ليه التويوتا مش بتنزل العفشه بتاعتها تورشن بييم مش مالتى لينك؟؟

**M.Elwan** · 09-08-2015 04:46 PM

المشاركة الأصلية كتبت بواسطة eng f3lix

اسمحلي اقولك ال vsc او ال esp ملهوش علاقة بالثبات . الثبات اساساً من العفشة والشاسيه وانظمة الثبات دي كلها لتحديد مسار العربية لو انحرفت بشكل بسيط .. يعني لو علي سرعة عالية العربية انحرفت بطريقة صعبة السيطرة عليها هتلاقي ال esp بيدخل معاك في السيطرة عليها .. لو كان مقدار الانحراف ده اكبر من قوة ال esp وفعاليته هتلاقيها ببساطة عومت منك عادي وانحرفت .. التويوتا كورولا هتفضل عربية اقتصادية عشان كدة عفشتها الtorsion beam مش هتديها اللي متخيله

عومت فعلا بس منحرفتش وملفتش بظهرها وذكرت الموقف بالظبط الكومنت اللى فات

**eng.m7md.ali** · 09-08-2015 05:02 PM

المشاركة الأصلية كتبت بواسطة M.Elwan

عومت فعلا بس منحرفتش وملفتش بظهرها وذكرت الموقف بالظبط الكومنت اللى فات

هو ده بالظبط اللي عايز اوضحه لحضرتك .. مقدار الانحراف اللي حصل او مقدار العومان اللي حصل ده مكانش بالقوة اللي يخليها تخرج عن السيطرة .. ال esp هو اللي اتدخل في اللحظة دي .. لو كان العومان اكبر شوية خارج مقدرة ال esp كانت العربية لاقدر الله عامت ولفت بيك في الطريق

عربيات كتير جداً سوبركارز فيها جميع انظمة الثبات والامان وبردو بتعوم عادي جداً لان الموضوع بيبقي خرج عن سيطرة العفشة وال esp واحتكاك الكاوتش كمان بالرغم من ان العربيات دي بتبقي قمة في الثبات

**mzowail** · 12-08-2015 01:06 PM

انا من الناس الي استلمت الدفعه الاولي من الكورولا 2014. و قررت ما اعليش العربيه بسبب الثبات.

بصراحه العربيه انا باخد بيها ملافات علي 140 160 و ماشالله العربيه ثابته جدا

طبعا بعاني من المطبات بس اوك بدل ما اعاني في السيفتي

**JapRuleZ** · 12-08-2015 05:11 PM

و نرجع للنظرية النسبيه ... يعنى اللى معاه كورولا فاكر انها ثابته عشان مبتعومش على ١٦٠ و صديق معاه سوبارو دفع رباعى vsa و مالتى لينك بيقولى بياخد ملفات ضيقه على ٢٠٠ و مش مستريح !