وقفة ضد عيوب الإليزيه

**hamaka** · 08-09-2013 01:49 AM

المشاركة الأصلية كتبت بواسطة د عمرو العمرجى

أصدقاء المنتدى
أرجو أن نتبنى جميعا و قفة جادة بمنع التفكير فى أحد العيوب الشهيرة فى كلامنا عن أى سيارة و هو خرافة ما يسمى إعادة البيع للاسباب التالية:
1- هذا السبب كفيل بإغلاق باب التفكير فى أى عربية محترمة بمجرد أن يذكرك من يناقشك بمدى الخسارة الفادحة حين تنوى بيعها و اللى ممكن يكون بعد 10 أو 12 سنة و يسرح خيالك بعيدا و أنت تتخيل نفسك و قد تشققت قدماك من اللف على المعارض و تسول رضاء أقاربك وأصحابك و أنت تقنع أحدهم بأنها لقطة و ترجوه أن يأخذها هدية و يسرح نفس الخيال فى صورتك و أنت تبيع الفيرنا أو اللانوس و قد جلست مثل شهريار تدخن الشيشة فى أحد المقاهى مثل سى السيد و أصحاب المعارض يقفون طابور طويل و يتوسلون إليك لتمنحهم شرف شراء العربية
2- أفهم أن يتنازل الواحد عن شراء السيارة لأنها لا تناسب إمكاناته و أحترم هذا جدا و ماعدا هذا فلا
3- مسألة سعر إعادة البيع مردود عليها بشدة فلا يبيع أحدا سيارة إلا ليشترى غيرها و ليس ليضع فلوسها فى البنك فهنا يكون سعر أعادة البيع مرتبط بما تريد شراؤه فمثلا أنا لدى فيرنا أوتوماتيك و أريد شراء 301 أو سى إليزيه فهل لو فكرت فى الهوندا أو التويوتا هل سيسعفنى نفس المبلغ من إعادة بيع الفيرنا
إن فكرت فى شئ عالى و قيم و لم أستطع شراؤه سأفكر فى شئ قيم آخر و بإمكاناتى
4- أرجو أن نتذكر أن الصينى و الكورى كان أرخص من الياباني (كان نصف سعره ثم أصبح فى سعره ثم أغلى منه)
أرجو أن نفعل ذلك لأننا ظلمنا أنفسنا جدا بما نفعله و أغلقنا الباب فى وجه سيارات رائعة و حرمنا نفسنا منها ب بعبع إعادة البيع
و حين أنظر لأسواق هى أقل منا سكانا بمراحل و أستمع لزملائى الذين يعملون فى السعودية و أنك تشترى أى ماركى محترمة تخطر على بالك أتحسر و أتعجب

كلام 100 % ، و ده اللى خلانى أفكس لكل الكلام الفارغ اللى سمعته و أنا بشترى عربيتى و أصريت انى أجيب فرنساوى و سيتروين بالذات لاقتناعى بيها دون التفكير فى الفيلم بتاع اعادة البيع ده ، و الحمد لله لم أندم على قرارى و اتضح ان معظم الكلام اللى سمعته من الناس من غلاء قطع الغيار و تعقيد العربية و كثرة الأعطال ما هو الا "الهبل بعينه"....

**د عمرو العمرجى** · 08-09-2013 06:01 AM

ها هى بعض المعلومات عن ستروين و بيجو 301
السيارتان مخصصة للنزول فى الأسواق النامية و لن تطرح فى غرب اوروبا و بالتحديد فى فرنسا و المملكة المتحدة
إجمالى انتاج سيارات سى اليزيه حول العالم هو 7000 سيارة و اجمالى مبيعاتها 5600
اجمالى انتاج بيجو 301 حول العالم هو 11600 و اجمالى المبيعات هو 4800
هذا الكلام فى أول عام انتاج لهما 2012
و مكتوب ان السيارتين توأم
و الصفحة على ويكيبيديا هى( http://en.wikipedia.org/wiki/Peugeot_301_(2012)
و مكتوب بجوار 301 تاريخ 2012 لأن بيجو أنتجت السيارة 301 اول مرة مابين عامى 1932-1936
و كان شكلها أنتيكة زى مناظر العربيات قبل عصر شارلى شابلن

**د عمرو العمرجى** · 08-09-2013 06:13 AM

لكل الأخوة فى المنتدى
استفسار و استشارة
كنت امس السبت فى مستشفى جراحات اليوم الواحد بمدينة نصر و بعد انتهاء العمل أخبرنى أحد زملائى أن أباظة اوتوتريد قريب للغاية و ذهبت لم أجد عنده سى اليزيه و إنما فقط بيجو 301
شكلها بصراحة جميل و لكن سؤالى هو ملاحظة وجدتها و أعتقد أنها فى السيارتين
لا يوجد قفل للابواب من الداخل و غلق الأبواب يتم أوتوماتيكيا عندما تكون العربية على d و بعدها بثوانى قليلة كمان كما أخبرنى أ محمد الخطيب فى المعرض
و هذا أراه عيبا لأن معى فيرنا بمجرد أن أدخل العربية أقوم بغلق الأبواب كلها فى لحظة حتى قبل و ضع المفتاح فى الكونتاك
و هذا أمر مهم فى ظل ما نراه و نسمعه من بلطجه
فهل هذا صحيح

**hamaka** · 08-09-2013 02:19 PM

أكيد فيها زرار فى التابلوه أو فى باب السواق بيقفل الأربع أبواب و الشنطة حتى و انت واقف....

**Haitham G** · 08-09-2013 02:45 PM

المشاركة الأصلية كتبت بواسطة hamaka

أكيد فيها زرار فى التابلوه أو فى باب السواق بيقفل الأربع أبواب و الشنطة حتى و انت واقف....

كلام سليم فيه زرار فى التابلوه بيعمل لوك للعربية كلها لكن مفيش لكل باب منفصل لوك لوحده

**Ahmed Amin** · 08-09-2013 05:03 PM

المشاركة الأصلية كتبت بواسطة د عمرو العمرجى

لكل الأخوة فى المنتدى
استفسار و استشارة 301
شكلها بصراحة جميل و لكن سؤالى هو ملاحظة وجدتها و أعتقد أنها فى السيارتين
لا يوجد قفل للابواب من الداخل و غلق الأبواب يتم أوتوماتيكيا عندما تكون العربية على d و بعدها بثوانى قليلة كمان كما أخبرنى أ محمد الخطيب فى المعرض
و هذا أراه عيبا لأن معى فيرنا بمجرد أن أدخل العربية أقوم بغلق الأبواب كلها فى لحظة حتى قبل و ضع المفتاح فى الكونتاك
و هذا أمر مهم فى ظل ما نراه و نسمعه من بلطجه
فهل هذا صحيح

هيا العربية مش بتقفل اوتوماتيك مع ال d أول ما بتخارة.
هيا بتقفل الابواب الاربعه بعد ما تجيب d وتتحرك بيها وسرعتك تعدي ١٠ كيلومتر في الساعة,
أي بدأت رحلتك ساعتها بتقفل الأربع أبواب لوحدها, ولما بتقف لحظة وصولك او في زحمة محدش يقدر يفتح اي باب من برة العربية , بس ممكن تفتح العربية من اي باب داخلي يعني مش شرط باب السائق او اللي راكب جنبه زي ماهو موجود في بعض الغربيات الياباني والكوري.

وعلي ما اتذكر في اوبشن في كمبيوتر الغربية لالغاء هذه الخاصية من زراير وحدة التحكم في الطابلوة

وزي ما الزملاء وضحو في زرار منفصل بيقفل كل الابواب الاربعة سواء جايب n أو d ومتحركتش ليه.

**Ahmed Amin** · 08-09-2013 05:12 PM

المشاركة الأصلية كتبت بواسطة د عمرو العمرجى

ها هى بعض المعلومات عن ستروين و بيجو 301
السيارتان مخصصة للنزول فى الأسواق النامية و لن تطرح فى غرب اوروبا و بالتحديد فى فرنسا و المملكة المتحدة
إجمالى انتاج سيارات سى اليزيه حول العالم هو 7000 سيارة و اجمالى مبيعاتها 5600
اجمالى انتاج بيجو 301 حول العالم هو 11600 و اجمالى المبيعات هو 4800
هذا الكلام فى أول عام انتاج لهما 2012
و مكتوب ان السيارتين توأم
و الصفحة على ويكيبيديا هى( http://en.wikipedia.org/wiki/Peugeot_301_(2012)
و مكتوب بجوار 301 تاريخ 2012 لأن بيجو أنتجت السيارة 301 اول مرة مابين عامى 1932-1936
و كان شكلها أنتيكة زى مناظر العربيات قبل عصر شارلى شابلن

جديدة عليا موضوع انها نزلت قبل كدا من ١٩٣٢-١٩٣٦
مع إني دخلت صفحة ويكيبيديا دي أكتر من مرة وعارف كل الكلام اللي حضرتك كتبته. بس كنت دايماً أقراء من اول السطر اللي بيقول
The Peugeot 301 is a compact car, produced by the French automaker Peugeot.

وماخدتش بالي من الجملة دي خالص.

For the original Peugeot 301, see Peugeot 301 (1932-1936).

ولا كنت أعرف إن موديل ٣٠١ نزل قبل كدا منه زمان, وكنت مفكر إندا أول إنتاج للموديل دا.

مش قلت لك بكرة هنتعلم منك. :)

**mfawzyali** · 08-09-2013 07:24 PM

المشاركة الأصلية كتبت بواسطة zooma2009

يا باشا العربيه زي الفل وبالنسبه لسعرها صفقه رائعه بكل المقاييس

واكيد زيها زي اي عربيه فيها بعض العيوب .. ده شيئ طبيعي اهم حاجه ان انت تبقي عارف بتشتري ايه

العربيه بصراحه تستاهل كل جنيه اتدفع فيها

فخامه : 10/10
ثبات : 9/10
فرامل: 9/ 10 : Abs , ebd , eba
نظام تعليق : 9/10 ويتعامل مع الطرق المكسره بطريقه ممتازه
الفتيس : ذكي جدا وبيحدد طريقه السواقه والسحب من لمستك للبنزين ( النقله من الاول للتاني محسوسه في بعض الاحيان فقط , وتختفي تدريجيا مع تعودك علي طريقه الفتيس )
الموتور : جبااار
التكييف : ممتاز ولا يقارن باي سياره اوروبي اطلاقا .. ( صوت مروحه التكييف عالي قليلا في الاماكن الهادئه مثل معظم الاوروبي)
السحب : بدون تكيييف ممتاز , بالتكييف يقل السحب قليلا ويصبح التسارع معقول
الارتفاع عن الارض : ممتاز
الوسع الداخلي : رهييييب
الكاسيت والنظام الصوتي : رااائعه

شكرا جدا على درك يا باشا

بس انا كنت شايف ناس عمله مشكله في جهاز حمايه المستهلك عشان العربيه و التكييف بتاعها فيه مشكله

و ان العربيه لو واقف في مكان زحمه التكيف بيفصل و العربيه بتكركر و زلام نروح التوكيل نعمل ابديت سوفت وير

هل الكلام ده حصل مع حضرتك ؟