خبراء التشطيب محتاج مساعدتكم

**BESO516** · 25-08-2013 06:36 PM

المشاركة الأصلية كتبت بواسطة salodas

باشا أنا مستلم الشقة على المحارة + حلوق خشب + وصلة الميا ه الرئيسية ... يعنى نصف تشطيب زيك بالضبط . الخلاصة أنى سلمت الشقة لمهندس ديكور (شركة تشطيب) وكنت بتابع معاهم طبعا عشان دى أزواق ..... واستلمت الشقة منهم على المفتاح .... تكلفة حوالى 150 ألف بدون عمواله المكتب 15 % .

تمام جدا ياباشا
انا فعلا واقع بين رأيين
واحد يقولى سلمها لمكتب هندسى واستلمها على المفتاح
والتانى يقول لأ لالالالالا اعملها انت احسن هتوفر نص اللى هتدفعه للمكتب وانت اوله

فمش عارف بصراحه

**salodas** · 26-08-2013 05:57 PM

ربنا يوفقك ....
شوف ظروفك وأحكم هتعمل أيه ..... أنا كنت بنزل مع المهندس مثلا نشترى السيراميك ... انا أختار زى الباشا وأدفع و هو ينقل ويطلع ويحاسب العمال بما يرضى الله طبعا ويركب سيراميك ويتابع عمال .... وأخيرا يسلمنى بند السيراميك زى الفل ... ولو فيه حاجة غلط يفك على حسابة .... كل البنود كده .... أقصد ان مهندس الديكور مسؤليه وراحة بال بالنسبة للباشا الى بيشطب .... لكن خد بالك انك هتدفع 15 % على كل حاجة ( المشتريات و النقل و التطليع والتركيب ) ..

**yaserbasha2000** · 26-08-2013 06:08 PM

حسب مستوي التشطيب

السوق فيه من 400 جنيه للمتر الي 1200 جنيه للمتر

**waleed alsudy** · 26-08-2013 09:52 PM

المشاركة الأصلية كتبت بواسطة beso516

ربنا يخلى حضرتك يابشمهندس
اكيد هتصل بحضرتك

بس انا اخدت بالى ان حضرتك من اسماعليه فهل المكتب هناك ولا هنا ؟؟

انا من الاسماعيلية والمكتب في الاسماعيلية لكن ليا شغل في القاهره والاسكندريه بردو يعني مفيش اي مشاكل
ممكن حضرتك تبقى تتصل بيا
واللي انت عايزه انا تحت امرك في اي استفسار

**hussein** · 26-08-2013 11:51 PM

سلمها لمكتب حد ثقة مجرب او تشوف كذا شغلانه هو عاملها وانت تشترى كل حاجه وهو ياخد مصنعيات و نسبة اشراف وتكون متفقين على سعر كل حاجه والنسبه قبل الشغل

**zangry** · 27-08-2013 12:20 AM

عندنا شقة 150 نصف تشطيب برضه متكلفة 85 الف جنيه احنا اللى عملناها من غير مهندس او مكتب

**mgheam** · 28-08-2013 03:06 AM

انا عندي شقة 120 متر
بشطب فيها حالياً لكن حالياً وصلت لمرحله (المحارة والخشب والكهرباء والسباكة)
طبعاً شقة حضرتك نص تشتطيب فمش هقدر افيدك لأني لسه لم انفذ اكتر من كده

لكن بشكل عام الاسعار زادت في كل حاجه
يعني في هنا عضو فاضل قال ان سلوك الكهربا حوالي 1000-1500 لشقة بمساحة 180 متر

شقتي اللى اقل من شقتك بنسبة كبيره اتكلفت سلوك اكتر من 2500 جنية

ياريت كنت اقدر افيدك اكتر

**Angel_wolf** · 02-09-2013 01:46 PM

انا شاكر لحضرتك جدا جدا جدا
انا فى حاجات كتيير كنت مش عارفها من اللى انت كاتبه ده فهمت وعرفت الدنيا ماشيه ازاى
وانا خدت الكلام ده كوبى و نزلته على النوت بتاعه الموبايل عشان الأنواع والأسعار اراجعها كبل شويه
وشكرا جدا مره تانيه على مشاركتك

العفو حضرتك تؤمر

**monorozgana** · 02-09-2013 02:00 PM

كلمني وانا هحاول افيدك علي قد ما اقدر انا باخد شغل تشطيب لناس بس انصحك شطب انت احسن وخاصة ان تحت ايدك الصنايعيه ةدي تقريبا اصعب حاجه ، المهم انت كلمني وانا هقولك اسعار المصنعيات والخامات ع قد ما اقدر افيدك ، رقمي 01144395000

**amrezzat82** · 03-09-2013 12:23 AM

التشطيب عملية متعبة جدا بس بتعلمك حاجات كتيرة قوي
ممكن تستعين بصنايعية كويسة بس لازم تكون على ايديهم برضه و ده يوفر و يطلع شغل كويس و حتدفع طبعا اقل كتير مقارنة المكاتب و المهندسين .
الخامات الكويسة أسعارها معروفة و ممكن تاخد لفة تسأل عنها و تنجز كتير
عند مترو العتبة حتلاقي الأسلاك و مستلزمات الكهربا كلها و لما يكون معاك صنايعي كويس حيفيدك برضه
الأسلاك تكون سويدي أصلي و الفيش و المفاتيح على زوقك من هناك أوتجيب ماركة ألف alf سعودي فى شركة مدينة نصر عندهك حاجات نضيفة جدا و مش غالية جدا مقارنة باللى فى السوق
مفاتيح اللوحة القواطع تكون من عند جيلا جنب مترو جمال مضمونة و مش غالية

المواسير كلها بننجر ألماني او الشريف من عند السلاب (مش حتتخم و تبقى ضامن انه أصلي ) و أرخص من محلات كتيرة
عزل الحمامات انسومات من عند السلاب برضه او من باب الخلق او السبتية
الخلاطات من عند السلاب او محجوب و بيعملوا خصومات كتيرة
السيراميك طبعا من السلاب او محجوب - أو لو ليك حوارات ترسا و عين شمس يبقى خلي بالك كويس
لما تبدأ فى التشطيب لازم يكون معاك سيولة عشان تعرف تخلص بند بند

الكهربا - 2500-3500 مصنعية و خامات 6000-8000
تأثيث السباكة 1000-1200 مصنعية و خامات 2000-3000 ( فنش 600 و الخامات على حسب زوقك 8000-15000

السيرامك 4000-5000 مصنعيات - خامات 15000-18000
المحارة و المصيص و الكرانيش 5000-8000
الدهانات 2000 - خامات 2000-3000
النجارة 1000 - و خامات 5000-15000

الموضوع: خبراء التشطيب محتاج مساعدتكم

LinkBack

أدوات الموضوع

عرض

-

-

-

-

المواضيع المتشابهه

إلى خبراء التشطيب (حد جرب لزق السيراميك)

خبراء الهوندا محتاج مساعدتكم أخوكم من قسم الرينو

الى خبراء الtorrents , محتاج مساعدتكم :)

محتاج مساعدتكم يا خبراء البيكانتو

الى خبراء الكماليات محتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة