اصعب اختيار في 2014 (( سكودا اكتافيا الجديدة )) او (( تويوتا كورولا الجديدة ))

**my3fox** · 15-10-2013 08:32 PM

طبعا أنا متفق معاكم إن اﻹسكودا A7 لا تقارن بالتويوتا بتاتا.
بس المشكلة إن ال A7 هي اللي نزلت نفسها لمستوي المقارنة مع التويوتا و الفوكس و الفلونس و ممكن كمان الكوري..... ده حصل ببساطة لما دخل في المعادلة الفتيس الجميل ال DSG.....
هو ده اللي نزل من ال A7 جامد...... و يا ريت محدش يقول أصله فتيس عاوز معاملة خاصة....الكلام ده ما ينفعش مع عربية ب 220 أو 270 ألف......
أي حد لو قلتله فتيس ممكن يعطل و يتغير بره الضمان ب حوالي 70 ألف ..... لا و كمان في وجود الوكيل أرتوك.... اللي لن يتواني إنه يلبسك المشكلة فورا.....ده من دلوقتي بيقول إن الفتيس بتاعه مفيهوش مشكلة....و المشكلة في الفتيس بتاع فولكس بس و هما ملهومش دعوة....تخيل الكلام ده..
هي دي المشكلة الوحيدة لل A7..... و مش حتكلم علي السعر مش موضوعنا....بس الأوروبي و الياباني معذور في السعر لما يلاقي الكوري نط بالسعر للدرجة دي.
المشكلة مش في الكورولا و الفوكس و لا الفلونس..... المشكلة في ال A7 نفسيها

Sent from my GT-I9300 using Forum Runner

**برنس الليالي** · 16-10-2013 12:00 AM

عندك حق هما نزلو الـa7 للكورولا 2014 بسبب سمعة الـdsg بس دي عربية ودي عربية تانية خالص

حضرات الافاضل اللي عملو تصويت للكورولا عملو التصويت دا لغرض انها اقتصادية وارخص وفتيس مافيهوش مشاكل

إنما اللي صوتو للـa7 دي الناس اللي عرفين ايه هي فعلاً الاوكتافيا بس بجد لا جودة ولا هاندلينج ولا اداء بشكل عام يتقارن مع الكورولا

واول عربية تتقارن بالـa7 هي البيجو 508 مش كورولا

بس لو صاحب الموضوع ناوي على الهايلاين من الاوكتافيا يبقى يخليه في البيجو 508 لو قلقان من الفتيس وعقله بيوديه ويجيبه

وربنا يوفقكم جميعاً

**mostafa magdy** · 16-10-2013 12:14 AM

والله انا كتبت كده فعلا
خليك في حاجه تانيه أجسن
و الفتيس الحقيقه في الاوكتافيا a5 أنا أهملته و مغيرتش زيت فتيس أكتر من مره و مع ذلك أتبهدل مني في أخر شهر من أستخدامي العربيه لمده 3 سنين
بيجو 508 تحفه بكل ما أوتيت الكلمه من معاني و طالما حضرتك بتفكر في أوكتافيا يبقي مش فارقه معاك التوكيل
ستروين c5 جميله برده
أسترا التربو

و ربنا يوفقك إلي أختيار صحيح

**عمرو سامي** · 16-10-2013 12:41 AM

ممكن حضرتك تفكر في السيتروين دي اس 5 او الدودج دارت عربيات ممتازة ونفس الفئة السعرية وميزة الدارت الصراحة انها safety يعدي ممكن ال316i فيها blind spot ... Rear cross path و حاجات تانية غير السكرين الكبيرة اوي

**عمرو سامي** · 16-10-2013 12:42 AM

وممكن تفكر في سوبارو اكس في لانها اعتمادية الكورولا + متعة السواقة + الارتفاع

**برنس الليالي** · 16-10-2013 03:31 AM

المشاركة الأصلية كتبت بواسطة mostafa magdy

والله انا كتبت كده فعلا
خليك في حاجه تانيه أجسن
و الفتيس الحقيقه في الاوكتافيا a5 أنا أهملته و مغيرتش زيت فتيس أكتر من مره و مع ذلك أتبهدل مني في أخر شهر من أستخدامي العربيه لمده 3 سنين
بيجو 508 تحفه بكل ما أوتيت الكلمه من معاني و طالما حضرتك بتفكر في أوكتافيا يبقي مش فارقه معاك التوكيل
ستروين c5 جميله برده
أسترا التربو

و ربنا يوفقك إلي أختيار صحيح

ماهو اي فتيس محتاج للعناية مش موضوع dsg وغيره لأ ...... الإهمال حيودي بينا لمصاريف جامدة اوي

المشاركة الأصلية كتبت بواسطة عمرو سامي

ممكن حضرتك تفكر في السيتروين دي اس 5 او الدودج دارت عربيات ممتازة ونفس الفئة السعرية وميزة الدارت الصراحة انها safety يعدي ممكن ال316i فيها blind spot ... Rear cross path و حاجات تانية غير السكرين الكبيرة اوي

المشاركة الأصلية كتبت بواسطة عمرو سامي

وممكن تفكر في سوبارو اكس في لانها اعتمادية الكورولا + متعة السواقة + الارتفاع

لو حنتكلم عن العربية بس بغض النظر عن المصاريف والاعتمادية ونظام التوكيلات وخلافة ...

يبقى الحاجات البارزة اوي في فئة الكورولا هايلاين هما استرا تربو والرينو فلوينس والفورد فوكاس تيتانيوم

وكمان السوبارو xv واحلاهم بالنسبالي هي السيتروين c5

إنما حرام نحشر مابينهم الاوكتافيا a7 حتى لو اول فئة خصوصاً انه بيتكلم عن نقطة تعدد الاوبشنز

**dr.amr** · 16-10-2013 06:01 PM

المقارنه ده حرام شرعا :d
انا معايا كورولا الجديده وفنتازيا
المقارنه ده تودي النار صدقوني :d

**Ahmed_Adham** · 16-10-2013 06:58 PM

المشاركة الأصلية كتبت بواسطة dr.amr

المقارنه ده حرام شرعا :d
انا معايا كورولا الجديده وفنتازيا
المقارنه ده تودي النار صدقوني :d

أرجوك تدلي بدلوك

**dr.amr** · 16-10-2013 11:16 PM

المشاركة الأصلية كتبت بواسطة ahmed_adham

أرجوك تدلي بدلوك

مفيش دلو ولا حاجه :d
الكورولا روعه
بس السكودا اعلي بفتره مش قليله بس كل ده بعيدا عن الفتيس ده في ايه 7

بالنسبه للفنتازيا الكورولا تتفوق في العزل بدرجه والوسع
لكن غير كده الفنتازيا اتقل وامتن واقوي
ده باختصار d:

**برنس الليالي** · 16-10-2013 11:19 PM

المشاركة الأصلية كتبت بواسطة Ahmed_Adham

أرجوك تدلي بدلوك

فرق حوالي 65 الف بين الهايلاين للكورولا والهايلاين للـA7 وانا منصحهوش بالـA7 اول فئة حرام مافيهاش اوبشنز

إلا في حالة لو الاداء يهمه والرفاهية ساعتها الردود حتختلف

انا بشوف الناس هنا لما تقارن بين عربيتين بيقارنو في نقتطين بس .. التوكيل وقطع غياره واعادة البيع

بس دي كدا مش مقارنة للعربيات ذات نفسها !!!!!!!!!!!!!!

انا لما اقول لحد قارنلي بين السوناتا والـ328i مثلاً حيقولي ادائها كذا وجودتها كذا وموتورها كذا وسحبها كذا إلخ...

إنما مش اعادة بيعها كذا وقطع غيارها كذا .. إلا في حالة لو بنقارن بين عربيتين من نفس الجروب يعني مش كورولا ياباني واوكتافيا الماني

عموماً لو غرضه الاداء والرفاهية بصرف النظر عن اي حاجة تانية يبقى الـA7 لا محالة إنما لو يهمه قطع الغيار والاقتصادية يبقى مافيش اي وجه مقارنة للكورولا مع الـA7

بص كدا على carbuyer و whatcar

مشاهدة نتائج الإستطلاع: تويوتا كورولا 2014 OR اسكود اكتافيا 2014

الموضوع: اصعب اختيار في 2014 (( سكودا اكتافيا الجديدة )) او (( تويوتا كورولا الجديدة ))

LinkBack

أدوات الموضوع

عرض

-

-

-

المواضيع المتشابهه

رسميا تويوتا تعلن عن كورولا 2014 الجديدة كليا تقرير كامل

تقرير كامل عن سكودا اوكتافيا 2014 الجديدة كليا

صور تويوتا كرولا 2014 الجديدة كليا

حصريا على نايل صور تويوتا كرولا 2014 الجديدة كليا من داخل معرض ديترويت

هل تصمد اللانسر الجديدة أمام أسعر تويوتا كورولا الجديدة؟!!

الكلمات الدلالية لهذا الموضوع

المفضلات

المفضلات

ضوابط المشاركة