت بواسطة salah_86

ممتاز واكتر من رائع انا اتكسر عندى الكليبس دا ولحمته مرة ورجع اتكسر تانى وانا كنت فى الحرفين من كام يوم ودورت على الكليبس مرضيوش يبوعهولى لوحدة لازم بالغطا فانا اشتريته بالغطا بغطا التنك كمان بس جبته بالحبل بتاعه اللى بيبقى مربوط بغطا التنك
ب 150 جنية

طيب محاولتش تستفيد من الجزء الحديد في السوستة القديمة بإنه يركب بمسمار؟ كنت متخيل ان تصليح الفايبر حل المشكلة، معلش وربنا يعوض عليك ال 150 جندي

**ehabahmedie** · 18-09-2013 02:47 AM

المشاركة الأصلية كتبت بواسطة saddam

صديقي المواطن
جهدك لا يكافيء حل المشكلة يعني إنت عملت كل ده عشان 75 جنيه الناس اللي بتعشق العربيات لا يمكن يعملوا زيك إلا لو كانوا قالولهم السوستة دي بألفين جنيه مش 75 جنيه ودمتم للنضال بالتوفيق

أيها المواطن الكريم

اللي بيعشق العربيات هيعملها وبمزاج كمان، والمشكلة قديمة عند الناس بس محدش حاول يحلها حل نهائي "في نصف ساعة" بدل الناس ماتدفع 75 جنيه أو 150 في بعض الأحيان زي زميلنا المحترم salah_86

لو عندك المشكلة بس مش عارف تعمل السوستة ممكن تخلي حد يقرأ المشاركة ويعملهالك

ودمتم