LADA

**حسام كرم** · 03-07-2007 01:57 PM

هو يا ابو حميد مفيش فتحات تكييف بالخلف

**ابوحميد** · 07-07-2007 01:40 PM

اى نعم

**ابوحميد** · 07-07-2007 01:40 PM

اى نعم
نسيت اقول انى لسه معايا اللادا

**MOH_EGYPT77** · 03-09-2007 12:59 PM

ايه اخبار الادا كالينا

**المتميز** · 11-09-2007 05:28 PM

طيب إيه أخبار اللادا 2010؟
العربية دي بشوية إهتمام من الوكيل ممكن ببساطة تاخد مكان الشاهين إللي توقف إنتاجها

**ابوحميد** · 12-09-2007 01:48 AM

انت اكيد تقصد 2110ولا انا غلطان

**المتميز** · 12-09-2007 02:38 AM

بالضبط .. قصدي 2110
و بالمناسبة و لأن الشيء بالشيء يذكر
بالذمة إللي إحنا عايشين فيها دي إسمها بلد؟
لما أنا سألت قرطة (بالفلاحي يعني مجموعة كبيرة) من البشر إللي منهم إللي لامؤاخذة مالوش في حاجة و منهم الخبير أو هكذا يدعي (من غير زعل .... معظمهم مدعين) ...
بالذمة مفيش حد في البلد التعبانة دي عارف المعلومة إللي بتقول الشاهين هيقف إنتاجها السنة دي ولا لأ؟
هو أنا بسأل إحنا هنهجم على إسرائيل إمتى؟ طيب إيه رأيكو إن دي بالذات أنا عارفها كويس ...
إنما الشاهين ... إيه السر الخطير في المعلومة دي؟
يعني أروح أسأل عمر بيه سليمان مدير المخابرات العامة حاليا و الحربية سابقا عن الشاهين هيقف إنتاجها ولا لأ؟
ده حتى الفالح (دي كمان فيها قلة أدب؟ ماهو مشرفين المنتدى عايزين يعيشوا في المدينة الفاضلة!!) مدير شركة النصر تلاقيه مايعرفش .. لأنه تلاقيه مشغول في حاجات المدارس بتاعة المحروسين العيال و حاجات رمضان عشان يحشي بطنه ...
و تقولي فكر و إدارة و صناعة و تصنيع و قرارات و دراسة و ... و ...
إزاي و الناس كلها لامؤاخذة بتاكل حاجات خضرا ...
هي دي كمان عاملة زي سؤال: جمال مبارك هيمسك مكان أبوه ولا لأ؟
سر من أسرار الدولة العليا؟؟
دي بلد .... نضيفة ... بنت نضيفة

**future_aya** · 15-09-2009 11:02 PM

1- اوفق على سنتر لوك وانذار وهذا سهل جدا ويكلف قرابة 350 الى 400 جنية
2-يمكن ايضا تركيب ماكينات زجاج كهربائى على الابواب الاربعة وافضل فى البابين الاماميين فقط
3- لا افضل تركيب تكيف وكذا لا افضل تركيب باورستيرنج
وشكرا Future_aya

**micromoud** · 15-09-2009 11:17 PM

ليه يا جماعه صعب ان العربيه يركب لها تكييف اذا كان العربيات ال 800 و 1000 سى سى بيركب لها تكييف وبتجرى وشغاله زى الفل اما اللادا اللى موتورها قوى بيكون تكييفها ضعيف ليه ياريت اعرف الحكمه فى كدا؟

**x_gomgom** · 16-09-2009 05:12 AM

شوف يا اخي الكريم الموضوع اللي انت بتطلبه كلاتي:
-الادا ال 2107 ممكن يركبلها باور و تكلفته في التوكيل 3000 جنيه مصري و ابتدت تنزل كتجهيز اختياري من بدايه 2008 على حد علمي (انا معايا ال 2107 موديل 2008 فاضيه)
هو عامه الباور هيفرق معاك جامد في الادا و السبب ان الناس غير مقبله عليه ان الادا اساساً بيها عيب مشهور جدا و هو بيض الدركسون و اكيد حضرتك سمعت الموضوع دا قبل كده و بيقال و دا كلام ناس مهندسين في توكيل الامل انه يعجل من تلف البيض..
موضوع ال 131 و الكلام دا صحيح دا قبل ظهور موضوع الباور دا كمان شخصيا انا ضد موضوع التوفيق بين قطع الغيار...
- التكييف ايضا موجود في موديل 2008 برضه تجهيز اختياري و بيركب برضه عند حضرتك و تكلفته في التوكيل 3200 جنيه و في ديفيا اللي في كوبري القبه حوالي 2800 على ما اتذكر..
عيبه الاتي ان العربيه معدل السخونيه بتاعها بيزيد و بتكون مقرفه جدا في الزحمه كمان كفائته مش قد كده (لاحظ ان موتور الادا ال 2107 الكربراتير من الثمانينات لم يطله ذراع التطوير و اكيد مش هيدي نفس كفائه المواتير المجهزه بتكييف حديثاً و في حاله ال 2107 انت كده بتحمل على الموتور)...
اما الانجكشن دا بالفعل اللي كانت محاوله جيده بس محدش مستريح فيه لانه برضه نفس تصميم الموتور و اساسياته القديمه مع تغيير نظام حقن الوقود (عيبه القاتل قطع غيار غاليه و ان الكمبيوتر موجود في التوكيل فقط)..
نصيحه اخويه لو محتاج الباور جدا اعمله و خلي بالك من العفشه عشان موضوع البيض دا اما التكييف دا فهو بالفعل اشتغاله ولا يمكن مقارنته باي تكييف في العربيات الجديده (موجود معايا في نيفا 1993 1600 س.س و لغيتع بعديها ب 5 سنوات بسبب قرف السخونيه و تعب الموتور و حرق البنزين)...
يا رب اكون افدت