اقتباس المشاركة الأصلية كتبت بواسطة hazemhany مشاهدة المشاركة
اسمحلي ازود حاجة ع الكلام بتاعك ...

اول حاجة موضوع ال btu ده شائك شوية ...اولا انت وزارة الصناعة بتدي سماحية عن الرقم المكتوب ع النيمبلت بتاع الجهاز في حدود من 5 ل 10 % نقصان ولو طلع الفرق اكبر من كده بيعتبر غش تجاري وممكن الشركة تتقفل فيه ....

ثانيا رقم ال btu المكتوب ده بيبقي متحقق في ظروف معينة قياسية في المواصفات القياسية الموضوعة للشركات والظروف دي ممكن تكون مختلفة عن اللي عندنا في البيوت وبالتالي الرقم مش بيبقي متحقق بالظبط زي ما هوا مكتوب ...اضف الي ذلك ان المستخدمين العاديين بيبقي صعب عليهم قياس موضوع ال btu ده لأنه محتاج اجهزة خاصة مش موجودة غير في معامل متخصصة ...

ثالثا موضوع درجة الحرارة الخارجية ده تقريبا اغلب الشركات بقت بتستخدم حاجة اسمها كباسات تروبيكال او استوائية ودي بتشتغل في درجة خرارة لحد 52-55 مع تحمل انخفاض فولتية تصل الي 170 فولت ...

رابعا في حاجة اسمها eer ودي بتبقي مكتوبة ع النيمبليت برضه والرقم ده بيقلك كفاءة تبريد الجهاز قد ايه بمعني انه بيستهلك كهربا قد ايه عشان يديك القدرة بتاعته وطبعا كل ما كبر الرقم ده كل ما كانت كفاءة الجهاز اكبر ...
شكرا على مشاركتك واضافتك

واحب اوضح انى عامل الموضوع مبسط دون الدخول فى تفاصيل فنية

بالنسبة لل Btu

حضرتك بتقول السماحية من 5-10 % اعتقد دى مش مظبوطة قوى عندك مثلاً تكييف فريش 1.5

حصان سبليت هتلاقى على النيمبلات ( الاستيكر على الوحدة الداخلية للى مش عارف) 9000

وشوية هبقى اجبلك بالظبط كام بكرة يعنى اقل حوالى 2000 Btu على الاقل ونسبة ال 10%

= 1200 Btu بالنسبة للمستخدميين العاديين طبعا مش هيقيسوا ال Btu هما هيعرفوها من

الكتالوج او النيمبلات على الوحدة الداخلية

بالنسبة لدرجة الحرارة الخارجية فعلا معظم الشركات بقت تعمل كده حتى بقى بيعملوها دعاية

للتكييف بتاعهم بس اللى بيشترى يتأكد مش هيخسر حاجة

EER (Energy Efficiency Ratio

The EER is the ratio of output cooling energy (in BTU) to electrical input energy (in Watt-hour).
​

​
وده مثال عشان لو عايزين نحسب الباور المستخدم لجهاز 5 طن تبريد بمعرفة EER ​